Astana irgesinde qurǵaq shóp pen qamys órtenip jatyr

KÓKShETAÝ. QazAqparat – Aqmola oblysy, Arshaly aýdanynyń Jibek Joly aýyly mańynda qurǵaq shóp pen qamys órtenip jatyr, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.

Vedomstvonyń málimetinshe, órt búgin saǵat 15:06 shamasynda tutanǵan.

«Qyzyl jalyn 1 gektar aýmaqqa jaıyldy. Zardap shekkender joq. Órt sóndirýge Aqmola oblysy men Astana qalasynyń Tótenshe jaǵdaılar departamentteri, sondaı-aq jergilikti atqarýshy organdar men erikti órt sóndirý quralymdarynan 17 adam men 5 arnaıy tehnıka jumyldyryldy. Órt sóndirýshilerdiń jedel áreketiniń arqasynda órttiń taralýyna jol berilmedi», - dedi vedomstvodan.

Osy rette, Aqmola oblysy TJD qyzmetkerleri óńir turǵyndary men qonaqtaryna ormandy dala alqaptaryna barǵan kezde órt qaýipsizdigi erejelerin saqtaý qajettigin eske salady.

Aıta ketsek, budan buryn Aqmola oblysynyń Birjan sal aýdanynda qurǵaq shóp órti sóndirilgenin jazǵan edik.