Astana ІІD qyzmetkerleri jańa ǵımarattar bólýdi suraıdy
ASTANA. QazAqparat - Astana qalasy Іshki ister departamentiniń qyzmetkerleri jumys isteıtin ǵımarattarynyń talapqa saı emestigine narazy, dep habarlaıdy QazAqparat tilshisi.
«Astana polıtsııasy 1906 jáne 1976 jyldary salynǵan ǵımarattarda ornalasqan. Olar belgilengen normalar men standarttarǵa saı emes. Saryarqa aýdandyq ishki ister basqarmasy 1968 jyly salynǵan eki ǵımaratta ornalasqan. Olardyń tehnıkalyq jaǵdaıy aıanyshty. Tipti kúrdeli jóndeýdiń ózi ekonomıkalyq jaǵynan tıimsiz», - dep málimdedi departament baspasóz qyzmeti redaktsııanyń jazbasha saýalyna.
Al Esil aýdandyq ishki ister basqarmasy óz qyzmetin jalǵa alynǵan eki bólek ǵımaratta júrgizip keledi. Onyń da ózindik qıyndyqtary bar.
«Ǵımarattar ishki ister organdaryna saı etip salynbaǵan. Jobalyq sheshimi men konstrýktıvtik erekshelikteri qyzmetkerlerdi tıimdi etip ornalastyrýǵa múmkindik bermeıdi», - deıdi departament ókilderi.
Qala ІІD bólimshelerine ákimshilik ǵımarattar bólý máselesi qarastyrylyp jatyr, deıdi ІІD baspasóz qyzmetiniń ókilderi.
