Astana irgesindegi «Bezymıannaıa» bógeti jóndeýden ótedi
KÓKShETAÝ. QazAqparat - Aqmola oblysy Arshaly aýdanynyń ákimi Azamat Taıjanov kóktemgi sý tasqynynyń aldyn alý sharalaryn jeke baqylaýyna aldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Qazgıdromet» RMK deregi boıynsha, 2017 jyly qys kesh keldi. Oǵan qosa, qar jyldaǵy normadan 20-40 paıyz az tústi.
«Degenmen, kóktemgi sý tasqynyn boldyrmaý maqsatynda Jibek joly aýylynda bógettiń gıdrotehnıkalyq shlıýzdarynan bastap Astana kontrrettegishine deıingi aralyqta sý aǵatyn kanaldardy ornatý jáne tazartý jumystary júrgizildi (kanaldardyń uzyndyǵy 8 shaqyrym, eni 10 metr, tereńdigi 2 metr). Sonymen qatar, 2018 jyly «Bezymıannaıa» bógetin kúrdeli jóndeýden ótkizý kózdelgen. Bul jumystardy qolǵa alý úshin Aqmola oblysynyń Tabıǵı resýrstar jáne tabıǵatty paıdalanýdy retteý basqarmasy men «Eńbek Arshaly» RMK arasynda kelisimshart jasaldy», - dep kórsetilgen habarlamada.
Qazirgi kezde, aýyl ishindegi kóshelerde qar tazalaý jumystary josparǵa saı júrgizilýde.
