Astana ІІD jol apatynda qaza tapqan qyzdyń týystaryn izdeýde
ASTANA. QazAqparat - Astana tártip saqshylary jol-kólik apatynyń kýágerleri men oqıǵa saldarynan qaza tapqan qyzdyń týystaryn izdestirýde.
Elordalyq ІІD baspasóz qyzmetiniń habarlaýynsha, 2014 jyly 31 tamyzda shamamen saǵat 20:25 «Folksvagen Karavella» markaly kóliginiń júrgizýshisi Astrahan tas jolynda 20-25 jastaǵy eýropalyq ult ókilin soǵyp ketti. Jol-kólik apatynda jaraqat alǵan qyz oqıǵa ornynda kóz jumdy.
Japa shekken qyz túrli-tústi kóılek kıgen. Belgileri: beti sopaqtaý, shashy sarǵylttaý uzyndyǵy ıyǵyna deıin, mańdaıy ortashalaý, qasy qalyń, tik, murny túzý, aýzy ortasha, erni jińishke, qulaq qalqany sopaqshalaý, ortasha. Boıy shamamen 160-165 sm, dene bitimi myǵym.
«Astana q. ishki ister departamenti japa shekken qyzdyń týystaryn anyqtaýda, sondaı-aq jol apatynyń kýágerlerin izdeýde. Eger sizderge osyndaı aqparat belgili bolsa, 71-61-28, 71-61-26, 71-61-94, 8-775-159-11-27 telefondary arqyly habarlasýlaryńyzdy suraımyz», - delingen habarlamada.
