Astana ishindegi eski beıitter kóshirile me
ASTANA. QazAqparat - 2018 jyly Astanada kem degende 60 kósheniń qurylysy joparlanǵan. Ońtaıly jaǵdaılarǵa baılanysty jańa kóshelerdiń kólemi 110 tipti 160-qa deıin ósýi múmkin, dep habarlaıdy Elorda Info.
Qalalyq avtomobıl joldary basqarmasynyń basshysy Ashat Qaraǵoıshın 60 kóshe boıynsha jobalyq-smetalyq qujattardyń daıyn turǵanyn aıtty.Sonymen birge Óndiris jáne Ońtústik-Shyǵys shaǵyn aýdandarynda kólemdi jóndeý jumystary júrgizilmek. Jobaǵa engizilgen taǵy bir jumys - bıyl «búkir kópirden» temir jolǵa deıingi Jańajol kóshesi tórt jolaqqa keńeıtiledi.
Otyrys barysynda Taha Hýseın jáne Baraev kóshelerinde úlken ótkel jol salynatyny anyqtaldy. Ázirge máseleniń bári sol mańaıdaǵy jekemenshik úıler men beıitterge tirelip tur.
«Bul suraq 2010 jyldan beri qozǵalyp keledi. Eger beıitterdi almasaq bul kósheni jasaýdyń eshqandaı maǵynasy joq, al Táshenov kóshesine shyǵatyn jol keń jáne kedergisiz bolýy qajet. Ázirge beıitti qozǵaýǵa eshqandaı múmkindigimiz joq», - dedi basqarma basshysy.
Alaıda, atalǵan nysandardy alyp tastaý josparǵa engizilgen eken. Biraq Baraev kóshesinen Táshenov kóshesine shyǵar tustaǵy jer úılerdi kúrep tastaý úshin 9 mlrd teńge kóleminde qarjy qajet.
Budan basqa bıylǵy josparǵa Almaty aýdany boıynsha 34, Esil - 25, jáne Saryarqa aýdany boıynsha 38 kósheni jaryqtandyrý jumystary engiziledi.
