Astana: Ilınkadaǵy jalǵyz sport mektebiniń tárbıelenýshileri artýda
ASTANA. QazAqparat - 2017 jyldyń qyrkúıek aıynda «Rýhanı jańǵyrý» baǵdarlamasy aıasynda Astana irgesindegi «Úrker» turǵyn úı alabynda «Nural» sport mektebi ashyldy. Jalpy aýmaǵy 1 myń sharshy metrdi quraıtyn sport mektebi qazirgi tańda tolyqqandy jumys jasap tur, dep habarlaıdy QazAqparat elorda ákimdiginiń resmı saıtyna silteme jasap.
«Nural» sport mektebinde shyǵys jekpe-jegi zaly, kúres zaly jáne jattyǵý zaly bar. Mektepte kıokýshınkaı karate, dzıýdo, boks, qazaqsha kúres sekildi sporttyń jeti túrinen úıirmeler jumys isteýde. Bolashaqta shahmat jáne toǵyzqumalaq úıirmeleri ashylmaq.
«Sport mektebi 2017 jyldyń qyrkúıek aıynda ashyldy. Bul Ilınka turǵyn alabyndaǵy balalarǵa arnalǵan jalǵyz sport kesheni. Qazirgi kezde mektebimizde úsh júzge jýyq bala sporttyń jeti túrimen aınalysady. Az qamtylǵan otbasylardyń balalary úıirmelerge tegin qatysady. Qazirgi kúni 15 balaǵa sondaı múmkindik jasap otyrmyz. Onyń ózindik tártibi bar. Ashylǵanymyzǵa kóp ýaqyt bolmasa da, jaqsy jetistik kórsetip kele jatqan sportshylarymyz da bar», - deıdi «Nural» sport mektebiniń dırektory Saırambek Ábilqaıyrov.
