Astana Іshki ister departamentiniń bastyǵy A.Áýbákirov oqý mekemeleriniń basshylarymen kezdesti
ASTANA. 24 qazan. QazAqparat /Gúlmıra Alıakparova/ - Astana qalalyq Іshki ister departamentiniń bastyǵy polıtsııa general-maıory Amantaı Áýbákirov qalanyń mektep, kolledj jáne lıtseı dırektorlarymen kezdesti.
ІІD-niń baspasóz qyzmetinen málim etkendeı, A.Áýbákirovtyń Bilim berý basqarmasynyń basshylyǵymen, 6 mektep, 7 kásibı lıtseı jáne 28 kolledj dırektorlarymen ótken kezdesýdiń maqsaty -kámeletke tolmaǵandar arasyndaǵy qylmyskerlik máselesin talqylaý boldy.
Qalanyń bas polıtseıi kámeletke tolmaǵandar arasynda quqyq buzýshylyqtyń aldyn alý úshin qoldanylatyn sharalar boıynsha ishki ister organdary men bilim berý mekemeleriniń baılanysy máselesin kóterdi.
«Elordalyq saqshylar qylmyskerlikpen kúresti kúsheıtýge, quqyqtyq tártip pen qoǵamdyq qaýipsizdikti qamtamasyz etýge keshendi jáne quqyqtyq sharalar qoldanýda. Polıtseıler túıitkildermen jumys istep qana qoımaı, onyń aldyn alady. Mundaı jaǵdaıda oqytýshy quram da tys qalmaý qajet. Oqý ornynyń árbir basshysy ishki ister organdarymen birlese otyryp, aldyn alý jumystaryn uıymdastyrý qajet jáne oǵan qoǵam ókilderin tartý kerek», - dedi A.Áýbákirov.
Keńes barysynda Departament basshysy balalar men jasóspirimderdi qylmystyq ozbyrlyqtan saqtaý, olardy jeke qaýipsizdik sharasyna oqytý, qoǵamdyq jerler men kóshelerde júrip-turý máselesine basa nazar aýdardy.
Osyǵan baılanysty ata-analar komıtetiniń rólin kóterip, memlekettik jáne quqyq qorǵaý organdarynyń qyzmetkerleri, sonyń ishinde ІІO-nyń ardageri bolyp keletin ata-analar quramyn tartý qajet.
Mektep, kolledj basshylary da óz taraptarynan elordalyq polıtseılerge óz pikirleri men kózqarastaryn jetkizdi. Máselen, olar mektep ınspektorlaryna oń baǵa berip, oqytýshylar men ınspektorlardyń birlesip ótkizetin sharalary oqýshylar arasynda qylmys jasaýdy tómendetýge oń baǵa berip otyrǵanyn aıtty.
Qalada «Polıtseıdiń jas dosy» jasaqtary óz jumystaryn jalǵastyrýda. Kolledjderde tártiptik keńester qurylyp, olardyń quramyna oqytýshylar, psıhologtar men oqý toptarynyń kóshbasshylary kirdi.
Keńes nátıjesinde mektep, ata-analar komıteti men polıtseılerdiń baılanysyn bekitý, mektep ınspektorlarynyń jumysyn kúsheıtý boıynsha birqatar sheshimder qabyldandy.
