Astana Indoor Meet: Elızaveta Matveeva bıikke sekirýden 3-oryn aldy

ASTANA. KAZINFORM - Astanada ótip jatqan jeńil atletıkadan Astana Indoor Meet for Amin Tuyakov Prizes týrnırinde áıelder arasynda bıikke sekirýden jarystar óz máresine jetti. 

Qazaqstandyq sportshy Elızaveta Matveeva úshinshi múmkindiginde 1.88 metr bıiktikti baǵyndyryp, qortyndysynda úshinshi orynnan kórindi. 

Frantsııalyq Gıkel Solen chempıon atansa, japonııalyq Nagısa Takahashı kúmis júldeni jeńip aldy. Taǵy bir qazaqstandyq sportshy Nadejda Dýbovıtskaıa (1.84 metr) tórtinshi orynǵa jaıǵasty.

Aıta keteıik, 23 jasar Elızaveta Matveeva jabyq keshendegi Azııa chempıonatynyń altyn jáne qola júldegeri, jeńil atletıkadan Azııa chempıonatynyń kúmis júldegeri. Sondaı-aq Matveeva Parıj Olımpıadasynda óner kórsetip, 19-orynnan kóringen bolatyn.

Aıta keteıik, buǵan deıin Astanadaǵy Qazaqstan jeńil atletıka kesheninde World Athletics Indoor Tour Gold serııasynyń Astana Indoor Meet for Amin Tuyakov Prizes týrnıri bastalǵany týraly habarlaǵan edik.