Astana ІІD óziniń burynǵy áıelin órtep jibergen er adamdy izdestirýdi jalǵastyrýda
ASTANA. QazAqparat - Polıtseıler óziniń burynǵy áıelin órtep jiberýge kúdikti er adamdy izdeýdi jalǵastyrýda. Bul týraly QazAqparat tilshisine Astana ІІD baspasóz qyzmetiniń jetekshisi Sofıa Qylyshbekova telefon arqyly habarlady.
«Onyń turǵylyqty jerin anyqtaý jáne ustaý jónindegi jedel-izdestirý sharalary jalǵastyrylýda. Kúdiktige halyqaralyq izdeý jarııalandy», - dedi ol QazAqparat tilshisine.
Eske sala keteıik, oqıǵa 26 mamyrda Altynsarın kóshesindegi turǵyn úıdiń qasynda boldy. 1972 jylǵy burynǵy kúıeýi Qanat Sádýov muǵalim áıelge benzın quıyp, ony órtep jiberdi. Áıel termııalyq kúıikpen aýr hanaǵa túsip, 30 mamyrda qaıtys boldy.
Polıtsııa Qanat Sádýovke halyqaralyq izdeý jarııalap, onyń turǵylyqty jeri týraly aqparat úshin syıaqy berýge ýáde etti.
«Qanat Ǵaısauly Sádýov izdestirilýde, 1972 jyly týǵan, Soltústik Qazaqstan oblysyndaǵy Jambyl aýdanynyń týmasy», delingen polıtsııa habarlamasyndva.
Onyń boıy 175-180 sm, kózi qara, shashy qara, qysqa, denesi aryqtaý. Qara tústi bolon kúrteshe, beısbol jáne qara tústi krosovka kıgen.
«Qandaı da bir aqparat bolsa, myna mekenjaıǵa habarlaýdy suraımyz: ındeks 010000, Astana q., Beıbitshilik kóshesi, 19. Baılanys telefondary: 8 (7172) 71-60-22, 71-60-29, 71-60-10. Uıaly telefondar: +7 747 227 79 40, +7 771 100 32 32», - dep habarlady ІІD baspasóz qyzmeti.
Svetlana Sádýova astanalyq №25 orta mektepte qazaq tiliniń muǵalimi bolyp jumys jasady. Ol 41 jasta bolatyn. Artynda tórt balasy qaldy.
