Astana ІІD bastyǵy boksshy Azamat Belgibaevty quttyqtady
ASTANA. 27 sáýir. QazAqparat. Astana qalasy ІІD bastyǵy polıtsııa general-maıory Marat Demeýov Belgrad qalasynda bokstan ótken halyqaralyq týrnırden jeńimpaz atanyp, altynnan alqa taqqan «Arlan» arnaıy maqsattaǵy bólimshesiniń aǵa ınspektory polıtsııa aǵa leıtenanty Azamat Belgibaevty quttyqtady,
dep habarlaıdy ІІD baspasóz qyzmeti.
Jyl saıynǵy halyqaralyq týrnırde álemniń 16 elinen kelgen boksshylar baqtaryn synady.
A. Belgibaev 3 jekpe-jek ótkizip, alǵashqy synda Moldavııa eliniń sportshysymen, ekinshi joly álem chempıonatynyń júldegeri, Azııa oıyndarynyń jeńimpazy ózbek áriptesimen synda jeńiske ıe bolady. Fınalǵa shyqqanda Eýropa chempıonatynyń qola júldegeri Vengrııanyń sportshysymen báske túsip, 17:12 esebimen jeńiske jetti. «Qarsylastar óte myqty boldy. Alaıda baıraqty dodada namysty qoldan bermeýge tyrystym»,- deıdi Azamat.
Bul Qazaqstannyń birneshe dúrkin chempıony jáne júldegeri A.Belgibaevtyń halyqaralyq deńgeıdegi alǵashqy jeńisi emes. Ol WAKO nusqasy boıynsha kásibı sportshylar arasynda 2 dúrkin álem chempıony, Astana qalasynyń jáne Gavana qalasynyń (Kýba) boks sporty boıynsha komandalarynyń halyqaralyq matchynyń qatysýshysy.
