Astana qalalyq ІІD qyzmetkerleri elorda aýmaǵyndaǵy orman jáne dala alqaptarynda órttiń týyndaýyna jol bermeý úshin reıdtik shara júrgizdi
ASTANA. Tamyzdyń 21-i. QazAqparat - Astana qalalyq ishki ister departamentiniń tabıǵatty qorǵaý jáne veterınarlyq polıtsııa toby elorda aýmaǵyndaǵy saıabaqtarda, orman jáne dala alqaptarynda órttiń týyndaýyna jol bermeý jáne órt qaýipsizdigin qamtamasyz etý maqsatynda reıdtik shara júrgizdi. Bul aqparatty atalǵan vedomstvonyń memlekettik til jáne aqparat bóliminen habarlady.
Reıd barysynda jergilikti halyq jáne azamattar jappaı demalatyn saıabaqtarda alaý jaǵýǵa tyıym salý, orman alqaptaryna kólik quraldarynyń kirýine shekteý qoıý, ot ushqynyn sóndiretin qurylǵylary joq ózge tehnıkalardy paıdalanýǵa tyıym salý, sondaı-aq tabıǵatqa uqypty qaraý ári órt qaýipsizdigi erejesin saqtaý boıynsha túsindirý jumystary júrgizildi.
«Jasyl alqaptardy ustaý jáne qorǵaý erejesin buzǵan azamattar QR Ákimshilik quqyq buzýshylyq kodeksiniń 300-shy baby boıynsha jaýapkershilikke tartylady», delingen baspasóz habarlamasynda.
