Astana — Ystanbul baǵyty boıynsha reıster sany artty
ASTANA. KAZINFORM — Astana halyqaralyq áýejaıynan Ystanbulǵa qatynaıtyn turaqty reıster sany kóbeıdi.
Buǵan deıin bul baǵyt boıynsha aptasyna 11 reıs oryndalsa, endi olardyń sany 14-ke jetti. Osylaısha, reıster kún saıyn eki ret oryndalatyn boldy.
Reıs jıiliginiń artýy jolaýshylarǵa ushý ýaqytyn tańdaýda qosymsha múmkindik beredi. Ystanbul arqyly Eýropa, Azııa, Afrıka jáne Amerıka elderine ári qaraı ushýǵa da bolady.
Jazǵy maýsymda Astanadan Antalııaǵa da kún saıyn tikeleı reıster oryndalady. Bul Qazaqstan men Túrkııa arasyndaǵy áýe qatynasynyń jazǵy kezeńdegi múmkindikterin keńeıtedi.
Eske salaıyq, buǵan deıin Oral áýejaıynan Máskeýge tikeleı reıs ashylatynyn habarlaǵan edik.
