Astana irgesindegi 20 aýylǵa gaz tartylady
KÓKShETAÝ. QazAqparat - Aqmola óńiriniń basshysy Málik Myrzalın máslıhat depýtattary aldyndaǵy eseptik kezdesýinde óńirdiń damýy jáne aldaǵy perspektıvalary týraly aıtty, dep habarlaıdy QazAqparat tilshisi.
Aımaq basshysy oblys eldi mekenderin sapaly aýyz sýmen qamtamasyz etý máselesi, sondaı-aq gazdandyrý boıynsha jobany júzege asyrý perspektıvalaryna toqtaldy.
«Astanalyq eldi mekenderdi bir ortalyqtandyrylǵan sýmen jabdyqtaý baǵytynda 35 joba júzege asyrylýda, onyń ishinde 10 jobany bıyl aıaqtaý josparlanǵan. Uzyndyǵy 220 shaqyrym sý qubyry jáne 21 shaqyry káriz jelisi salynady», - dedi aımaq basshysy.
Sonymen qatar, M.Myrzalınniń sózine qaraǵanda óńirde Memleket basshysynyń bastamasymen qolǵa alynǵan eldi odan ári gazdandyrý boıynsha áleýmettik jobasyna da kóńil bólinýde. Atalmysh «Saryarqa» jobasy sheńberinde keler jyldan bastap, Arshaly jáne Tselınograd aýdandary aýmaǵyndaǵy 20 eldi mekenge gaz tartý jumystary qolǵa alynbaq.
Aıta keteıik, óńir ákimi oblystyq máslıhat depýtattarymen kezdesýinde, sondaı-aq Kókshetaý jəne Astana mańyndaǵy eldi mekenderdi damytý josparymen bólisken bolatyn.
