Astana qala kúnine oraı bezendirilýde
ASTANA. QazAqparat - Qala turǵyndary men qonaqtary ádemi merekelerdiń biri - elorda kúnin qarsy alady. Arý Astana jańa keıipke enbek - ǵımarattardyń merekege oraı bezendirilgen qasbetteri, jarq-jurq etken konstrýktsııalar jáne shaǵyn sáýletti pishinder erekshe atmosfera ornatpaq, dep habarlady www.24.kz.
Almaty aýdanynda 21 jaryqdınamıkalyq panno men 375 kronshteın ornatylǵan. Basty kóshelerge konsoldik týlar, al Beıbitshilik pen kelisim saraıynyń jáne «Jeruıyq» parkiniń aldyna tý pannolary qoıyldy. Parkterdegi shamdar men kópirler merekege oraı gúl sharlarmen bezendiriledi. Jalpy, «Almaty» aýdanynyń aýmaǵynda shaǵyn sáýlettik pishinniń 22 jıyntyǵy ornatylyp, ǵımarattardyń qasbetteri árlenedi.
Sol jaǵalaýda keremet sharlar men tyrnalar kózdiń jaýyn alady. Al barshanyń kózaıymyna aınalǵan I Love Astana konstrýktsııalary Esil ózeniniń jaǵasyna, Astanalyq parkte, Qabanbaı batyr dańǵyly men Kereı, Jánibek handar kóshesiniń qıylysynda, «Jan Júregim Astana» - «Astana Opera» teatrynyń janynda, «Kerýen» saýda, oıyn-saýyq ortalyǵynyń janynda jáne Turan dańǵyly men Syǵanaq kóshesiniń qıylysynda «ıA lıýblıý Astaný» konstrýktsııasy ornatyldy.
Elordanyń týǵan kúnine oraı aǵashtar da bezendiriledi, «Qurmanǵazy» gúlbaǵynda dekoratıvtik rásimdeý jumystary júrgizilýde. «Araı», «Ǵashyqtar» parkterinde, «Astanalyq tsırk» gúlbaǵynda, «Astana Opera» teatry aýdanyndaǵy gúlbaqta jáne «Esil» aýdany ákimdiginiń janynda jaryqtandyrý tirekterinde kronshteınder bezendirilip jatyr. «Han shatyr» saýda, oıyn-saýyq ortalyǵyna qarsy jerasty ótkeli, «Astana Opera» teatrynyń aldyndaǵy kópir, Orynbor kóshesindegi eki jaıaý júrginshiler kópiri men «QazMunaıGaz» kópiri, Syǵanaq kóshesindegi «Transtroımost» kólik jolaıyryǵy ádemi jaryqtandyrylatyn bolady. Munymen qosa turǵyn úılerdiń qasbetterin bezendirý boıynsha jumystar júrgizilýde. «Saryarqa» aýdanynyń ákimdigi ortalyq kóshelerdi, alańdar men merekelik sharalar ótetin oryndardy bezendirýdi qolǵa aldy. Osylaısha, Esil ózeniniń jaǵasynda arka ornatylyp, jaıaý júrginshiler kópiri bezendirildi, qalalyq alańda tý konstrýktsııalary men saýda shatyrlary bolady.
Aýdan aýmaǵynda «Kóbelek», «Kóbelektiń ushýy», «Astana kúni», «Kempirqosaq», «Júzimniń sabaǵy», «Geometrııalyq tonnel», «Stıldengen janýarlar», «Kilt», «Gúl arkalary», «Kóshe jıhazy» jáne t.b. shaǵyn sáýlettik pishinder ornatylady. Al temirjol vokzalynyń janynda, qalalyq alańda, Esil ózeniniń jaǵalaýynda, QR Qarjy mınıstrligi ǵımaratynyń jáne Abaı eskertkishiniń janynda qala turǵyndary men qonaqtary «Instagram» jáne «Astanalyq foto» grınobýstarymen (fotostendimen) estelikke sýretke túse alady.
El ordasy - Astana qala turǵyndaryn qýantyp, qonaqtaryn qarsy alýǵa daıyn.
