Astana Hub qurylys salasynda 32 ınnovatsııalyq jobany iske asyryp jatyr
ASTANA. KAZINFORM - Astana Hub arqyly qurylys salasynda 32 ınnovatsııalyq joba iske asyrylyp jatyr. Bul týraly Úkimet otyrysynda Premer-Mınıstrdiń orynbasary — Jasandy ıntellekt jáne tsıfrlyq damý mınıstri Jaslan Mádıev aıtty.
- Astana Hub arqyly qurylys salasynda 32 ınnovatsııalyq joba júzege asyrylyp jatyr. Qurylysty basqarý, satyp alý-satýdy avtomattandyrý, obektilerdi monıtorıngileý, tehnıkany basqarý jáne eńbekti qorǵaý úshin platformalar engizilip jatyr. Jobalardy iske asyrý nátıjesinde 750 jumys orny quryldy. 2025 jyldyń qorytyndysy boıynsha qatysýshylardyń tabysy 13 mlrd teńge boldy, - dedi Jaslan Mádıev.
Aıta keteıik, úleskerlerdiń quqyǵyn qorǵaýǵa jáne naryqtyq úlestik qurylysty damytý úshin zańnamalyq ózgerister qabyldanǵan. Atap aıtqanda, salynyp jatqan turǵyn úı boıynsha barlyq mámile «Qaztizilim» aqparattyq júıesinde mindetti túrde tirkeletin boldy jáne qolma-qol aqshasyz esep-aıyrysýǵa aýystyryldy. Bul týraly holdıngtiń basqarma tóraǵasynyń birinshi orynbasary Bolat Aıdapkelov aıtty.
