Astana qalalyq ІІD-ne jańa ǵımarat salynady
ASTANA. QazAqparat - Astana qalalyq ІІD-ne jańa ǵımarat salynady, dep habarlaıdy elorda.info .
Qurylys jobasyna sáıkes jańa ǵımaratqa 760-qa jýyq qyzmetker sııady. 70 oryndy 2 turaq jáne qyzmetkerlerdiń kóligine arnalǵan 62 oryndy arnaıy turaq qarastyrylǵan.
Nysannyń aýmaǵy - 7 957,1 sharshy metr, ótetin jol men trotýarlar kólemi - 9 992,5 sharshy metr, kógal - 2 089 sharshy metr. Qurylys merzimi - 15 aı. Aıta ketý kerek, Astana qalasynyń qurylys basqarmasy men Astananyń Іshki ister departamenti birlesip jańa ǵımarattyń ornalasý ornyn qarastyrýda. Nysan Túrkistan kóshesinde nemese Myńjyldyq gúlzary aýmaǵynda (LRT jelisi boıynda) salynbaq.
Sondaı-aq, kommýnaldyq múlik jáne memlekettik satyp alýlar basqarmasy departamenttiń ortalyq apparatyn ornalastyrý úshin «Qazposhta» AQ-men Beıbitshilik, 37 kóshesindegi ǵımaratty kommýnaldyq menshikke berý boıynsha jumystar júrgizilýde.
