Astana Hub rezıdentteri 90-nan astam elge IT-qyzmet eksporttaǵan

ASTANA. KAZINFORM –2024 jyldyń 9 aıynda Qazaqstannyń IT-eksporty ol 471 mln dollardy qurady jáne aldyńǵy jyldan 26%-ǵa kóbirek ósim kórsetti. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Úkimette baıandady.

Al 2026 jyly bul kórsetkishti 1 mlrd AQSh dollaryna jetkizý kózdelip otyr.

− Qazaqstannyń IT-eksportyn ilgeriletýde Astana Hub basty ról atqarady, onyń rezıdentteriniń sany 1,5 myń kompanııadan asty, arasynda 400 halyqaralyq uıym bar. Ótken jyly olardyń jalpy kirisi 620 mlrd teńgeni qurady. Bul rette eksporttan túsken tabys 227 mlrd teńgeni, ıaǵnı 479 mln dollardy qurady, - deıdi J. Mádıev.

Astana Hub rezıdentteriniń eksporttyq geografııasy 90-nan astam eldi qamtıdy. Olardan basqa «Ulttyq aqparattyq tehnologııalar» AQ tıesili GovTech ónimderi alǵash ret eksportqa shyqty. Mundaı sheshimderdiń qataryna Smart Data Ukimet, Smart Bridge jəne Internet resýrstarynyń biryńǵaı platformasy veb-saıt qurastyrýshysy kiredi.

− Qazaqstanda iri halyqaralyq IT-kompanııalar men sheteldik ITmamandardy tartý úshin qolaıly jaǵdaılar jasalǵan. Úzdik 10 IT-eksporttaýshynyń negizgi bóligi – Qazaqstanǵa kóshýdi uıǵarǵan sheteldik kompanııalar. Nətıjesinde elimiz tek iri qalalarda ǵana emes, el aımaqtarynda da jańa jumys oryndaryn ashýda jáne eksporttyq kiris túrinde jańa kapıtal alýda. «Tsıfrlyq kóshpendiler» dep atalatyn sheteldik IT-mamandardy tartý úshin jańa Digital Nomad Visa jəne Digital Nomad Residency baǵdarlamalary iske qosyldy. Bul turýǵa ruqsat alýdyń jeńildetilgen onlaın protsedýralary, - dep túsindirdi Tsırflyq damý mınıstri.

Aıta keteıik, Astana Hub startaptary 6 jyldyń ishinde $665,5 mıllıon ınvestıtsııa tartqan.

Buǵan deıin Qazaqstanda jańa mobıldi operator paıda bolýy múmkin ekeni habarlanǵan edi.