Astana qalalyq ІІD pavlodarlyq 21 jasar qyzdyń ólimin ashty
ASTANA. 8 mamyr. QazAqparat - Astana qalalyq ІІD-niń tergeý jónindegi basqarmasynyń qyzmetkerleri boıjetkendi óltirý faktisin ashty.
Departamenttiń baspasóz qyzmetinen habarlaǵandaı, 24 sáýir kúni Astana qalalyq ІІD-niń kezekshilik bólimine turǵyn úıdiń páterinde zorlaý belgilerimen óltirilgen, belgisiz boıjetkenniń máıiti tabylǵany týraly aqparat kelip tústi. Oqıǵa ornyna kelgen polıtseıler onyń tulǵasyn anyqtady. Ol Pavlodar oblysynyń 21 jasar týmasy bolyp shyqty.
Ótkizilgen tergeý barysynda polıtsııa qyzmetkerleri oqıǵanyń qalaı bolǵanyn kezeń-kezeńimen «qalpyna keltirdi». Sonyń nátıjesinde, boıjetkendi oqıǵa ornynan izin jasyrǵan Ońtústik Qazaqstan oblysynyń 22 jasar azamaty óltirgeni anyqtaldy.
Jedel-izdestirý sharalarynyń barysynda jigit ustaldy, qylmysyn aıǵaqtaıtyn zattar alyndy. Qazirgi ýaqytta ustalǵan azamat kinásin moıyndady.
Atalǵan faktimen QR QK-niń 96-baby, 1-bólimi boıynsha qylmystyq is qozǵaldy.
