Astana qalalyq ІІD qarasty ýaqytsha ustaý -oqshaýlaǵyshtaryndaǵy azamattar da daýys beredi
ASTANA. 18 naýryz. QazAqparat /Aıdar Ospanalıev/ - Astana qalalyq Іshki ister departamentine qarasty ýaqytsha ustaý- oqshaýlaǵyshtarynda ýchaskelik komıssııalar quryldy jáne onda otyrǵan azamattardyń barlyǵy da saılaý kúni daýys beredi.
Bul týraly búgin Astana qalalyq Іshki ister departamenti bastyǵynyń orynbasary Qaırat Muhıtov málim etti.
Onyń sózine qaraǵanda, saılaý ýchaskeleriniń qaýipsizdigin qadaǵalaý maqsatynda jaıaý jáne kóliktegi polıtsııa jasaqtary bólindi. «Osy ýaqytqa deıin departamenttiń jeke quramymen saılaý naýqanynda atqarylatyn jumystarǵa baılanysty túsindirý jumystary júrgizildi. Elimizdiń «Saılaý týraly» zańynyń talaptarymen departament qyzmetkerlerin prokýratýra ókilderi de tanystyrdy. Al aldaǵy kúnderi Ortalyq saılaý komıssııasynyń múshesi Tatıana Ohlapkovanyń qatysýymen departament ókilderi semınar- keńes ótkizetin bolady»,-dedi Q.Muhıtov.
