Astana irgesinde jel elektr stansasy salynyp jatyr
KÓKShETAÝ. QazAqparat - Astanadan 40 shaqyrym jerde jel elektr stansanyń qurylysy júrgizilýde. Nysan iske qosylǵan kezde ýly gazdyń kólemi jylyna 230 000 tonnaǵa deıin kemıtin bolady, dep habarlaıdy QazAqparat tilshisi.
Aqmola oblysynda balamaly elektr energııa kózderin óndirý boıynsha birneshe jobalar júzege asyrylýda. Sonyń biri Arshaly aýdanynyń Bulaqsaı aýyldyq okrýgindegi jel elektr stansasynyń qurylysy.
Nysannyń jalpy qýaty 100 MVt. Stansanyń ár bireýi 50 MVt-tan 2019 jáne 2020 jyldar aralyǵynda eki kezeńmen iske qosý josparlanǵan.
«Jel elektr stansasyn iske qosý bý gazdaryn bólý jylyna 230 000 tonnaǵa deıin kemıtin bolady. Bul 113 000 astam avtokóliktiń jyl boıyna bóletin bý gazdary. Nysan paıdalanýǵa berilgen kezde 10 myń otbasyn elektr energııasymen qamtamsyz etedi. Stansanyń qurylysy kezinde 300 adam eńbek etse, qoldanysqa berilgen kezde 20 turaqty jumys orny ashylady. Jergilikti mamandar shetelde oqyp, biliktilikterin kóteretin bolady», dep túsindirdi Aqmola oblysynyń energetıka jáne turǵyn úı qurylysy kommýnaldyq sharýashylyǵy basqarmasyndaǵylar.
Jel elektr stansasy aýmaǵy 119 gektar jer telimine ornalastyrylady. Kún energııasy stansasynan bir aırymashylyǵy munda jer telimi qorshalmaıdy. Adamdarǵa da, jaıylǵan maldarǵa da qaýipsiz.
«Oǵan qosa, Tselınograd aýdanynyń Qabanbaı batyr aýylynda qýaty 120 MVt kún energııasy stansasy jobasy júzege asyrylýda. Qazirgi kezde, Jobanyń alǵashqy kezeńi aıaqtalyp, 300 gektar aýmaqta iske qosý aldyndaǵy daıyndyq jumystary júrgizilýde», - dep atap ótti Aqmola oblysynyń energetıka jáne turǵyn úı qurylysy kommýnaldyq sharýashylyǵy basqarmasynyń bólim basshysy Olga Tsaltsavko.
Foto: iagua.es
