Astana Hub ıdeıalardy iske asyrýǵa nıetti jastarǵa tálim berdi
NUR-SULTAN. QazAqparat - Bıyl 21-23 maýsym aralyǵynda Astana Hub-ta kásipkerlikti bastaýǵa nıetti jáne bıznespen aınalysyp júrgender úshin aqysyz úsh kúndik kýrs ótti. Osy oraıda startap-jobalardy damytý boıynsha dáris oqyldy, dep habarlaıdy QazAqparat.
Astana Hub startap mektebi atalǵan baǵytta bilim alýǵa qyzyǵýshylyq tanytqan barlyq adamdar úshin óziniń esigin ashty. Kýrstyń maqsaty - aqparattyq-kommýnıkatsııalyq tehnologııalar salasynda startaptardy qurý men damytý ádistemesi týraly túsinik berý. Sonymen qatar ıdeıalardy álemdik naryqqa deıin shyǵarýǵa qoldaý jasaý eskerilgen.
Atalǵan kýrstyń qorytyndysy boıynsha Astana Hub startap mektebi baǵdarlamanyń kelesi kezeńine qatysýshylar bazasyn qurýdy josparlap otyr.
Kýrs aıasynda qatysýshylar bıznes usynystardy ázirleýdi, naryqqa taldaý júrgizý ádisterin qoldanýdy, kommýnıkatsııanyń ońtaıly arnalaryn tańdaýdy úırenip, basqa da qajetti qadamdar boıynsha tálim aldy.
«Eń jas qatysýshy retinde 11 jastaǵy Elhan Jappas tirkeldi. Ol shetel tilderin úırenýge kómektesetin oıyndy ázirleý men ilgeriletý boıynsha jobany tanystyrdy. Astana Hub startap mektebine 700-den astam óitinim kelip tústi, onyń ishinde óńirlerden de jobalar tanystyryldy. Qatysýshylardyń ortasha jasy 25-27-de. Kýrstan ótkenderdiń barlyǵyna sertıfıkatar tapsyryldy», - delingen taratylǵan habarlamada.
