Astana ІІD avtobýstyń jeńil kólikpen soqtyǵysý oqıǵasyna qatysty tekserý júrgizedi
ASTANA. QazAqparat - Jolaýshylar avtobýsynyń jeńil kólikke soqtyǵysý oqıǵasy boıynsha polıtseıler tekserý júrgizedi, dep habarlady Astana ІІD baspasóz qyzmeti.
Búgin saǵat 07.00-der shamasynda Momyshuly kóshesi boıynsha Táýelsizdik dańǵylyna qaraı bara jatqan avtobýstyń 43 jastaǵy júrgizýshisi jol jaǵdaıyn eskermeı, kólik tizgininen ıe bola almaı qalyp, toqtap turǵan 38 jastaǵy júrgizýshiniń basqarýyndaǵy «Reno Logan» markaly kólikke soǵyldy. Al «Reno Logan» toqtap turǵan «Mercedes» artynan baryp soqqan.
Apat saldarynan eshkim zardap shekken joq.
