Astana Hub ózin-ózi qashan aqtaıdy
ASTANA. KAZINFORM – Astana Hub aldaǵy 2-3 jyldyń ishinde ózin-ózi tolyǵymen aqtaıdy. Bul týraly Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın aıtty.
Úkimet otyrysynan keıingi brfıngide ol Astana Hub rezıdentteri úshin salyqtyq jeńildikter bar ekenin aıtty. Bul jeńildikter elimizde ІT salasynyń qarqyndy damýyna septigin tıgizip otyr.
- Astana Hub-tyń óziniń shyǵystaryna qatysty aıtar bolsaq, qazirgi ýaqytta biz bıýdjetten qarjylandyrýdy birtindep qysqartamyz jáne Astana Hub óz aýmaǵynda ornalasqan rezıdentterdiń esebinen ózin-ózi aqtaıtyn deńgeıge ótedi, - dedi Rostıslav Konıashkın.
Aıta keteıik, sońǵy jyldary elimizde IT-naryq kiristeriniń kúrt ósýi baıqaldy. Ótken jyly ol 2 trln teńge boldy dep boljanyp otyr. IT-qyzmetteriniń eksporty da qarqyndy damyp keledi. 2025 jyly 1 mlrd dollarǵa jetpek.
Astana Hub 7 jylda $4,3 mlrd kóleminde ekojúıe qurdy.
