Astana Hub startaptardy qarjylandyrý baǵdarlamasyn iske qosty

NUR-SULTAN. QazAqparat - «Astana Hub» IT-startaptar halyqaralyq tehnoparkiniń PR, marketıng jáne ıventter keńsesiniń dırektory Marat Sháken Startaptardy qarjyladyrýǵa baǵyttalǵan «Astana Hub» Seed money baǵdarlamasynyń iske qosylýy týraly túsindirdi, dep habarlaıdy QazAqparat tilshisi.

«Seed Money baǵdarlamasyna toqtalsaq, startaptardy úsh kezeńde qarjylyndyrý eskerilgen. Birinshiden, MVP-kezeńinde startapta bastapqy ónim, naqtylanǵan ıdeıa bolǵanda qamtylady. Osy oraıda 5 mln teńgege deıin qarjylandyrý jasaımyz. Al product/market fit ekinshi kezeńinde startaptyń naqtylanǵan bıznes-modeli, ınvestıtsııalary men klıentteri nazarǵa alynady. Bul turǵyda 10 mln teńgege deıin qarjylandyrý júrgize alamyz», - dedi Marat Sháken Ortalyq kommýnıkatsııalar qyzmetinde.

Onyń aıtýynsha, scale – úshinshi kezeńinde 20 mln teńge deıin beriledi.

«Arnaıy rásimder bar jáne ony oryndaý mańyzdy. Osy oraıda startaptar bul qarajatty maqsatsyz jumsaı almaıdy. Sebebi onyń barlyǵy baqylaýda bolady», - dedi keńse dırektory.

Belgili bolǵandaı, startaptardy qarjylanjyrýǵa bıýdjet qarjysy jumsalmaıdy. Qarjylandyrý Astana Hub jeke qarajaty esebinen bolady. Ótinimderdi qabyldaý talaptary men merzimi jóninde https://astanahub.com saıtynda tanysýǵa bolady.