Astana irgesinde «Bozoq» ulttyq parkin salýǵa 46 mln teńge qajet

NUR-SULTAN. QazAqparat – Elorda irgesinde «Bozoq» ulttyq parkin salýǵa 46 mln teńge qajet. Atalǵan somany jergilikti bıýdjetten bólýdi Nur-Sultan qalasy qurylys basqarmasynyń basshysy Ársen Jańǵasqanov surap otyr, dep habarlaıdy QazAqparat tilshisi.

«Bıyl mádenıet nysandaryn damytýǵa 388 mln teńge bólindi. Qazir bizge «Bozoq» ulttyq parki qurylysy jobasyn aıaqtaýǵa 46 mln teńge kerek. Sonymen qatar «Máńgilik el» arkasy qaıta jóndeýdi qajet etedi. Búginde atalǵan nysannyń qujaty qaralyp jatyr. Jumys aýqymdy, ǵımarat tóbesinen sý aǵady. Bul arka qaladaǵy betke ustar kórikti oryndardyń biri. Sondyqtan nazarǵa alýlaryńyzdy suraımyn», - dedi Ársen Jańǵasqanov elorda máslıhatynyń otyrysynda jasaǵan baıandamasynda.

Eske sala ketsek, atalǵan ulttyq parkti ashý týraly áńgime osydan 3 jyl buryn aıtylǵan edi. ıAǵnı 2019 jyly Nur-Sultan qalasy ákimdigi men Mádenıet jáne sport mınıstrligi birlesken jobaǵa qol qoldy.

Odan buryn sol kezdegi elorda ákimi Baqyt Sultanov Bozoq qalashyǵynyń 3D-modeli jasalatynyn aıtqan bolatyn.