Astana IT-qyzmetter salasyn jyldam meńgerip jatyr
ASTANA. QazAqparat - Elorda IT-qyzmetter salasyn shuǵyl túrde meńgerýde, dep habarlaıdy QazAqparat tilshisi Energyprom saıtyna silteme jasap.
Alǵashqy jartyjyldyqtyń nátıjelerine sáıkes, sektordaǵy kompıýterlik baǵdarlamalaý, konsýltatsııalyq jáne ózge de qyzmetter 75,6 mlrd teńgeni quraǵan. Bul ótken jyldyń uqsas merzimimen salystyrǵanda 21% joǵary.
Qyzmetterdiń 85% eldiń eki iri qalasynda kórsetiledi. Ótken jyly Almatyda 53,4% bolsa, bıyl 46,6%. Al Astanada bıyl - 38,4%, bir jyl buryn 30,8% bolǵan.
Astanadaǵy IT-qyzmetterdiń ósý qarqyny ońtústik astanamen salystyrǵanda áldeqaıda joǵary. Almatydaǵy qyzmetter kólemi 35,2 mlrd teńgege jáne qosymsha qosyshma 5,5% jetti, al Astanada - 29,1 m mlrd teńgeni qurady, ıaǵnı úles mólsheri bir jylda 50,9% artqan.
Sektordaǵy qyzmetterdiń negizgi kólemi baǵdarlamalyq qamsyzdandyrýdy óńdeýge ketken. ıAǵnı kórsetkish 56,8% nemese 42,9 mlrd teńgege jetti. Bul ótken jylmen salystyrǵanda 31% joǵary.
Sondaı-aq, IT salasyndaǵy konsýltatsııalyq jáne praktıkalyq qyzmetter 10,9% aınalasynda bolady. Bul ótken jylmen salystyrǵanda 16% tómen. Sektordaǵy qyzmetterdiń 13,4% halyq esebinen kórsetilgen.
