Astana qalalyq ІІD-inde kámeletke tolmaǵandar arasynda quqyq buzýshylyqtyń aldyn alý máselesine arnalǵan jıyn ótti
ASTANA. Sáýirdiń 1-i. QazAqparat - Astana qalalyq ishki ister departamentinde «Kámilettik jasqa tolmaǵaǵandar arasynda quqyq buzýshylyqtyń aldyn alýdaǵy ishki ister, bilim berý organdarynyń jáne qoǵamdastyqtyń ózara yntymaqtastyǵy» máselelerine arnalǵan «dóńgelek ústel» otyrysy ótti.
Bul aqparatty atalǵan vedomstvonyń til saıasaty jáne aqparat bólimi taratyp otyr.
Departament basshysy, polıtsııa polkovnıgi Marat Demeýovtiń tóraǵalyǵymen ótken jıynǵa qalalyq ІІD-niń basshylyq quramy, bilim berý basqarmasynyń ókilderi, «Qamqorlyq» qoǵamdyq birlestigi keńesiniń, ata-analar komıtetteriniń tóraǵalary, mektep dırektorlary jáne mektep ınspektorlary qatysty.
M.Demeýovtiń aıtýyna qaraǵanda, jasóspirimdermen tikeleı jumys jasaıtyn mektep ınspektorlarynyń qyzmeti departament tarapynan qatań qadaǵalaýǵa alynǵan. Olardyń jumystary apta saıyn ІІD bastyǵy janyndaǵy apparattyq keńeste qaralyp, atalǵan ınstıtýttyń qyzmetin jaqsartý úshin naqty, tıimdi sharalar qoldaný qarastyrylyp otyrady. «Sondyqtan mektep ınspektorlyǵyna maman tańdaý úrdisi de tıimdi jolǵa qoıylǵan. Olarǵa qoıylatyn eń basty talaptardyń biri - psıholog bolý, adammen tez til tabysa bilý. Osyǵan oraı kadr tańdaý barysynda mektep ınspektorlyǵyna taǵaıyndalatyn árbir azamat arnaıy emtıhannan ótedi», dedi ol óz sózinde.
Jıynnyń qorytyndysy boıynsha kámelettik jasqa tolmaǵandar arasynda quqyq buzýshylyqtyń aldyn alý birlesken jumystaryn jandandyra túsý maqsatynda birqatar usynystar qaraldy.
Elordada 64 mektep bar jáne onyń barlyǵynda da mektep ınspektorlary bekitilgen. Quqyq qorǵaý organdarynyń esebinde 530 jasóspirim esepke alynsa, olardyń 40-y mektep ınspektorlarynyń jiti qyzmetiniń arqasynda anyqtalǵan. Jalpy jyl basynan beri 890 jasóspirim ishki ister organdaryna jetkizilip, 524-i ákimshilik quqyq buzýshylyq jasaǵany úshin jazaǵa tartylǵan.
