Astana ІІD eks-ınspektory alaıaqtyǵy úshin mln teńgeden astam aıyppul tóleıdi
ASTANA. QazAqparat - Almaty aýdanynyń №2 aýdandyq sotynda QK 190-baby 3-bóliminiń 2-tarmaǵy (alaıaqtyq) boıynsha aıyptalǵan Astana qalasy ІІD Ákimshilik polıtsııa basqarmasy ákimshilik tájirıbe bóliminiń burynǵy ınspektoryna qatysty qylmystyq is qaraldy, dep habarlanady sottyń saıtynda.
Іs materıaldarynda onyń jol-kólik oqıǵasyna sebepker bolǵan A. esimdi azamatqa qatysty ákimshilik materıaldy toqtatý úshin odan 50 000 teńge kóleminde aqsha talap etip, alǵany aıtylady.
«Sot úkimimen burynǵy ınspektorǵa 600 aılyq eseptik kórsetkish kóleminde aıyppul tóleý túrindegi jaza taǵaıyndalǵan. Bul 1 443 000 teńgeni quraıdy. Sondaı-aq ol ómiriniń sońyna deıin Qazaqstan Respýblıkasynyń memlekettik organdarynda qyzmet atqarý quqyǵynan aıyryldy. Sot úkimi zańdy kúshine endi», - delingen habarlamada.
