Astana qalalyq ІІD-inde Ákimshilik kodekske engizilgen ózgerister men tolyqtyrýlar taqyrybyna arnalǵan ınternet-konferentsııa ótti

dep habarlaıdy QazAqparat.

 Tamyz aıynyń basynda qabyldanǵan jańa zańǵa sáıkes qoǵamdyq oryndarda, kóshelerde, saıabaqtarda alkogoldi ishimdikterdi, onyń ishinde syrany paıdalanýǵa tıym salynǵan bolatyn. Bul erejeni buzǵan azamattarǵa birinshi joly aıyppul salynsa, birneshe márte qaıtalaǵandar 15 táýlikke deıin qamaýǵa alynady. Azamattardan kelip túsken saýaldardyń kópshiligi osy másele tóńireginde boldy. Sonymen qatar, Ákimshilik kodekske engizilgen ózgeristerge sáıkes ishimdikterdi jaı dúkenderde, sýpermarketterde, dúńgirshikterde satýǵa tyıym salynyp otyr. Endi ishimdikterdi tek iri saýda ortalyqtarynan, dámhana, meıramhanalardan alýǵa bolady. Al ishimdik ataýlyny  lıtsenzııasy bar dúkenderde túngi 12-den tańǵy 8-ge deıin satýǵa shekteý qoıylǵan.

 Buǵan qosa ınternet-konferentsııa barysynda kámeletke tolmaǵandardyń túngi klýbtarǵa, kóńil kóterý oryndaryna barýyna shekteý qoıý jaıynda da suraqtar boldy. Departament bastyǵy orynbasarynyń aıtýyna qaraǵanda, ata-anasynyń nemese eresekterdiń qaraýynsyz keshqurym oıyn-saýyq quratyndar budan bylaı ishki ister departamentine esepke alynyp, ata-analary jaýapqa tartylatyn bolady.