Astana ındýstrııalyq parkiniń bazasynda úı qurylysy kombınaty salynady
ASTANA. 19 shilde. QazAqparat - «Qoljetimdi baspana-2020» baǵdarlamasyn iske asyrýdyń aıasynda Astana qalasynyń ındýstrııalyq parkinde úı qurylysy kombınatynyń jobasy qolǵa alyndy.
«Indýstrııalandyrý baǵdarlamasy men «Qoljetimdi baspana-2020» baǵdarlamasynyń aıasynda biz Astana qalasynyń ındýstrııalyq parkinde, erkin ekonomıkalyq aýmaqtyń 15 ga jerine úı qurylysy kombınatyn salý jónindegi jańa jobany qolǵa aldyq», - dedi «Shar-Qurylys» JShS-niń joba jetekshisi Dinmuhamed Qusaıynov pm.kz saıtyna bergen suhbatynda.
Joba jetekshisiniń aıtýynsha, úı qurylysy kombınatynyń alǵashqy ónimin 2013 jyldyń І jartyjyldyǵynda shyǵarý josparlanýda. Kombınat jobasy úı qurylysyna arnalǵan jabdyqtar shyǵaratyn germandyq «Weckenmann» kompanııasymen birlesip iske asyrylýda.
Kombınattyń akkredıtatsııadan ótken óz zerthanasy jumys isteıtin bolady jáne onyń mindeti beton qospalarynyń sapasyn jetildirý, jańa materıaldar jasap shyǵarý, tehnologııalyq úderistiń saqtalýyn baqylaý bolmaq.
Joǵary tehnologııalyq óndiris pen óz avtokonstrýktorlyq qyzmeti kombınatqa bólingen jer telimin josparǵa sáıkes jáne nysannyń qalalyq sáýlet kesheninde ornalasý jaǵdaıyna baılanysty ońtaılandyryp paıdalanýǵa múmkindik beredi.
Aıta ketý kerek, joba «Bıznestiń jol kartasy-2020» baǵdarlamasynyń qoldaýyna ıe bolyp otyr jáne «Ónimdilik-2020» baǵdarlamasy boıynsha «QDB-Lızıng» kompanııasynan 5 paıyz mólsherlememen lızıng arqyly jabdyqtar satyp alýdy josparynda bar.
Úı qurylysy kombınaty óndiris pen qurylys tehnologııalaryn jetildirýge, naryq talaptaryna saı keletin sapaly materıaldar jasaıtyn óndiristik qýatty arttyrýǵa múmkindik beredi.
Esterińizge sala keteıik, «Qoljetimdi baspana» baǵdarlamasyn iske asyrýdyń jáne óndiris qýatyn arttyrýdyń arqasynda otandyq qurylys materıaldarynyń úlesi 2020 jylǵa qaraı 90 paıyzǵa ulǵaıtylatyn bolady. Sondaı-aq baǵdarlama aıasynda iri paneldi úı qurylysy tehnologııalaryn engizý jáne ındýstrııalyq qurylys kombınattaryn qurý qarastyrylyp otyr.
