Astana ІІD týrkompanııa qarjysyn jymqyrýshydan zardap shekken adamdar bolsa habarlasýyn suraıdy
ASTANA. QazAqparat - Astana qalasy Іshki ister departamenti 1983 jylǵy Gúlshat Sádýaqasovaǵa qatysty sot aldy tergeý júrgizýde, ol 2013-2014 jyldary jumys istegen kezinde týrıstik kompanııanyń dırektory bola turyp, kompanııanyń 31 756 347 teńge qarajatyn ıemdengen. Bul týraly ІІD baspasóz qyzmeti habarlady.
Budan basqa, G.Sádýaqasova «BARAKAT GM» JK jumyskeri bola tura, senimdi teris paıdalanyp, 2015 jylǵy mamyrdan bastap osy jylǵy naýryz aralyǵynda túrli ishki jáne halyqaralyq baǵyt boıynsha týrıstik qyzmetti kórsetý jáne avıabıletterdi satý jeleýimen elorda turǵyndarynyń aqshalaı qarajatyn qymqyrǵan.
Osyǵan baılanysty Astana qalasy ІІD Gúlshat Sádýaqasova áreketinen zardap shekkender men tergelip jatqan qylmystyq is boıynsha qandaı da bir mán-jaıdy biletin tulǵalar bolsa myna mekenjaıda ornalasqan ІІD-ge: Beıbitshilik kóshesi, 19, kab. 338, ne myna: 71-62-13, 71-60-10 (ІІD kezekshi bólimi), uıaly tel. 8-702-438-67-67 telefondar boıynsha habarlasýyn suraıdy.
G.Sádýaqasova qazir qalalyq ІІD-niń ýaqytsha ustaý abaqtysyna qamaldy jáne Saryarqa aýdandyq №2 soty ony tutqyndaý jóninde sanktsııa berdi.
Onyń qylmystyq áreketi eki bappen jikteldi - QR QK 189-baby 4-bólimi (asa iri kólemde senip tapsyrylǵan bóten múlikti ıelený), 190-babynyń 4-bóligi (asa iri kólemdegi alaıaqtyq).
