«Astana» qaqpasyna «Sportıngtiń» salǵan goly Argentınada fleshmobqa ulasty
ASTANA. QazAqparat - Eýropa Lıgasynyń 1/16 fınalyndaǵy «Astana» - «Sportıng» (1:3) matchynan keıin argentınalyqtar áleýmettik jelide «vırýstyq» heshtegti iske qosty, dep habarlaıdy Sports.kz.
Jelson Martınshtiń «Astana» qaqpasyna salǵan ekinshi golynan keıin argentınalyqtar «Sampaolıge habarlasyńyzdar!» [Horhe Sampaolı - Argentına quramasynyń bas bapkeri - red.] degen jazbany jappaı SMS arqyly joldaı bastaǵan. Bul jerde gol salǵan portýgaldyq týraly emes, «Astananyń» úsh oıynshysyn - Abzal Beısebekov, Igor Shıtov jáne Patrık Tvýmasıdi aldap ótip, Martınshtiń aıaǵyna dop salyp bergen jartylaı qorǵaýshy Markos Akýnıa týraly aıtylǵan.
Qarymta kezdesý 22 aqpan kúni Lıssabonda (Portýgalııa) ótedi, alaıda «Astana» bapkeri Stanımır Stoılovtiń ózi onyń komandasynyń jeńiske jetý múmkindiginiń tómen ekenin moıyndap otyr.
