Astana Hub tehnoparki Innovatsııalyq tehnologııalar parkimen biriktirilmek

ASTANA. QazAqparat - Qazaqstanda «Innovatsııalyq tehnologııalar parki» derbes klasterlik qoryn qaıta uıymdastyrý iske asyrylmaq. Úkimettiń tıisti qaýlysynyń jobasy «Ashyq» NQA portalynda jarııalandy, dep habarlaıdy QazAqparat tilshisi.

«Innovatsııalyq tehnologııalar parki» ınnovatsııalyq klasteri týraly» Zańy 11-babynyń 1-tarmaǵyna, «Kommertsııalyq emes uıymdar týraly» Zańy 25-babynyń 1-tarmaǵyna jáne Qazaqstan Respýblıkasynyń Azamattyq kodeksiniń 45-babynyń 1-tarmaǵyna sáıkes QR Úkimeti qaýly etedi: «Innovatsııalyq tehnologııalar parki» derbes klasterlik qory oǵan «Astana Hub» IT-startaptardyń halyqaralyq tehnoparki» korporatıvtik qoryn qosý jolymen qaıta uıymdastyrylsyn», - delingen qujatta.

Sonymen qatar, Tsıfrlyq damý, ınnovatsııalar jáne aeroǵarysh ónerkásibi mınıstrligi Qarjy mınıstrliginiń Memlekettik múlik jáne jekeshelendirý komıtetimen birlesip, zańnamada belgilengen tártippen osy qaýly aıasynda tıisti is-sharalardy júzege asyratyn bolady.

Atap aıtqanda, osy qaýly qol qoıylǵan kúninen bastap qoldanysqa engiziledi.