Astana Hub startaperleriniń jetistikteri men sátsizdikteri belgili boldy
«Jalpy bizge 13 joba kelip tústi. Degenmen, olardyń barlyǵy da sońyna deıin jetpedi, keıbir jobalar jabyldy. Óte jaqsy jobalar da bar, endi bireýleri basqa baǵdarlamaǵa aýysty. Búginde iske qosylǵan jobalar da bar. Olar aldaǵy ýaqytta Astana Hub qatysýshylary bolady. Biz olardyń jetistikterin qadaǵalap otyramyz», - dedi baǵdarlama túlekteriniń qurmetine arnalǵan sharada «Astana Hub» ІT-startaptardyń halyqaralyq tehnoparki» korporatıvtik qorynyń bas dırektory Maǵjan Mádıev.
Onyń atap ótýinshe, eki joba jabylǵan.
«Statıstıka boıynsha startaptyń tym bolmaǵanda bireýi tabysty bolsa óte jaqsy. Ázirshe, bizde eki joba jabylý týraly sheshim qabyldady. Óıtkeni, olar bizdiń sarapshylarmen jumys istegen kezde ózderiniń bıznes-modelderiniń keleshegi joq ekenin túsindi», - dedi ol.
Maǵjan Mádıevtiń aıtýynsha, akseleratorlardyń ekinshi kezegine ótinim qabyldaý mamyr aıynyń sońyna deıin jalǵasyp, maýsym aıynda jumys bastalady.
«Biz jobalardy qarjylandyrmaımyz. Olarǵa bilim, keńselik keńistik sııaqty qoldaýlar kórsetemiz. Al shetelidk jobalardy kúzde shaqyrmaqpyz. ıAǵnı, úshinshi kezek qyrkúıek aıynda bastalady», - dedi korporatıvtik qordyń bas dırektory.
Aıta keteıik, aǵymdaǵy jyldyń 7 sáýirinde startap-jobalardy ınkýbatsııalaýǵa arnalǵan «Garage» tegin baǵdarlamasy iske qosylǵan bolatyn.
