Astana irgesindegi Qosshy kentin «qaldyqsyz qalaǵa» aınaldyrý kózdelýde
NUR-SULTAN. QazAqparat – «ÓKM Operatory» Aqmola oblysynyń ákimdigine Qosshy kentin «qaldyqsyz qalaǵa» aınaldyrýdy usynyp otyr, dep habarlaıdy QazAqparat.
Bul týraly «ÓKM Operatory» JShS basqarma tóraǵasy Medet Qumarǵalıev aıtty.
«5 jyl ishinde 17 myń konteıner, 49 arnaıy tehnıka satyp alyndy. Bıyl «qaldyqsyz qala» jobasyn engizýdi josparlap otyrmyz. Aqmola oblysynyń ákimdigimen kelisim bar. Qosshy kentin «qaldyqsyz qala» etýdi josparlap otyrmyz. Ol úshin Aqmola oblysynyń ákimdigine Tselınograd aýdanynyń aýmaǵyndaǵy sanktsııalanbaǵan qoqys alańdarynyń bárin joıý kerek», - dedi Medet Qurmanǵalıev.
Onyń aıtýynsha, «ÓKM operatory» qoqys jınaý ınfraqurylymyn materıaldyq-tehnıkalyq turǵydan jabdyqtaý isinde barlyq jaýapkershilikti óz moınyna alyp otyr.
«Sondaı-aq, biz Almaty oblysyn da tolyq jabdyqtaýdy josparlap otyrmyz. Qazir tehnıka satyp alý boıynsha konkýrs jumystary júrgizilip jatyr. ıAǵnı biz bul baǵytta kezeń-kezeńmen jumys júrgizýdemiz», - dedi seriktestik basshysy.
