Astana q. Saryarqa aýdandyq ІІB-nyń qyzmetkerleri avtokólik urlaýmen aınalysatyn Qostanaı oblysynyń týmasyn ustady
ASTANA. 13 qazan. QazAqparat. Aǵymdaǵy jyldyń 12 qazanynda saǵat 07.30-da Saryarqa aýdandyq ІІB-na «B» esimdi azamat belgisiz bireýdiń Dostyq k. boıyndaǵy úıdiń aýlasynan onyń «Folksvagen-Passat» avtokóligin urlap áketkeni týraly shaǵymdanǵan bolatyn. Sol kúni Ýálıhanov kóshesi boıyndaǵy úıdiń janynan atalmysh markadaǵy urlanǵan avtokólik jóninde taǵy bir jábirlenýshi habarlasqan.
Osy qylmystardy ashý úshin tergeý bóliminiń qyzmetkerleri jumyldyryldy. Jedel-izdestirý sharasynyń barysynda «izin sýytpaı» esh jerde jumys istemeıtin, Qostanaı oblysynda týǵan, 19 jastaǵy Astana qalasynyń turǵyny ustaldy.
Jaýap alý kezinde kólikterdi bólshekterge bólip, keıin jańa avtokólik satyp alý oıynda bolǵan qaskúnem istegen isin moıyndaıdy. Alaıda, bul aram pıǵyldy júzege asyra almaıdy. Kólikter ıelerine tehnıkalyq jónsiz kúıinde qaıtarylady.
Qazirgi ýaqytta kúdikti Astana q. ІІD ÝQUI-na qamaldy. Osy fakti boıynsha QR QK-niń 185-baby 2-bólimi boıynsha qylmystyq is qozǵaldy.
Qylmyskerdiń osyndaı mándegi ashylmaı jatqan qylmystarǵa qatystylyǵyn anyqtaý boıynsha tekseris jumystary júrgizilýde.
