Astana qalalyq ІІD qyzmetkerleri Joldaý júktegen mindetterdi talqyǵa saldy
ASTANA. 30 qańtar. QazAqparat - Búgin Astana qalalyq Іshki ister departamentiniń basshylyǵy men jeke quramy Elbasy Nursultan Nazarbaevtyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty taqyrybyndaǵy Qazaqstan halqyna arnaǵan Joldaýynyń negizgi baǵyttaryn talqylady.
Keńeste elordalyq Іshki ister departamentiniń bastyǵy, polıtsııa general-maıory Amantaı Áýbákirov baıandama oqyp, Elbasynyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty taqyrybyndaǵy Qazaqstan halqyna Joldaýynda kóterilgen mindetter týraly sóz etti. Sonymen qatar departament bastyǵy Joldaýdaǵy polıtsııa qyzmetkerleriniń aldyna quqyq qorǵaý organdaryn jańǵyrtý, sonyń ishinde sapaly kadrlyq jańǵyrtý máseleleri boıynsha tapsyrmalar berip, jańa mehanızmder men aqparattyq múmkindikterdi paıdalanyp, sybaılas jemqorlyqtyń jolyn kesý men onyń aldyn alý isine qoǵam ókilderin tartý baǵytynda naqty mindetter júktedi.
Departament bastyǵynyń aıtýynsha, elordalyq tártip saqshylary Prezıdent Joldaýynda atap kórsetilgen 10 baǵytty basty nazarda ustaýlary kerek. Óıtkeni ol Qazaqstandaǵy ómir súrý deńgeıin damyǵan elderdegi deńgeıge jetkizýge múmkindik beretin keleli mańyzdy máseleler.
Jıyn barysynda sybaılas jemqorlyqpen kúres, azamattardyń memlekettik organ ókilderine degen senimderin nyǵaıtý, sot organdaryn jańǵyrtý men memlekettik qyzmet sapasyn arttyrý baǵytyndaǵy máseleler de sóz boldy. Іshki ister departamentiniń jeke quramy Joldaýdy talqylaýǵa belsendi qatysty. Onyń negizgi baǵyttaryn iske asyrý boıynsha óz usynystaryn bildirip, olar boıynsha ózara pikir almasyldy. Osylaısha Astana qalalyq Іshki ister departamentinde basshylyqtyń jeke baqylaýymen Elbasynyń qoıǵan tapsyrmalaryn iske asyrý jumysy bastalyp ketti.
