Astana irgesindegi aýylda 3 mln teńgeniń múlki urlandy
KÓKShETAÝ. QazAqparat - Aqmola oblysynda páterden 3 mıllıon teńgeniń múlki men aqshasyn tonaǵan kúdikti ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, Tselınograd aýdandyq polıtsııa bólimine Qosshy aýylynyń turǵyny aryzdanyp, páterinen jeke múlikteri, onyń ishinde aqsha jáne altyn buıymdary urlanǵanyn aıtqan. Zardap shegýshiniń sózinshe shyǵyn kólemi 3 000 000 teńgeni quraǵan.
«Oqıǵa ornynda bolǵan polıtseıler urynyń páterge plastıkalyq terezeni buzyp kirgenin anyqtady. Jedel-izdestirý sharasy barysynda zardap shekken áıeldiń aýyldasy 52 jastaǵy kúdikti ustaldy. Kúdiktiniń buǵan deıinde múlik urlyǵy boıynsha sotty bolǵany anyqtaldy. Qazirgi kezde, osy oqıǵaǵa baılanysty QR 188-babynyń 3-bóligi boıynsha (urlyq) iz qozǵalyp, sotqa deıingi tergeý amaldary júrgizilýde. Sonymen qatar, kúdiktiniń oblys aýmaǵynda osyndaı ózge qylmystarǵa qatysy bar-joǵy anyqtalý ústinde», deıdi PD baspasóz qyzmetindegiler.
