Astana qalalyq ІІD «Dream Life» kompanııasynyń rıeltorlarynan zardap shekken azamattardy izdestirip jatyr
ASTANA. QazAqparat - Astana qalasynyń Іshki ister departamenti adamdardy aldaý jolymen 2,5 mln. teńgeni ıelengen «Dream Life» jyljymaıtyn múlik kompanııasynyń qyzmetkerlerine qatysty sot aldyndaǵy tergeý amaldaryn júrgizip jatyr.
Astana qalalyq ІІD azamat aldaý jáne senimine kirý arqyly «Dream Life» kompanııasynan Astana qalasynan baspana satyp alý úshin J. esimdi azamattyń 2,5 mıllıon teńge somasyndaǵy aqshasyn ıelengen M. esimdi azamattyń ústinen QR QK-niń 195-babynyń 4-bólimimen (múliktik zııan keltirý jáne senimge qııanat etý) sot aldyndaǵy tergeý amaldaryn júrgizip jatyr», - delingen taratylǵan habarlamada.
Polıtseılerdiń atap ótýinshe, «Dream Life» JShS BAQ-ta jyljymaıtyn múlikti búkil Qazaqstan, sonyń ishinde Astana qalasy boıynsha «Ortaq Úı» tutynýshylyq kooperatıvi arqyly merzimin uzartyp, paıyzsyz jáne artyq tólemsiz satatyny týraly jarııalaǵan.
