20:51, 20 Shilde 2016

Astana hronologııasy

ASTANA. QazAqparat - Astana - Eýrazııa júregi. Jáne ol osy atqa laıyq iri mindetterdi atqaryp, barsha álem aldynda óz mártebesin aqtap keledi. Jas astanamyz Qazaqstanǵa ǵana emes, barsha Qurlyq elderine eleýli áser etedi. Bul jaı ǵana jalań sózder emes, Astanada keıingi jyldary jahandyq deńgeıdegi eleýli oqıǵalar ótti. Mysaly, 2011 jyldyń 1-2 jeltoqsanynda araǵa 11 jyl salyp Eýropadaǵy qaýipsizdik jáne yntymaqtastyq uıymynyń tarıhı sammıti ótti. Bul sammıtke 38 memlekettiń basshysy, uıymǵa múshe memleketterdiń bedeldi tulǵalary, aımaqtyq jáne halyqaralyq uıym jetekshileri kelip qatysty. Olardyń qatarynda EQYU Bas Hatshysy Mark Perren de Brıshambo, BUU basshysy Pan Gı Mýn, RF prezıdenti Dmıtrıı Medvedev, AQSh-tyń Memlekettik hatshysy Hılları Klınton, Germanııanyń Federatıvtik Kantsleri Angela Merkel, Italııa Premer-mınıstri Cılvıo Berlýskonı jáne taǵy basqalary boldy.

Astana álemde dinaralyq suhbatqa ashyq jalǵyz qala atandy. 2003 jyldyń qyrkúıek aıynda álemdik tarıhta alǵash ret Qazaqstan elordasyna ıslam, hrıstıan, ıýdaızm, sıntoızm, ındýızm jáne býddızm syndy 17 konfessııa basshylary kelip, jahan halyqtarynyń ózegin órtegen máselelerdi kóterdi.

Al 2011 jyly Astana Qysqy Azııa oıyndaryn qabyldap, qurlyqtaǵy 26 eldiń sportshysyn jınady. Oıyn tamashalaǵan kórermender sany 1,5 mıllıard adamnan asyp jyǵyldy.

Kóp uzamaı, bizdiń elde «Bolashaq energııasy» taqyrybymen «Astana EXPO-2017» halyqaralyq kórmesinde 100-den astam memleket óz pavılondaryn ashatyn bolady.

Qala ómiri qaınap jatqan qazan sekildi, sekýnd saıyn ózgerip jatyr. Astana qalasynyń 18 jyldyǵyna jáne Qazaqstan Táýelsizdiginiń 25 jyldyǵyna oraı, «QazAqparat» halyqaralyq aqparat agenttigi erekshe jobany - Astana qalasynyń jylnamasyn jasaýdy qolǵa aldy. Búgin biz 2016 jyly elorda ómiri qalaı bastalǵandyǵyn ózimizdiń jylnamamyzda usynatyn bolamyz.

1 qańtar kúni Astana jurty Jańa jyldy erekshe kóńilmen qarsy aldy.

Aldymen úlken ekrannan Elbasynyń quttyqtaý sózin tyńdaǵan elordalyqtar, keıin qalanyń ásem bezendirilgen muz qalashyqtaryn tamashalady. Bul kezde qalanyń ortalyq alańdarynda merekelik kontsertter ótip jatty. Jańa jyl keshi keremet otshashýmen jalǵasty.

Árıne, eń birinshi bolyp, elorda turǵyndary men qonaqtaryn Astana qalasynyń ákimi Ádilbek Jaqsybekov Jańa jylmen quttyqtap, jańa - 2016 jyly qasterli táýelsizdigimizge 25 jyl tolatyndyǵyn, osy ýaqyt ishinde táýelsizdigimizdi tuǵyrly etý úshin talaı keleli is atqarylǵandyǵyn erekshe atap ótti.

1 qańtar kúni elordalyq dárigerler Jańa jyl túni elordada 30 náreste dúnıege kelgendigin jarııa etip, qala turǵyndaryn jaǵymdy jańalyqpen qýantty. №1 perınataldyq ortalyqtyń habarlaǵanyndaı, olardyń 17-si - ul, 13-i qyz bala.

3 qańtar kúni jergilikti «Barys» hokkeı klýby óz jankúıerlerine jańajyldyq syı tartý etti. Ol óz alańynda Hanty-Mansıskiniń «ıÝgra» komandasyn tize búktirdi. Bul QHL-daǵy maýsymda «Barys» komandasynyń qatarynan úshinshi jeńisi bolatyn.

5 qańtarda elordada jalpy bilim beretin pánder boıynsha respýblıkalyq olımpıada bastaldy.

Ol №66 mektep-lıtseıi men №6 gımnazııasynda Astana qalasy bilim berý mekemeleriniń 9-11 synyp oqýshylary arasynda jalpy bilim beretin pánder boıynsha respýblıkalyq olımpıadanyń ІIІ (qalalyq) kezeńi bolatyn.

Olımpıada maqsaty - daryndy balalardy anyqtaý, damytý jáne qoldaýdyń tutas júıesin qalyptastyrý, jeke pánder boıynsha erekshe daryndylyq tanytqan Astana qalasy bilim berý mekemeleriniń oqýshylary nemese jeke pánder boıynsha asa daryndy balalardy oqytý men tárbıeleý.

Olımpıada jalpy bilim beretin 15 pán boıynsha ótkizildi: №66 mektep-lıtseıi bazasynda - hımııa, bıologııa, fızıka, matematıka, geografııa, ınformatıka, №6 gımnazııa bazasynda - qazaq tili men ádebıeti, orys tilinde oqytatyn mektepterdegi qazaq tili, tarıh, quqyqtaný negizderinen, orys tili jáne ádebıeti, qazaq tilinde oqytatyn mektepterdegi orys tili, frantsýz tili, aǵylshyn tili, nemis tili pánderinen ótti. Olımpıadaǵa Astana qalasynyń memlekettik jáne jekemenshik bilim berý mekemelerinen 702 oqýshy qatysty.

5 qańtarda «Qallekı» teatryna jańa basshy taǵaıyndaldy.

Astana qalasy ákimshiligi men mádenıet basqarmasynyń sheshimimen Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń dırektory bolyp Aıbolat Seksenbaev taǵaıyndaldy.

Aıbolat Janǵalıuly Seksenbaev 1978 jyly Batys Qazaqstan oblysy, Jańaqala aýdany, Pıatımar sovhozy, Aqqus aýylynda dúnıege kelgen. 1995-1999 jyldary M. Áýezov atyndaǵy Ońtústik Qazaqstan memlekettik ýnıversıtetin «Menedjer jáne teatr ujymyn basqarýshy» mamandyǵy boıynsha bitirgen. Eńbek jolyn 1999-2000 jyldary. Oral qalasyndaǵy «TDK-42» telearnasynda redaktor qyzmetinde bastady. 2000-2006 jyldary. Astana qalasynyń Q. Qýanyshbaev atyndaǵy Qazaq mýzykalyq drama teatrynda ákimshi, bas ákimshi qyzmetin atqardy. 2005-2007 jyldar aralyǵynda Qaraǵandy ekonomıkalyq ýnıversıtetin «Zańger» mamandyǵy boıynsha támamdady. 2006 jyldan bastap atalmysh teatrda dırektordyń kórermen jónindegi orynbasary, 2012 jyldan teatr dırektorynyń birinshi orynbasary bolǵan. 2013 jyldyń 1 qarashasynan bastap, Astana qalasy ákimdiginiń «Jastar teatry» MKQK dırektory bolyp qyzmet atqaryp kelgen.

11 qańtarda elorda ákimdiginiń 2016 jyldaǵy birinshi apparat otyrysy ótti. Onda Astana ákimi Ádilbek Jaqsybekov barlyq qalalyq qyzmetterdiń jańa kúntizbelik jyldaǵy jumystarynyń

negizgi baǵyttaryn belgilep berdi. Eń aldymen olar Memleket basshysynyń Bes ınstıtýtsıonaldyq reformasyn iske asyrýǵa negizdeletinin aıtty.

Qala basshysy 2016 jylǵy 1 qańtardan bastap, kúshine engen negizgi zańnamalyq ózgeristerge toqtalyp ótti. Memlekettik apparat tıimdiligin arttyrýǵa baǵyttalǵan birinshi reforma memlekettik qyzmetti jańǵyrtýǵa negizdeledi. Ákimniń atap ótkenindeı, bir ýaqytta qabyldanǵan jáne ózara baılanysty memlekettik qyzmet jáne jemqorlyqqa qarsy kúres týraly zańdar, jańa Memlekettik qyzmetshilerdiń etıkalyq kodeksi ár bir ákimdik qyzmetkeriniń kúndelikti jumysynda basshylyqqa alynýy tıis.

11 qańtarda, sonymen birge, Astana ákimi Ádilbek Jaqsybekovtiń buıryǵymen Astana qalasynyń jergilikti polıtsııa qyzmetiniń basshysy taǵaıyndaldy.

Baqytjan Malybaev 1969 jyly dúnıege kelgen. QR ІІM Almaty zań ınstıtýtyn támamdady. 1990 jyldan Іshki ister organdarynda qyzmet etip kelgen. Kóp jyldar basshylyq qyzmette bolyp, qoǵamdyq tártipti qamtamasyz etý jáne jol qozǵalysynyń qaýipsizdigi boıynsha qurylymdardy basqardy.

14 qańtar kúni QR Investıtsııalar jáne damý mınıstri Áset Isekeshev Astanada ashylǵan Investorlarǵa qyzmet kórsetý bólimderinde bolyp, olardyń jumysymen tanysty. Bizdińshe, bul da Astana úshin tarıhı oqıǵa.

HQKO janyndaǵy Investorlarǵa qyzmet kórsetý ınvestıtsııalyq jobany júzege asyrýǵa barlyq qajetti memlekettik qyzmetti «bir tereze» qaǵıdaty arqyly alýǵa bolady. QR IDM málimetine qaraǵanda, Qazaqstanda ınvestorlarǵa qyzmet kórsetetin 19 bólim jumys isteıdi, al Astanada olardyń sany - 2, Almatyda - 3, al ár oblys ortalyǵynda bir qyzmet kórsetý sektory bolady. Bul bólimsheler ınvestorlarǵa bıýrokratııalyq jáne ákimshilik salmaqty aıtarlyqtaı tómendetedi degen oımen qurylǵan edi.

«Tez ózgeriske ushyrap otyrǵan syrtqy jaǵdaılarda ınvestorlar men shaǵyn bıznes úshin bıýrokratııalyq kedergilerdi joıýǵa qatysty reformalardy jyldam jasaý kerek. Memleket basshysynyń tapsyrmasy boıynsha ótken jyly mınıstrlikte basymdyqty jobalar úshin «bir tereze» qaǵıdaty boıynsha qyzmetti júzege asyrdyq. Biz barlyq memorgandarmen normatıvtik-zańnamalyq bazany qarastyrdyq. Endi bıyldan bastap kez kelgen ınvestorlar úshin keńes berý men barlyq ruqsatnamalyq qujattardy usyný qamtylyp otyr. ıAǵnı, árbir ınvestor memorgandarǵa júginbesten, HQKO-ǵa kelip, bir jerden 350 memlekettik qyzmetti alýǵa múmkindik jasalyp otyr», - dedi Á. Isekeshev.

Bul turǵyda jerdi paıdalaný, qurylys jumystaryna qajetti qujattar, sáýlettik-jobalaý ǵımarattary, ınvestıtsııalyq shartty bekitý jáne basqa da qyzmetter qamtylǵan edi.

Atap aıtqanda, osy Investorlarǵa qyzmet kórsetý sektorlarynda tıisti qujattardy berý barynsha qysqa merzimde atqarylatyn boldy.

14 qańtarda, sondaı-aq, Astanadaǵy okeanarıýmǵa jańa balyqtar ákelindi.

Elordada on úsh jyldan beri muhıttan 3 myń shaqyrymnan astam qashyqtyqta ornalasqan álemdegi jalǵyz biregeı Muhıt araly (okeanarıým) jumys istep keledi.

Okeanarıýmda Ońtústik Amerıka men Ońtústik-shyǵys Azııadan, jyly tropıkalyq ózenderden jáne ashyq teńizder men muhıttardan ákelingen teńiz ben tuşy sýda tirshilik etetin 2 myńnan astam balyq bar.

Astanaǵa jetkizilgen jańa balyqtardyń ishinde qanatty-zebra - uzyndyǵy 30 sm jyrtqysh balyq, ol óz uzyndyǵynyń úshten ekisine jeteqabyl balyqty jep qoıady. Arqa jáne keýde júzbeqanattaryndaǵy uzyn lentalarda ótkir ýly ıneler bolady.

Muhıt aralynda álemdegi eń ýly balyq - borodavchatka nemese tas balyq tirshilik etedi, onyń uzyndyǵy 35-50 sm. Pıranıa tuqymdastarynan shyqqan balyqtar da adamdardyń qyzyǵýshylyǵyn týdyrady. Qońyr paký Ońtústik Amerıkadaǵy hakatsınderdiń eń iri ókili bolyp tabylady jáne uzyndyǵy 1,08 m, salmaǵy 40 kg jetedi. Taǵy bir jyrtqysh balyq - pıranıa nattererdiń tómengi jaqtary men tisteri oǵan qoregin kesektep jeýge múmkindik beredi.

Muhıt aralynyń basty mekendeýshileri - akýlalar. Aq teńbil mysyq akýla Úndi jáne Tynyq muhıttarynda 18 m deıingi tereńdikte mekendeıdi. Olar túnde shyǵady, qorek izdeıdi, al kúndiz sý asty úńgirlerinde jáne jaryqtarda jasyrynady. Atlant muhıtynda jáne Tynyq muhıtynyń shyǵys bóliginde 130 m deıingi tereńdikte tirshilik etetin murtty kútýshi akýla da bar. Onyń 4,30 m uzyndary da kezdesedi. Kútýshi akýlalar túnde shyǵady. Kúndiz 40 shaqty akýla toptasyp sý túbindegi qumda, úńgirlerde nemese taıaz sýlardaǵy jartastar men marjan rıfterdegi jaryqtarda demalady.

«Dýmanda» aq júzbeqanatty rıftik akýla da bar. Bul karharın tárizdes tuqymdastarynan shyqqan jalǵyz rıftik akýla túri. Olardyń ereksheligi - júzbeqanattarynyń basy aq bolady. Úndi jáne Tynyq muhıttarynda 1-330 m deıingi tereńdikte mekendeıdi.

Muhıt aralyna kelýshiler akýla, teńiz tasbaqalary jáne t.b. teńiz balyqtaryn tamashalaı alady. Tájirıbeli nusqaýshynyń jetekshiligimen kólemi 3 mln lıtrlik teńiz sýyna túsýge de bolady. Budan basqa, «Dýmanda» tuşy nemese teńiz sýynan jeke akvarıým jasap alýǵa múmkinshilik bar.

15 qańtar kúni Astanada Turǵyn úı komıssııasynyń sheshimimen 227 páter úlestirildi, sonyń ishinde 200 bir bólmeli, 1 eki bólmeli jáne 26 úsh bólmeli páter.

Elorda ákimdigi turǵyn úıge muqtajdylar retinde esepke alynǵan azamattardy kezek boıynsha birneshe sanatqa bóldi: Uly Otan soǵysynyń múgedekteri men qatysýshylary; jetim, ata-anasynyń qamqorlyǵynsyz qalǵan balalar; halyqtyń áleýmettik osal toptary; memlekettik qyzmetkerler, bıýdjettik uıym qyzmetkerleri, áskerı qyzmetkerler; Qazaqstan Respýblıkasynyń zańnamasymen belgilengen tártipte jalǵyz baspanasy apatty bolyp tanylǵan azamattar. Qazaqstan Respýblıkasynyń qoldanystaǵy turǵyn úı zańnamasyna sáıkes memlekettik turǵyn úı qorynan beriletin baspananyń aýdany paıdaly aýdandy jan basyna eseptegende kem degende 15 sharshy metr bolady jáne 18 sharshy metrden aspaıdy. Sonymen qatar, turǵyn úı berý kezinde jynysy ár túrli tulǵalardy (erli-zaıyptylardan basqa) bir bólmege ornalastyrýǵa jol berilmeıdi. Sondyqtan árbir jeke otbasyǵa jeke páter tıpi tańdalady. Tıisti páter tıpi bolmaǵan jaǵdaıda, turǵyn úı kommýnaldyq qorynda páterler tıpi bar kezek boıynsha turǵan kelesi azamattar qaralady.

15 qańtarda elordada qarttarǵa arnalǵan shaǵyn ortalyq ashyldy. Alǵashqy ortalyq «Nursaıa» turǵyn úı kesheninde «Esil» aýdany ákimi apparaty men PIK qaýymdastyǵynyń qoldaýymen esigin ashty.

Munda qarttardyń bir-birimen kezdesýine, shahmat, doıby oınaýyna, kitap oqyp, birge shaı ishýine bolady. Ortalyq syıymdylyǵy - 30 adam.

Sonymen qatar, Esil aýdanynyń Ardagerler keńesi óz jumysyn josparlaý jáne talqylaý úshin semınarlar men kezdesýler ótkize alady. Sondaı-aq, ortalyqta aptasyna bir ret ardagerlerdiń ótinishin qabyldaý júrgiziledi.

Jalpy, elordada qart adamdarǵa arnalǵan 15 shaǵyn ortalyq jumys isteıdi. Onda qarııalarǵa arnalǵan demalys klýbtarynda túrli úıirmeler jumys isteıdi, shahmat jarystary, poezııa kúnderi, mereıtoı ıelerin quttyqtaý, semınarlar men t.b. sharalar ótkiziledi.

18 qańtarda Astana ákimi Ádilbek Jaqsybekov aýmaqtyq memlekettik organdardyń jańadan taǵaıyndalǵan basshylaryn tanystyrdy. Atap aıtqanda, Sybaılas jemqorlyqqa qarsy is-qımyl jónindegi ulttyq bıýro departamentiniń jańa basshysy Dýlat Azbergenovty jáne Memlekettik qyzmet isteri departamentiniń basshysy qyzmetin qosa atqaratyn Ádep jónindegi keńes tóraǵasy Tilegen Kaskındi tanystyrdy.

18 qańtar kúni Astanada «Shapaǵat-2016» respýblıkalyq ónertapqyshtar baıqaýy bastaldy.

«Shapaǵat» baıqaýy 2004 jyly bekitilgen. Baıqaýdyń negizgi maqsaty - ónertapqyshtyqty damytý, ekonomıkadaǵy ınnovatsııa deńgeıin kóterý, biregeı úzdik ónertabysty óndiriske engizý.

Baıqaý jeńimpazdary arnaıy dıplomdarmen jáne 200 myń teńge kóleminde aqshalaı syıaqymen marapattaldy.

19 qańtarda jańa kontsertter tsıkly aıasynda, «Astana Opera» teatrynda «Uly dáýirdiń uly esimderi» atty tsıkldyń birinshi kontserti ótti.

Barokko mýzykasy Renessans dáýiriniń sońynda paıda bolǵanyn jáne klassıtsızm dáýiri mýzykasynyń negizin qalaǵanyn esterińizge sala keteıik. «Barokko» sózi portýgalııa tilinen enip, «ádetten tys úlgidegi marjan» degendi bildirse, ıtalıandyq tilde «qyzyq, oǵash» degen maǵynada aýdarylady. Rasynda da tabıǵı dástúrdi saýatsyzdyq hám jabaıylyq dep sanap, odan bas tartqan barokko dáýiri ónerde tásilderiniń ártúrliligimen, sándiligimen jáne kúrdeliligimen sıpattalady.

«Astana Opera» MOBT dırıjeri, QR eńbek sińirgen qaıratkeri Abzal Muhıtdınov, elordalyq teatr ashylǵan kezden bastap mýzykanttarymyzdyń Motsart pen Verdıdiń rekvıemderin, Bah, Motsart, Gaıdn, Bethoven, Dvorjak, Chaıkovskıı, Rahmanınov sııaqty klassıkterdiń uly shyǵarmalary men basqa da kompozıtorlardyń sımfonııalary men kontsertterin oryndap kele jatqanyn atap ótti.

Keshte «Astana Opera» sahnasynda Genrı Persell, Iogann Sebastıan Bah, Georg Frıdrıh Gendel, Benedetto Marchello, Arkandjelo Korellı jáne Antonıo Vıvaldı sııaqty uly kompozıtorlardyń keıbir shyǵarmalary alǵash ret oryndaldy.

Barokko mýzykasyn elordalyq turǵyndar men qonaqtarǵa AQSh, Kanada, Frantsııa, Belgııa, Nıderlandtar jáne Reseı kórermeniniń ystyq yqylasyna bólenip úlgergen teatrdyń kásibı deńgeıi joǵary sımfonııalyq orkestri men hory tartý etti. Solıster - Qazaqstannyń eńbek sińirgen qaıratkeri - Aıgúl Nııazova (soprano), Aleksandr Taraskın, Baljan Saparova, Ajar Ǵanı (fleıta), Dámeli Maqpyrova (goboı), Valerııa Bolıeva (soprano).

19 qańtar kúni Astana oqýshylary halyqaralyq olımpıadada júlde aldy. Almatyda ótken matematıka, fızıka jáne ınformatıka pánderinen Jáýtikov atyndaǵy HІІ halyqaralyq olımpıadada astanalyq oqýshylar 6 júldege qol jetkizdi.

Olımpıadaǵa 17 memleketten 63 komanda (413 oqýshy) qatysqan.

Olımpıadada sarapqa salynǵan 191 medaldiń 48-in Qazaqstan jeńip aldy, sonyń ishinde astanalyq oqýshylar 6 júldege qol jetkizdi.

Daryndy balalarǵa arnalǵan qazaq-túrik lıtseıiniń 10-synyp oqýshysy Bıdaıbek Sanjar ınformatıkadan 1-oryn jáne altyn medal aldy. Sondaı-aq, Daryndy balalarǵa arnalǵan qazaq-túrik lıtseıiniń 11-synyp oqýshylary Amangeldın Temirlan men Nızamedın Shaıhıtdın sáıkesinshe, matematıkadan jáne ınformatıkadan 2-oryn men kúmis medal aldy. Daryndy balalarǵa arnalǵan qazaq-túrik lıtseıiniń 11-synyp oqýshysy Sanjar Eleýov ta matematıkadan qola medal ıelendi. Daryndy balalarǵa arnalǵan №9 «Zerde» mektebiniń 9-synyp oqýshysy Baqdáýren Narbaev pen Meıram Serikbolsyn matematıkadan 3-oryn aldy.

19 qańtarda, sonymen qatar qazaq halqynyń án-kúı ónerin nasıhattaý maqsatynda Astana qalalyq bilim basqarmasynyń «№1 óner mektebinde» «Abyz - dombyra» ІІ qalalyq kúıshiler men án-termeshiler baıqaýy ótkizildi.

Baıqaýdyń maqsaty - aspapta oryndaıtyn ónerpazdardyń qazaq án-kúıleriniń shyǵý tarıhyn bilý, sóıleý jáne áńgimeleý mádenıetin damytý, mektep oqýshylaryn halyq mádenıetine baýlý. Baıqaýǵa Astana qalasy jalpy bilim beretin mektepteriniń 7 - 13 jas aralyǵyndaǵy oqýshylarynan 50-ge jýyq talapkerler baqtaryn synaýǵa ótinish berdi.

Baıqaý 2 janr boıynsha ótkizildi. Birinshisi - dástúrli án, termeshiler, ekinshisi - kúı óneri. Baıqaýda úzdik óner kórsetkeni jáne belsene qatysqany úshin talapkerler Astana qalalyq bilim basqarmasynyń dıplomymen marapattaldy.

19 qańtarda elordada jol apatyn azaıtý, jolaýshylar men júk tasymaldaýdy júzege asyratyn júrgizýshilerdiń mádenıetin arttyrý, jol qozǵalysyn baqylaý jáne qadaǵalaý maqsatynda «Avtobýs» jedel aldyn alý is-sharasy ótkizildi.

Úsh kún boıy tártip saqshylary Kóliktik baqylaý ınspektsııasynyń aýmaqtyq bólimshelerimen, Memlekettik kirister departamentimen jáne qoǵamdyq baqylaý ókilderimen birlesip jelige shyqpas buryn qalalyq avtobýstardyń tehnıkalyq jaǵdaıyn, júrgizýshilerdiń tirkeý qujattarynyń bolýyn tekserip, avtobýstardy normatıvter men standarttardyń talaptaryn buzyp basqarý jáne paıdalaný faktilerin, kólik quraldaryn zańsyz qaıta jabdyqtaýdy anyqtaý boıynsha sharalar, sondaı-aq, júrgizýshiler men avtobýstardy jolǵa shyqpaı turyp medıtsınalyq jáne tehnıkalyq tekserý sharalaryn, júrgizýshilerdiń eńbek pen demalys rejımin saqtaýyn tekserý boıynsha sharalar ótkizdi.

Astana qalasy Ákimshilik polıtsııa basqarmasynyń málimetinshe, qala aýmaǵynda jolaýshylardy qoǵamdyq kólikpen tasymaldaý salasynda kún saıyn 700-den astam avtobýsty jolǵa shyǵaratyn 8 kásiporyn jáne 13 resmı taksopark jumys isteıdi.

19 qańtarda «Jeleznodorojnyı» turǵyn alabynda №29 orta mektepte Astana qalasy «Almaty» aýdanynyń ákimi Ermaǵanbet Bólekpaev halyqpen ekinshi esep berý kezdesýin ótkizdi.

Kezdesýge Astana qalasy ákiminiń orynbasary Andreı Lýkın, qalalyq basqarmalardyń, kommýnaldyq kásiporyndardyń, 29 mekteptiń eńbek ujymynyń ókilderi, qala turǵyndary qatysty.

Kezdesýde «Jeleznodorojnyı», «Promyshlennyı», «Kúıgenjar», «Mıchýrıno» jáne «Internatsıonalnyı» turǵyn alaptarynyń turǵyndary aýdan ákimine óz suraqtaryn joldady. Jalpy, 40-qa jýyq aýyzsha jáne alty jazbasha suraq kelip tústi.

Turǵyndar kólik júıesin jáne jolaýshylar tasymalyn jolǵa qoıý, ásirese avtobýstar qozǵalysynyń araqashyqtyǵyn ulǵaıtý máselesine qyzyǵýshylyq tanytty. Bul másele Astana qalasynyń Jolaýshylar kóligi basqarmasynyń qaraýyna jiberildi.

19 qańtar kúni Astana jurty pravoslav hrıstıandarynyń Kreşenıe Gospodnıa merekesin atap ótti. Bul kúni dástúr boıynsha barlyq shirkeýlerde din qyzmetshileri sý alastaý rásimin ótkizetini belgili. Sý qoımalarynda arnaıy krest formasyndaǵy oıyqtarda alastalǵan sý emdik qasıetterge ıe bolady dep sanalady. Sondyqtan adamdardyń kóbi densaýlyqtaryn nyǵaıtý úshin muzdy sýǵa túsedi. Sol kúni Astanada 13 myńnan astam muzdy sýǵa malynyp shyqty.

20 qańtar kúni «Barys» QHL matchynda Mınskiniń «Dınamosyn» jeńdi. Elordada Mınskiniń «Dınamosyn» qabyldap, 4:2 esebimen jeńiske jetken «Barys» taǵy bir mańyzdy jeńisine qol jetkizip, 52 oıynnan keıin 78 upaı jınap, Shyǵys konferentsııasynda burynǵysha jetinshi ornyna turaqtaǵan bolatyn.

20 qańtarda Astanada aýdandyq jergilikti polıtsııa basshylary bekitildi. Qalalyq máslıhattyń kezekten tys 63-shi sessııasynda elorda ákiminiń orynbasary Andreı Lýkın depýtattarǵa aýdandyq ishki ister basqarmalarynyń jergilikti polıtsııa qyzmetteri basshylarynyń qyzmetine úmitkerlerdi usyndy.

«Esil» aýdanynyń jergilikti polıtsııa qyzmetiniń basshysy laýazymyna 1995 jyldan beri quqyq qorǵaý organdary júıesinde jumys isteıtin jáne sol kezde Ákimshilik polıtsııa basqarmasy bóliminiń basshysy qyzmetin atqaryp júrgen podpolkovnık Serik Ábýtálipovtyń kandıdatýrasy qalalyq máslıhattyń kelisýine usynyldy.

«Almaty» aýdanynyń jergilikti polıtsııa qyzmetiniń bastyǵy laýazymyna podpolkovnık Almas Japarovtyń kandıdatýrasy usynyldy. A. Japarov quqyq qorǵaý organdarynda 1999 jyldan beri istegen, buǵan deıin Ákimshilik polıtsııa basqarmasy bólimderiniń birin basqarǵan.

20 qańtarda «Abyz - dombyra» dombyrashylar baıqaýy jeńimpazdary anyqtaldy.

Qazaq halqynyń án-kúı ónerin nasıhattaý maqsatynda Astana qalasynyń bilim basqarmasy «№1 óner mektebinde» «Abyz - dombyra» ІІ qalalyq kúıshiler men án-termeshiler baıqaýyn ótkizgen bolatyn.

Mektep oqýshylaryn halyq mádenıetine baýlý maqsatynda ótkizilgen baıqaýǵa Astana qalasy jalpy bilim beretin mektepteriniń 7 - 13 jas aralyǵyndaǵy oqýshylarynan, 53 mektepten talapkerler baqtaryn synady.

22 qańtarda Qazaqstan Respýblıkasynyń Investıtsııalar jáne damý mınıstri Áset Isekeshev pen Astana qalasynyń ákimi Ádilbek Jaqsybekov elorda kásiporyndarynyń jumys barysymen tanysty.

Olar gazdalǵan alkogolsyz sýsyndar shyǵaratyn «Koka-Kola Almaty Bottlers» JShS, «KSS-Astana» JShS-niń shyny óńdeıtin zaýyty, «ıÝtarııa ltd» Óndiristik Innovatsııalyq Kompanııa» JShS-ǵa qarasty «KazTexExpo» avtomattandyrylǵan saýda-óndiristik kesheni, elektrondyq-optıkalyq quraldar shyǵaratyn «Qazaqstan ASELSAN Injınırıng» JShS men metall konstrýktsııalar men «sendvıch»-panelder shyǵaratyn «SPEN qorshaý konstrýktsııalary zaýyty» JShS zaýyttarynda bolyp, ındýstrııalyq-ınnovatsııalyq damý memlekettik baǵdarlamasynyń aıasynda júzege asyrylyp jatqan jobalarmen tanysty.

Qalyptasqan ekonomıkalyq jaǵdaıdyń turaqsyzdyǵyna qaramastan kásiporyndardyń barlyǵy jumystaryn jalǵastyryp qana qoımaı, qazirgi zamanǵy tehnologııalardy jáne jańa jobalardy júzege asyryp, turǵyndardy jumys oryndarymen, al bıýdjetti turaqty salyq túsimderimen qamtamasyz etip, óz óndiristerin jáne ótkizý naryǵyn ulǵaıtýda.

«Kásipkerlik qyzmetti qoldaý, shaǵyn jáne orta kásipkerlikti damytý, qolaıly ınvestıtsııalyq klımat úshin jaǵdaı jasaý bizdiń jumysymyzdyń basty baǵyttarynyń biri bolyp tabylady»,- dedi Á. Jaqsybekov. Qala basshysy Elbasynyń jeke aralasýymen ShOB pen ınvestorlardy memlekettik qoldaý sharalary jyl saıyn artyp otyrǵanyn atap ótti. Buǵan Astana naqty mysal bola alady.

Jalpy 2016 jyly «Astana - jańa qala» arnaıy ekonomıkalyq aımaǵynyń №1 ındýstrıaldy parkinde jalpy kólemi 187,5 mlrd. teńgeni quraıtyn 62 ınvestıtsııalyq joba júzege asyrylǵan. №1 ındýstrıaldy parkinde ıgerilgen ınvestıtsııalardyń kólemi ótken jyly 36,5 mlrd. teńgeni qurasa, 162,1 mlrd. teńgeniń ónimi shyǵarylǵan. Indýstrıaldy parkti damytý aıasynda 2015 jyly jalpy quny 33,5 mlrd. teńgeni quraıtyn 16 ınvestıtsııalyq joba qolǵa alyndy. Aıta ketý kerek, Indýstrıaldy park aýmaǵynda 2013 jyldan beri 2853 jańa jumys orny ashylǵan.

Indýstrıaldy park janynda ornalasqan «Koka-Kola Almaty Bottlers» JShS zaýyty 2015 jylǵy maýsymda paıdalanýǵa berilgen. Investorlardyń aıtýynsha, búginde óndiristiń jyldyq kólemi jylyna 100 mln. lıtrdi quraıdy, al 2020 jyly ony tórt esege ulǵaıtý josparlanǵan. Zaýyt ónimderi Qaraǵandy, Shyǵys Qazaqstan, Pavlodar, Aqmola, Soltústik Qazaqstan, Qostanaı jáne Aqtóbe oblystarynan basqa Qyrǵyzstan men Tájikstannyń naryǵyna da eksporttalady.

«Qazaqstan ASELSAN Injınırıng» JShS teplovızor, optıkalyq júıeler sııaqty ınnovatsııalyq ónimder shyǵarady. Osy sııaqty joǵary tehnologııalyq ónimder álemniń damyǵan birneshe memleketinde ǵana shyǵarylady. Joba Qazaqstannyń qarýly kúshterin jáne basqa da vedomstvolaryn qajetti optronıkamen qamtamasyz etý, sonymen qatar, ónimderge tehnıkalyq jáne servıstik qyzmet kórsetýmen aınalysady. Kásiporynda 129 jumys orny ashylǵan. Elektrondyq-optıkalyq quraldar, túnde kóretin qurylǵylar, teplovızorlar shyǵaratyn zaýyttyń maqsatty naryǵy Qazaqstan, TMD, Túrkııa, Úndistan, Qytaı jáne t.b. memleketter bolyp tabylady.

Sonymen qatar, №1 Indýstrıaldy park aýmaǵynda shynyny ónerkásiptik óńdeý zaýyty ornalasqan. Energııa únemdeý jáne tehnıkalyq reglamentterdi saqtaý jónindegi úkimettik baǵdarlamany qoldaý úshin salynǵan zaýytta álemdik Lisek (Avstrııa), BiesseS.p.A (Italııa), Bistronic (Germanııa), Glaston (Fınlıandııa) óndirýshileriniń zamanaýı avtomattandyrylǵan qondyrǵylarymen jabdyqtalǵan shynyny qaıta óńdeıtin qaýipsiz qurylys materıaldary qoldanylady. Zaýyt óndirisiniń múmkindikteri Qazaqstannyń qurylys naryǵyn energııa únemdeıtin qaýipsiz shyny ónimmen qamtamasyz etýge, qurylysta jańa arhıtektýralyq sheshimderdi paıdalanýǵa múmkindik beredi. Kásiporyn qasbettik jáne bezendirilgen shyny paketter, ıntererlik, brondalǵan jáne elektrmen qyzdyrylatyn shynylar shyǵarady. Zaýyt ónimi Astananyń qurylys alańdarynda paıdalanylady. Zaýytta «Jumyspen qamtý jol kartasy - 2020» baǵdarlamasy boıynsha oqytylǵan 78 maman jumyspen qamtyldy.

«KazTexExpo» avtomattandyrylǵan saýda-óndiristik kesheni «PIK «ıÝtarııa ltd» JShS jaqynda (jeltoqsan 2015j.) paıdalanýǵa engizgen kásiporyn. Keshen «Bıznestiń jol kartasy - 2020» baǵdarlamasy boıynsha júzege asyrylǵan jáne ol elimizdiń «Indýstrıalandyrý kartasy» memlekettik baǵdarlamasyna endi, bul rette «Damý» kásipkerlikti damytý qory tarapynan kepil berý jáne paıyzdyq mólsherlemeni sýbsıdııalaý mehanızmderi qoldanyldy. Kásiporyn jeńil ónerkásip salasynan ónerkásiptik mashına jasaý salasyna aýysyp, QR jáne TMD kásiporyndary úshin tigin jáne arnaıy jabdyqtar áleminde belgili «ZOJE» brendiniń avtomattandyrylǵan qondyrǵylaryn qurastyrýǵa jáne jetkizýge baǵyttalǵan. Jańa óndiris negizinen áıelder úshin 350 astam jańa jumys ornyn ashýǵa múmkindik berdi. Sondaı-aq, fabrıka halyqqa arnalǵan tigin jáne trıkotaj assortımentindegi taýarlar men EHRO-2017 dúnıejúzilik kórmesin ótkizýge baǵyttalǵan ónimder shyǵarady.

Metall konstrýktsııalar men «sendvıch»-panelder shyǵaratyn «SPEN qorshaý konstrýktsııalary zaýyty» kásiporyny 2015 jyldyń sońynda paıdalanýǵa berilgen. «MDI» (Avstralııa) fırmasynyń «sendvıch»-panelder óndirisi jolǵa qoıylyp, jobalyq qýattylyǵy - jylyna 900 myń m2 «sendvıch»-panel (qabyrǵaǵa, tóbege arnalǵan) shyǵarý. Óndiriste 20 adam jumys isteıdi.

Baǵdarlama boıynsha sońǵy pýnkt «Ýnıvermag.kz» «Qazaqstanda jasalǵan» otandyq ónimder satý ortalyǵy boldy. Dúken 2015 jyldyń sońynda ashyldy. Bir aıdyń ishinde (2016 jyly) taýar aınalymynyń kólemi 6 mln. teńgeden asty, munda qazaqstandyq 35 taýar óndirýshiniń ónimderi usynylǵan. Kásipkerler elorda turǵyndary tarapynan otandyq ónimderge turaqty qyzyǵýshylyq bar ekenin atap ótti.

23 qańtarda elordadaǵy Aqbulaq arnasynda ornalasqan muz aıdynynda Qazaqstan Táýelsizdiginiń 25 jyldyǵyna, sonymen qatar «EKSPO-2017» halyqaralyq mamandandyrylǵan kórmesine daıyndyq aıasynda «EKSPO-2017 eriktiler saǵaty» atty flesh-mob ótti.

Sharany «Jas Otan» jastar qanaty, «Astana EKSPO-2017» UK» AQ jáne Qazaqstannyń eriktiler alıansy uıymdastyrdy. Bul sharany uıymdastyrýdaǵy basty maqsaty jastar arasynda «EKSPO-20170» halyqaralyq kórmesiniń tanymaldyǵyn arttyrý, Qazaqstan Táýelsizdiginiń 25 jyldyǵyn atap ótýge jastardy keńinen tartý.

Aktsııa aıasynda shańǵy tebý, konkımen, shanamen syrǵanaý syndy qysqy sport túrlerinen saıys ótkizildi. Básekede baǵy janyp, alǵashqy orynnan kóringen jastarǵa baǵaly syılyqtar tabys etildi.

Aıta keterligi, bul aktsııaǵa «Jas Otan» jastar qanaty jastar uıymynyń, Qazaqstannyń eriktiler alıansynyń músheleri, «Jasyl el» respýblıkalyq shtabynyń músheleri, oqýshylar men jumys isteıtin jastar qatysty.

25 qańtarda QR Ortalyq saılaý komıssııasy ǵımaratynda 20 naýryzda ótetin QR Parlamenti Májilisi men máslıhat depýtattarynyń saılaýyna oraı, baspasóz ortalyǵy óz jumysyn bastady.

Sondaı-aq osy kúni elordada «Qamqorlyq» respýblıkalyq aktsııasy ótti. Sharany QR BǴM Balalar quqyǵyn qorǵaý komıtetiniń qoldaýymen Astana qalalyq Bilim basqarmasy uıymdastyrǵan.

Sharanyń maqsaty - turmysy tómen jáne kóp balaly otbasylardan shyqqan balalarǵa, jetim, ata-anasynyń qamqorlyǵynsyz qalǵan balalarǵa, sondaı-aq, áleýmettik qoldaýdy qajet etetin balalardyń basqa sanattaryna áleýmettik kómek kórsetý.

Aktsııanyń basymdy mindetteriniń biri - oqýshylardyń sabaqqa barmaýynyń sebebin anyqtaý, materıaldyq jaǵdaıy tómen otbasylardan shyqqan balalardyń ómir súrý sapasyn jaqsartýǵa yqpal etetin is-sharalardy qoldaný, qoǵamdy az qamsyzdandyrylǵan jáne turmysy tómen otbasylarǵa materıaldyq kómmek kórsetýge baǵyttalǵan qaıyrymdylyq qyzmetti júzege asyrýǵa tartý.

Aktsııa aıasynda kelesideı is-sharalar ótkizildi: turmysy tómen otbasylardy, qaraýsyz jáne baqylaýsyz júrgen balalardy anyqtaý maqsatynda reıdtik is-sharalardy uıymdastyrý jáne ótkizý; mektep jasyndaǵy balalardyń sebepsiz mektepke barmaý jaǵdaılaryn anyqtaý úshin bilim berý uıymdarynyń ókilderi, medıtsına qyzmetkerleri, ata-analar, ishki ister organdary, PIK ókilderi engen jumys tobynyń qyzmetin belsendirý; halyqtyń áleýmettik osal toptaryna jatatyn balalarǵa materıaldyq kómek kórsetý boıynsha is-sharalar, sonyń ishinde jalpyǵa mindetti oqý qorynan; memlekettik organdardyń, bıznes qurylymdardyń ókilderinen, metsenattar jáne demeýshilerden turmysy tómen otbasylarǵa qamqorshylardy bekitý.

Mektepterde aktsııa boıynsha synyp saǵattary, dóńgelek ústelder, qaıyrymdylyq kontsertteri, jármeńkeler uıymdastyryldy.

25 qańtarda Astana ákimdiginiń apparat otyrysynda Ádep jónindegi ýákil tanystyryldy. Bul jańa qyzmetti qala ákiminiń keńesshisi Rahat Bekqadamov atqaratyn boldy.

Jańa laýazymdy qyzmetti taǵaıyndaý eń aldymen ákim apparaty jumysynyń tıimdiligin arttyrýǵa jáne memlekettik qyzmetshilerdiń qyzmettik ádep qaǵıdalaryn saqtalýyn qamtamasyz etýge baǵyttalǵan. Ádilbek Jaqsybekov buǵan deıingi apparat otyrystarynda ákimdiktiń barlyq qyzmetkerleri óz jumysynda memlekettik qyzmetshiniń jańa Ádep kodeksin basshylyqqa alýy tıis ekendigin atap ótken bolatyn. Osy normalar saqtalmaǵan jaǵdaıda kez kelgen azamat Ádep jónindegi ýákilge júgine alady. Jańa ınstıtýtty engizý Memlekettik qyzmet isteri jónindegi departamentpen jáne Sybaılas jemqorlyqqa qarsy is-qımyl Ulttyq bıýrosy departamentimen ózara áreket etýdiń tıimdiligin arttyrýǵa múmkindik beredi.

26 qańtar kúni «Astana Motorsports» komandasynyń top basshysy Artýr Ardavıchýs jýrnalısterge arnalǵan baspasóz máslıhatynda dúnıejúzindegi eń qaýipti ári eń bedeldi avtokólik jarysy - «Dakar» oıynyndaǵy Qazaqstan komandasynyń nátıjesin baıandady.

Jýrnalısterdiń nazaryna «Astana Motorsports» komandasynyń Dakardaǵy medaldaryn, ózge de jarystardan jeńip alǵan marapattaryn usynǵan top basshysy «qazaqstandyqtarǵa osyndaı qýanysh syılaý úshin komanda keıde adam sengisiz batyl qadamdar jasaıdy» deıdi.

«Qazaqstannyń komandasy osymen jetinshi ret álemge áıgili Dakar jarysyna qatysyp otyr. Álemdegi eń qaýipti kólik jarysyna komandamyz jyl saıyn aman-esen qatysyp keledi. 2016 jyly da jetistikke jetken komanda Dakar reıtıngisinde Qazaqstannyń mártebesin bıikke kóterdi. Qazaqstannyń komandasy qatyspasa, búginde Dakar jarysynyń jankúıerleri oıyndy qabyldamaıdy deýge bolady. Aıta keteıin, Dakar jarystary ótetin orynda álem elderiniń týlary turady, mine, sol jerde Qazaqstannyń Týy alǵashqy on eldiń qatarynda», - deıdi top basshysy.

Biraq, A.Ardavıchýs Qazaqstannyń Týyn ustap, otandastaryn qýantyp keletin komanda osy kúnge jetkenshe nebir qıyndyqty bastan keshiretinin aıtady.

«Shirkin, Týymyzdy kóterip, jan-jaǵymyzdy qýantyp kele jatqan sátimiz keremet. Biraq, sizderge aqıqatyn aıtaıyn: sol jeńistiń artynda komandany kóz jasy, tipti, jany men qany jatyr. Dakar jarysynda janyńa batatyny - ózgeniń qaıǵysy. Óz tobyńdaǵy bir júrgizýshini aıtpaǵanda, basqa toptardaǵy tanys ekıpaj, tanys júrgizýshiler dene jaraqatyna baılanysty, bolmasa, kóliktiń aqaýyna baılanysty joldan shyǵyp ketip, qınalyp jatqanyn kórý - biz úshin óte aýyr synaq. Janymyzǵa batatyny da sol. Dakar jarysy men rallı-reıd jarystarynda barlyq komanda úlken bir otbasy deýge bolady. Kez kelgen ekıpaj kelesi bir ekıpajdyń janashyry bolyp otyr. Jigitterdiń arasynda muny - baýyrlar arasyndaǵy naǵyz dostyq deıdi. Tipti, keıde otyryp kólikterimizdiń tehnıkalyq jaǵdaıyn, bir-birimizdiń qatelikterimizdi aıtyp, «qarsylasymyzǵa» keńes berip otyramyz. Biraq, jarys jolynda ózgeniń qaıǵysyna kóńil aýdarýǵa bolmaıdy, aýdara almaısyń. ıAǵnı, biz jarys kezinde emotsııany umytyp úırengenbiz. Jarys jolynda óziń uıytqyp kele jatyp, órtenip jatqan, nemese tas-talqany shyqqan kólikti kóresiń. Aınalasyn qutqarýshylar men dárigerler qorshap, tóbesinde tikushaq ushyp júredi. Al, ishindegi ekıpaj óli me, tiri me, ony bile almaı óte shyǵamyz. Birneshe sekýndtan keıin jańaǵy jan túrshigerlik kórinisti múlde umytyp, tipti, kórmegendeı kúıge túsýiń kerek...», - deıdi jarystyń fızıkalyq qıyndyǵymen qatar, psıhologııalyq aýyr júgin aıtqan A. Ardavıchýs.

Al, top basshysy ár jarys aldynda óziniń kóligimen kádimgideı syrlasatyndyǵyn da aıtty.

«Árbir start aldynda men kóligimdi aınalyp, onyń jan-jaǵyn ustap kórip, kóligimmen kádimgideı sóılesemin. Kóligimniń árbir detalyn jarysqa daıyndap, ózim de temir tulparymnan bir jylýlyq, boıyma kúsh-qýat jınap alamyn. Kóligimniń árbir detaly úshin men de temirdiń bir bólshegine aınalyp ketemin. Jarys bitken soń, kóligime kádimgideı alǵys aıtamyn. Eń bastysy, bıylǵy Dakarda Qazaqstan komandasynyń bir de bir dóńgelegi jarylǵan joq», - dep atap ótti top kóshbasshysy.

27 qańtar kúni elordadaǵy Qazaqstannyń Ulttyq mýzeıinde Holokost qurbandaryn eske alýdyń halyqaralyq kúnine oraı shara ótti.

Ekinshi dúnıejúzilik soǵys jyldary evreılerdi jappaı joımaq bolǵan natsısterdiń qylmystaryn áshkereleý kúnine oraı jıyn barysynda azaly mıtıng ótti. Aıta keteıik, 2005 jyly 1 qarashada BUU Bas Assambleıasy 60/7 qararyn qabyldap, jyl saıyn 27 qańtardy Holokost qurbandaryn eske alýdyń halyqaralyq kúni retinde bekitti. Osyǵan baılanysty Ulttyq mýzeıde jınalǵan jurtshylyqqa arnaıy fılm kórsetildi. «1945 jyldyń 27 qańtarynda Osventsım lagerinde (Polsha) qamaýda bolǵandar bosatyldy. Osy jerde kóp adam qyryldy, olardyń bir bóligi bosatyldy. Sondyqtan, bul kúndi sol náýbet jyldarynda ómiri qıylǵandardy eske alý kúni retinde atap ótemiz»,-dedi Qazaqstandaǵy Izraıl Elshisi Mıhaıl Brodskıı.Bul kontslager jumys istep turǵan ýaqytta munda 1,5 mıllıonnan 2,2 mıllıon adamǵa deıin qaza tapqan, deıdi ártúrli derek kózderi. 1945 jyly dál osy kúni Keńes Armııasy natsıstik Osventsım-Bırkenaý ajal lagerin azat etken bolatyn.

28 qańtarda Astana qalasynyń Bilim basqarmasy QazGZÝ gýmanıtarlyq zań kolledjiniń bazasynda QR Táýelsizdiginiń 25 jyldyǵyna arnalǵan «Qazaqstan Respýblıkasy: tarıhı damý tájirıbesi jáne taǵylymy» atty forým uıymdastyrdy. Shara elordanyń kásiptik tehnıkalyq bilim berý mekemeleriniń tarıh, áleýmettik-ekonomıkalyq, qoǵamdyq jáne quqyqtyq pánder oqytýshylary arasynda ótkizildi.

Forýmnyń maqsaty - Qazaqstan Respýblıkasy táýelsizdiginiń qalyptasý, damý kezeńderin joǵarǵy oqý oryndarynyń, kolledj ben mektep oqytýshylary arasynda ǵylymı-zertteý áleýetin tereńdete otyryp taratý, bilim berý uıymdarynyń tarıh, áleýmettik-ekonomıkalyq, qoǵamdyq jáne quqyqtyq pánder oqytýshylarynyń bilim berý tásili salasyndaǵy tájirıbe almasý.

Alqaly jıynǵa QR Bilim jáne ǵylym mınıstrligi janyndaǵy Memleket tarıhy ınstıtýtynyń ǵylymı qyzmetkerleri, QR Tuńǵysh Prezıdenti jáne Ulttyq murajaılarynyń qyzmetkerleri, Qazaqstan halqy Assambleıasynyń ókilderi, Ulttyq kitaphananyń, «Qazaqstan kartasy «Atameken» etnomemorıaldyq kesheniniń qyzmetkerleri qatysty.Forýmda qazirgi qazaqstandyq qoǵamnyń jetistikteri men bolashaqtaǵy damý joly, Táýelsiz Qazaqstannyń quqyqtyq negizderi, Ult kóshbasshysynyń Qazaqstan táýelsizdiginiń qalyptasýy men nyǵaıýy jolyndaǵy tarıhı róli, Qazaqstan halqy Assambleıasy jáne qazaqstandyq birlik, toleranttylyq modelin qalyptastyrý úlgisi, qazirgi qoǵamdaǵy bilim berý uıymdarynda tarıh, áleýmettik-ekonomıkalyq, qoǵamdyq jáne quqyqtyq pánderdi oqytý erekshelikteri men ınnovatsııalyq tásilderi jáne t.b. máseleler talqylandy. Forým jumysynyń qorytyndysy retinde: usynys daıyndaý jáne «Qazaqstan Respýblıkasy: tarıhı damý tájirıbesi jáne taǵylymy» atty Astana qalasy kásiptik tehnıkalyq bilim berý mekemeleriniń tarıh, áleýmettik-ekonomıkalyq, qoǵamdyq jáne quqyqtyq pánder oqytýshylarynyń ǵylymı-tájirıbelikmaqalalar jınaǵyn jarııalaý, Qazaqstan Respýblıkasy táýelsizdiginiń 25 jyldyǵyna arnalǵan shyǵarmashylyq jumystardy marapattaý boldy.

28 qańtarda Qazaqstan Respýblıkasy Ulttyq mýzeıinde «Jyr kerýeni» atty lektsııa-kontsert ótti. Bul «Halyq qazynasy» ǵylymı-zertteý ınstıtýtynyń qazaq halqynyń dástúrli mýzykalyq ónerin jańǵyrtý men nasıhattaýǵa arnalǵan «Dástúrli mýzykalyq mura» atty baǵdarlamasy aıasynda ótken tuńǵysh sharasy bolatyn.

Jyraýlyq dástúrdiń tarıhy Kúltegin, Tonykók, Orhon Enıseı jazýlarynan, Estemis-Bumyn qaǵandarǵa arnalǵan madaq jyrlarynan bastalady. Sol jerdegi sóz tirkesteri de, ondaǵy madaq ta jyraýdyń aýzynan shyqqan deýge tolyq negiz bar. Odan keıingi kezeńderde Qorqyt ata, Sypyra jyraý, Ketbuǵa, Asan qaıǵy, Shalkıiz, Dospambet, Qaztýǵan, Úmbeteı, Buqar jyraýlar jalǵasady.

Jyraýlar sózinde bıik rýh, qaırat, kúsh bar. Jyraýlar eldiń muń-sherin, arman-maqsatyn esh búkpesiz ashyq aıtqan. Búgingi tańda jyraýlardyń muralary arqyly tarıhı sanany oıatý, jyrlardy qalyń kópshilikke nasıhattaý asa qajet.

Dáris-kontsertti belgili jyraý, QR eńbek sińirgen qaıratkeri, Qazaq Ulttyq óner ýnıversıtetiniń professory, «Parasat» ordeniniń ıegeri Almas Almatov júrgizdi.

Sharaǵa Qazaq Ulttyq óner ýnıversıtetiniń «Jyrshylyq óner» kafedrasynyń stýdentteri qatysty.

28 qańtarda Táýelsizdiktiń 25 jyldyǵyn keń kólemde atap ótý maqsatynda Qazaqstan Respýblıkasynyń Memlekettik qyzmet isteri mınıstrliginiń bastamasymen «N. Nazarbaev jáne memlekettik qyzmettiń qazaqstandyq modeli» taqyrybynda Halyqaralyq ǵylymı-tájirıbelik konferentsııa uıymdastyryldy. Іs-shara Nazarbaev Ýnıversıtetimen, BUUDB (Birikken Ulttar Uıymynyń Damý baǵdarlamasy) jáne Eýropalyq Odaq ókildigimen birlesip ótkizildi.

Іs-sharanyń maqsaty - Qazaqstan atty jańa Táýelsiz memlekettiń negizin qalaýshy Tuńǵysh Prezıdenttiń, merıtokratııa, tıimdilik, nátıjelilik, ashyqtyq jáne qoǵamǵa eseptilik qaǵıdalaryna negizdelgen memlekettik qyzmettiń kásibı júıesin ınstıtýttsıonaldaýdy qamtamasyz etýshi Ult Kóshbasshysynyń rólin pash etý bolyp tabyldy.

Konferentsııada Táýelsiz Qazaqstannyń zamanaýı memlekettik qyzmetin ınstıtýtsııalandyrý jáne kásibılendirý júıesi máseleleri talqylandy.

Konferentsııa jumysyna Prezıdent Ákimshiliginiń basshylyǵy, Qazaqstan Respýblıkasy Úkimetiniń músheleri, akademııalyq qoǵamdastyqtyń, dıplomatııalyq ókildikterdiń, halyqaralyq jáne qoǵamdyq uıymdardyń ókilderi qatysty. Vıdeokonferentsbaılanys tártibinde konferentsııa baıandamashylary tarapynan Lı Kýan ıÝ atyndaǵy Sıngapýrdyń Ulttyq Ýnıversıteti memlekettik saıasat mektebiniń Vıtse-dekany, professor Edýardo Araral (Sıngapýr), Kornel ýnıversıteti Quqyq mektebiniń professory Charlz Ýaııthed (AQSh) sóz sóıledi.

Konferetsııaǵa qatysýshylar biraýyzdan: Qazaqstan Respýblıkasy Prezıdentiniń zańdy kúshi bar Jarlyqtary Qazaqstannyń zamanaýı quqyqtyq júıesiniń, onyń ishinde memlekettik basqarýdyń jáne memlekettik qyzmettiń negizin qalady; Táýelsizdik jyldary el Prezıdentiniń naqty baǵyt ustanýynyń arqasynda úzdik halyqaralyq tájirıbege negizdelgen zamanaýı ınfraqurylym jáne sapaly, qoljetimdi memlekettik qyzmetter kórsetý júıesi qalyptasty; Tuńǵysh Prezıdent - Ult kóshbasshysy N.Á. Nazarbaev bekitken «Bolashaq» baǵdarlamasy jańa formattaǵy basqarýshylardy qalyptastyrýdyń generatory bola bildi jáne solaı qala bermek, - degen qorytyndyǵa keldi.

Halyqaralyq sarapshylar memlekettik qyzmet týraly jańa zańnamanyń kadrlardy irikteý men ósirý kezinde, personaldy basqarý jáne etıkany baqylaýdy kúsheıtý ınstıtýttary men mehanızmderin jetildirýde merıtokratııa qaǵıdattaryn kúsheıtýdi qamtamasyz etetindigin joǵary baǵalady. Olar zamanaýı jáne kásibı memlekettik apparat qalyptastyrýda júzege asyrylyp jatqan ınstıtýtsıonaldy reformanyń Qazaqstandy ary qaraı damyta túsedi dep esepteıdi.

29 qańtarda elordadaǵy Kásibı-tehnıkalyq kolledjde «Jastar qýaty bolashaq qýaty» festıvali ótkizildi. Sharany Astana qalalyq bilim basqarmasy uıymdastyrdy.

Festıval «Aýdarma isi», «Qonaq úı sharýashylyqtaryna qyzmet kórsetýdi uıymdastyrý», «Dızaın», «Shashtaraz isi jáne dekoratıvti kosmetıka», «Tigin óndirisi jáne kıimdi jobalaý», «Tamaqtandyrýdy uıymdastyrý», «Medbıke isi» mamandyqtary boıynsha bastaldy. Sán úlgileriniń jankúıerlerine «Tigin óndirisi jáne kıimdi jobalaý» mamandyǵynda bilim alatyn stýdentteri ózderiniń úzdik kıim úlgilerin usyndy. Іs-shara qonaqtaryna shashtarazdar men vızajıster de óz ónerlerin kórsetti. Festıval aıasynda «Dızaın», «Tigin óndirisi jáne kıimdi jobalaý» mamandyǵynda oqıtyn stýdenterdiń týyndylarynan kórme uıymdastyryldy. Sondaı-aq, daıyn aspazdyq ónimderdiń kórsetilimi ótkizilip, «Shashtaraz isi jáne dekoratıvti kosmetıka» mamandyǵy boıynsha sheberlik synyptary kórsetildi.

29 qańtarda Astana qalasynyń Memlekettik kirister departamentiniń qyzmetkerleri men Kásipkerler palatasynyń ókilderi «Artem» saýda úıinde kásipkerlerge konsýltatsııalar berip, Salyq kodeksin túsindirý boıynsha semınarlar ótkizdi.

Shara barysynda salyq eseptiliginiń formalaryn toltyrý, jyljymaıtyn múlik pen kapıtaldy zańdastyrý, baqylaý-kassalyq mashınalar men POS-termınaldardy paıdalaný jáne t.b. boıynsha keńester berildi. Budan basqa, salyq zańnamasy týraly barlyq qajetti aqparatty berilip, jeke kásipkerler óz saýaldar yna jaýap aldy. Usynystardy jınaqtaý, qaraý, taldaý jáne talqylaý úshin Qazaqstan Respýblıkasy Qarjy mınıstrligi Memlekettik kirister komıtetiniń www.kgd.gov.kz saıtynda taqyryptarǵa bólingen forým ashyldy.

1 aqpanda Astana qalasy ákimdigi Mádenıet basqarmasynyń sheshimimen Jastar teatrynyń dırektory bolyp Ernar Jumataev taǵaıyndaldy.

Óner ujymynyń basshylyǵyna taǵaıyndalǵan Ernar Kurbanbekuly - Jastar teatrynyń shańyraǵyn kóterip, ýyǵyn qadasqandardyń biri. Ol teatrdyń birqatar repertýaryndaǵy N.Gogoldiń «Revızor» tragıfarsynda - Osıp, Ǵ.Músirepovtiń «Qozy men Baıan» mıýzıklinde - Aıbas, Sh.Aıtmatovtyń «Jan azaby» áfsanasynda - Máńgúrt Jolaman rólderin sátti keıiptedi.

Ernar Qurbanbekuly - 1984 jyly Tashkent oblysy, Shyńǵys aýylynda dúnıege kelgen. 2002 jyly T.Júrgenov atyndaǵy Qazaq Ulttyq Óner akademııasy, professor Nurqanat Jaqypbaı sheberhanasynda «Drama jáne kıno akteri» mamandyǵyn ıgeredi. Oqý ornyn támámdaǵan soń, Tazabekov teatrynda akterlik qyzmet atqarady. Al, 2007 jyly rejısser Nurqanat Jaqypbaı men shákirtteri bastaǵan top Astana qalasy Jastar teatrynyń irgesin qalaıdy.

Ernar Qurbanbekuly - qazaq jurtyna «Denar» toby arqyly jaqsy tanys. 2008 jyly qurylǵan top shoý-bızneske ózderiniń erekshe stılderimen kelip, halyq arasyna birden tanylyp ketken bolatyn. Keıin, ol óziniń mamandyǵy boıynsha kıno jáne serıaldarǵa túse bastady. Óner ıesiniń «Báıterek», «Amanat» kórkem fılmderindegi, sonymen birge «Áke serti», «Syrǵalym» serıaldaryndaǵy rólderi óz kórermenin taba bildi.

Erteń, 2 aqpan kúni Jastar teatry jańadan taǵaıyndalǵan basshysyn tanystyrý maqsatynda baspasóz konferentsııasyn uıymdastyrady. Sondaı-aq T.Ahmetjannyń «Sulý men sýretshi» qoıylymynyń premerasy da osy kúnge josparlanýda. Qoıýshy rejısseri - Qazaqstannyń eńbek sińirgen qaıratkeri Nurqanat Jaqypbaı.

1-10 aqpan aralyǵynda Qazaqstan Respýblıkasy densaýlyq saqtaý jáne áleýmettik damý mınıstrligi Salaýatty ómir saltyn qalyptastyrý problemalary ulttyq ortalyǵynyń uıymdastyrý-ádistemelik qoldaýymen onkologııalyq aýrýlardyń aldyn alý jáne ony erte anyqtaý boıynsha onkúndik ótti.

Sonymen qatar, osy onkúndikke oraı, 4 aqpanda, Astanada onkologııalyq ortalyqta Dúnıejúzilik qaterli isik aýrýlarymen kúres kúnine oraılastyrylǵan «Bizdiń qolymyzdan keledi! Meniń qolymnan keledi!» taqyrybynda fleshmob ótti.

Qala ákimdiginiń baspasóz qyzmetiniń habarlaýynsha, shara halyqty obyr aýrýy, aldyn alý jáne ony erte anyqtaýdyń mańyzdylyǵy týraly habardar etýge septigin tıgizbek. Fleshmob barysynda qalalyq onkodıspanser qyzmetkerleri aqparattyq plakattar arqyly aýrýdyń belgileri men ony dıagnostıkalaý ádisteri týraly aıtyp berdi.

Sonymen qatar, ortalyqta Astana qalasynyń onkologııalyq dıspanseriniń bas dárigeri Muhtar Tóleýtaevtyń qatysýymen baspasóz maslıhaty ótkizildi. Mekeme basshysy onkologııalyq aýrýlarǵa, ony erte anyqtaý jáne qaterli isikpen kúresý ádisterine qatysty suraqtarǵa jaýap berdi.

Aıta keteıik, Qazaqstannyń áleýmettik saıasatynyń basym baǵyttarynyń biri onkologııalyq aýrýlarmen kúres bolyp tabylady. Dúnıejúzilik qaterli isik aýrýlarymen kúres kúni - 2005 jyldan beri Halyqaralyq onkologııalyq aýrýlarǵa qarsy kúres odaǵynyń (International Union Against Cancer, UICC) uıymdastyrýymen jyl saıyn atap ótilip keledi.

2-3 aqpan kúnderi Astanadaǵy "Han Shatyr" oıyn-saýyq ortalyǵynda ıÝnýs Emre atyndaǵy túrik mádenıet ortalyǵynyń uıymdastyrýymen hatker-kallıgraf Mýharrem Gókshenniń «Astanada Qusnıhat jáne kallıgrafııa kúnderi» atty kórmesi ótti.

2 kúnge jalǵasqan kórmede ónersúıer qaýymnyń nazaryna Mýharrem Gókshenniń 34 jumysy usynyldy. Kórmeniń ashylýynan keıin Mýharrem Gókshen qusnıhat boıynsha sheberlik sabaǵyn ótkizdi.

«Qusnıhat» (kórkem jazý óneri) -«sulýlyq, ádemilik, kórkemdik» degen maǵynany beretin arab tilindegi «husn» sózinen engen. Kallıgrafııa-«ásemdilik» maǵynasyn beretin grek tiliniń «kallos» sózinen engen. Arab áripterimen jazylatyn, meńgerilýi qıyn, negizinen naqyshtaý maqsatymen meshitterde, aıat jáne dinı kitaptarda qoldanylatyn belgili erejeleri bar beıneleý óneriniń bir túri. «Qusnıhat» ónerin kallıgrafııa ónerimen jıi shatastyrady. Eki ónerdiń ortaq tusy kórkem jazý bolyp tabylady. Al «qusnıhattyń» arab áripterimen jazylýy, meńgerilýi men oryndalýy asa qıyn bolýy - kallıgrafııa ónerinen basty aıyrmashylyǵy. Sonymen qatar kallıgrafııa - bul latyn áriptermen kórkem jazý óneri bolyp tabylady.

Mýharrem Gókshen 1980 jyly Túrkııanyń Chorým qalasynda dúnıege kelgen. Ýnıversıtet qabyrǵalarynda kórkem jazý sabaqtaryn alyp, óner jolyna qadam basqan. 2007 jyly sýretshi-kallıgraf Týran Sevgılıden «súlis» jazýynan dáris alǵan. 2008 jyly kallıgraf Mahmýt Shahınnen «súlis», «nash» jazý túri boıynsha dáris alýdy jalǵastyrǵan. 2012 jyly atalǵan kórkem jazý túrlerinen dıplom alǵan. Ystambul qalasyndaǵy kásiptik kórkem sýret kýrstaryna qatysyp kallıgrafııa ónerinen sertıfıkat aldy. Túrkııada jeke kórmeleri ótti.

2 aqpanda «Astana Opera» teatrynyń orkestri Úlken zal sahnasynda kópke tanymal «Sımfonıka» tsıklynan Sımfonııalyq mýzykadan kontsert berdi. Solısti - máskeýlik daryndy pıanıst, «Astana Piano Passion-2015» III halyqaralyq baıqaýynyń laýreaty Vıktor Maslov, dırıjeri - Qazaqstannyń eńbek sińirgen qaıratkeri Abzal Muhıtdınov boldy.

Tyńdaýshylarǵa sımfonııalyq jáne aspapty mýzykanyń jaýharlary: D. Shostakovıchtiń №5 d-moll sımfonııasy, 47 shyǵarmasy (1937) jáne P. Chaıkovskııdiń orkestr men fortepıanoǵa arnalǵan №1 b-moll kontserti, 23 shyǵarmasy usynyldy. Ekinshi bólimde bolashaǵy zor pıanıst óz ónerin ortaǵa saldy. Vıktor Maslov - reseılik jas mýzykant, Parıjde, Ankonada, Máskeýde, Kıevte ótken halyqaralyq konkýrstardyń jeńimpazy. 2015 jyly «Astana Piano Passion-2015» konkýrsynda ekinshi syılyq pen eki arnaıy júldeni ıelengen. Mýzykant P. Chaıkovskııdiń orkestr men fortepıanoǵa arnalǵan №1 b-moll kontserti, 23 shyǵarmasyn oryndady.

2 aqpanda Lázzat Ibragımova «Báıterek» holdıngi basqarma tóraǵasynyń orynbasary qyzmetine taǵaıyndaldy. Buǵan deıin «Damý» qoryn basqarǵan Lázzat Ibragımova «Báıterek» holdıngi basqarma tóraǵasynyń orynbasary qyzmetine aýysty.

Al, Alına Aldambergen basqa jumysqa aýysýyna baılanysty «Báıterek» holdıngi basqarma tóraǵasynyń orynbasary qyzmetinen bosatyldy. «Báıterek» Ulttyq basqarýshy holdıngi Qazaqstan Respýblıkasy Prezıdentiniń 2013 jylǵy 22 mamyrdaǵy Jarlyǵymen quryldy.

Holdıngtiń negizgi mindeti - damý ınstıtýttaryn, qarjy uıymdaryn basqarý jáne ulttyq ekonomıkany damytý júıesin ońtaılandyrý. Holdıng qurylymyna tómendegi enshiles uıymdar enedi:

«Qazaqstannyń damý banki» AQ, «QazynaKapıtalMenedjment» AQ, «Qazaqstannyń ınvestıtsııalyq qory» AQ,«QazEksportGarant» eksport-kredıttik saqtandyrý korporatsııasy» AQ, «Memlekettik-jeke menshik seriktestik jobalaryn súıemeldeý ortalyǵy» JShS, «Tehnologııalyq damý jónindegi ulttyq agenttik» AQ, «Damý» kásipkerlikti damytý qory» AQ, «Qazaqstannyń turǵyn úı jınaqtaý banki» AQ, «Qazaqstan ıpotekalyq kompanııasy» AQ, «Báıterek development» AQ, «Ipotekalyq kredıtterdi kepildendirýdiń qazaqstandyq qory» AQ.

3 aqpan kúni taratylǵan aqparat boıynsha, Astana stansasynda ondaǵan jyldar boıy jabyq turǵan kirme jol qalpyna keltirildi.

«QTJ» UK» AQ baspasóz qyzmetiniń habarlaýynsha, atalmysh jolda vagondardy kásiporyndardyń kirme joldaryna, onyń ishinde 2-shi jylý elektr ortalyǵyna da vagondardy jetkizý qyzmeti atqarylady. Bul arqyly stansanyń kire berisindegi keptelister barynsha azaıdy.

2015 jyly joldyń joǵarǵy qabaty tóselip, ortasha jóndeý jasalyp, qozǵalys qalpyna keltirilgen bolatyn. Oǵan qosa alǵanda, Astana stansasyn jańǵyrtý baǵdarlamasy aıasynda ortasha jóndeý jumystary jasaldy. Baǵyttaýysh burmalar R-65 tıpti jańasyna kóshirildi. Aǵash shpaldar temirbeton túrlerimen almastyryldy. Oǵan Desic baǵyttaýysh burmalardy ornalastyrý qondyrǵysy qoldanyldy.

4 aqpanda QR Prezıdenti janyndaǵy Memlekettik basqarý akademııasynda Qazaqstan halqy Assambelıasynyń qoldaýymen «Qazaqstandyq biregeılik pen birlikti nyǵaıtý: «100 naqty qadam» Ult josparyn júzege asyrý mindetteri men tehnologııalary» taqyrybyndaǵy 3 kúndik respýblıkalyq semınar-trenıng óz jumysyn bastady.

Aıta keteıik, semınar barysynda «100 naqty qadam» Ult jospary aıasynda aıqyndalǵan jalpyulttyq birlik pen biregeılikti qalyptastyrý mindetteri túsindirilip, jalpyulttyq birlik pen biregeılikti qamtamasyz etý aýqymynda memlekettik organdar men azamattyq sektor arasyndaǵy ózara qatynastyń ádisteri men ustanymdary qarastyryldy. Etnoáleýmettik, etnosaıası jáne etnokonfessııalyq úderisterdi tıimdi basqarýdyń teorııalyq jáne tájirıbelik quramdas bólikteri sóz boldy. Sonymen qatar «Máńgilik el» ıdeıasynyń mádenı-fılosofııalyq negizderi men memlekettik-azamattyq sáıkestilikti qalyptastyrý protsesin jetildirý joldary talqylandy.

Semınar barysynda qoǵamdyq jáne etnosaralyq kelisim máseleleri boıynsha pikir almasý ján jumys tájirıbesimen bólisý úshin pikirtalas alańdary uıymdastyryldy.

4 aqpan kúni Qazaqstan Respýblıkasynyń Ulttyq mýzeıinde Qazaq handyǵynyń 550 jyldyǵyna arnalǵan Baqyt Qaıyrbekovtiń avtorlyq jobasy «Aspannyń máńgilik nazarynda» atty 10 serııaly ǵylymı-tanymdyq derekti fılminiń tusaýkeseri ótti.

Fılmdi Qazaqstan Respýblıkasy Mádenıet jáne sport mınıstrligi men Qazaq ǵylymı-zertteý mádenıet ınstıtýtynyń tapsyrysy boıynsha «Mergen» stýdııasy túsirgen. Bul biregeı joba Nursultan Nazarbaevtyń «Ǵasyrlar toǵysynda» kitaby negizinde Qazaq handyǵynyń 550 jyldyq mereıtoıyna arnaıy daıarlandy. Fılmde «Aspannyń máńgilik nazarynda» eldiń basty tarıhı oqıǵalary - Uly Jibek joly, Kereı men Jánibek handardyń 1465 jyldan bastap bılik qurǵan, ıaǵnı Qazaq handyǵynyń negizi qalanǵan kezeń, mońǵol shapqynshylyǵy men álemdik geosaıası turǵydaǵy qaıta bólisý, táýelsiz Qazaqstannyń qurylýy, ulttyq birliktiń jańa sımvolyna aınalǵan - elorda Astana jáne zamanaýı memlekettiń negizin qalaýǵa baǵa jetpes úles qosqan - Ult kóshbasshysy N.Á. Nazarbaevtyń tarıhı tulǵasy aıqyndalǵan.

Fılmniń ár serıaly óz aldyna týyndy bolyp tabylady, onda kóshpeli halyqtardyń ejelgi zamannan bergi dúnıetanymy jaıly, álemdik órkenıet pen «mádenıetter baılanysy» jetistikter men jańalyqtar, jabaıy jylqyny qolǵa úıretý men alǵashqy metallýrgııalyq peshterdiń paıda bolýy, úzeńgi men ottyń jáne ózge de álemdik órkenıettiń qundylyǵy bolyp tabylatyn noý-haýlardy asha túsedi.

Serıal tek tarıhı emes, sonymen birge qazaq halqynyń uly murasy sanalatyn mıfologııaǵa, folklor men etnografııaǵa negizdelgen fılosofııalyq, dúnıetanymdyq bolyp esepteledi.

Eske sala keteıik, 2015 jyly Vashıngton qalasyndaǵy Djordj Vashıngton ýnıversıtetinde jáne Nıý-Iork qalasyndaǵy Robert De Nıronyń Tribeca kınostýdııasynda eki serııanyń aǵylshyn tilinde tusaýkeseri ótken bolatyn. Fılm amerıkalyq aýdıtorııa arasynda úlken qyzyǵýshylyqqa ıe bolyp, Qazaqstannyń sheteldegi mádenı beınesin nyǵaıtqany sózsiz.

5 aqpan kúni Astana qalasyndaǵy Kongress-Holl saraıynda qazaqtyń birtýar aqyny Muqaǵalı Maqataevqa arnalǵan ádebı-mýzykalyq kontsert ótti. Bul sharany Astana qalasy ákimdiginiń Memlekettik akademııalyq fılarmonııasy aqynnyń týǵanyna 85 jyl tolýyna oraı alǵash ret uıymdastyrǵan bolatyn.

Astana qalasy ákimdiginiń Memlekettik akademııalyq fılarmonııasynyń bas dırektory jáne kórkemdik jetekshisi Sáken Ábdirahmanov aqynnyń týǵan kúni qarsańynda osyndaı kesh ótkizip, elordalyq kórermenderge án men kúıden shashý shashý týraly bastama kótergen bolsa, ony qala ákimdigi de, óner ujymy da birden qoldaǵan.

Osy keshtiń basynda QR Eńbek sińirgen qaıratkeri, Halyqaralyq «Alash» ádebı syılyǵynyń laýreaty, aqyn, dramatýrg Serik Turǵynbekuly halqymyzdyń aqıyq aqyny Muqaǵalı Maqataev týraly kirispe sóz sóıledi.

Tursynjan Shapaıdyń «Qaıran Qarasazym-aı» degen ánin Arman Jaıym orkestrge laıyqtady. Sonymen qatar keshte Ermurat Úsenovtiń «Uran» degen kúıi oryndaldy.

Tanymal óner qaıratkerleri Maıra Іlııasova, Azamat Jyltyrkózov, Bıbigúl Januzaq jáne fılarmonııanyń basqa ánshileri Muqaǵalıdyń sózine jazylǵan ánderdi oryndady. Sondaı-aq aqynnyń óleńderi oqyldy.

Kúıshi Ýálı Bekenovtiń «Kúı ańsaý» atty kúıi alǵash ret jurtqa tanystyryldy. Oryndaıtyn Astana qalasy memlekettik akademııalyq fılarmonııasynyń Qazaq halyq aspaptary orkestriniń dırıjeri, Mádenıet qaıratkeri - Nurlan Bekenov. Bizge jetken derekterge súıensek, Muqaǵalı kúıdi ańsaǵan kezde Ýálı Bekenovke baryp, kúı tyńdaıdy eken. Keıin aqyn qaıtys bolǵan soń, kúıshi oǵan arnap osy «Kúı ańsaý» atty kúıin shyǵarǵan. Ýálı Bekenov shertpe kúı týraly alǵashqy kitap jazǵan mýzyka zertteýshisi ekeni belgili. Onyń «Kúı kóterer kóńildiń kók jıegin», «Kúı tabıǵaty», «Shertpe kúı sheberleri» jáne basqa zertteý eńbekteri jaryq kórgen. Ózi shertpe kúıdiń sheberi atanǵan adam.

8 aqpan kúni Eýrazııa ulttyq ýnıversıtetinde qoǵam qaıratkeri, Qazaqstan Jazýshylar odaǵynyń múshesi, aqyn, jýrnalıst, jazýshy, sazger Ákim Ysqaqtyń «Kóńil qymbat» atty shyǵarmashylyq keshi ótti.

Qalamgerdiń oqyrmandarmen kezdesý keshin QR Eńbek sińirgen ártisi, professor, opera ánshisi, Eýrazııa ulttyq ýnıversıtetiniń «Káýsar» mádenı-tanymdyq birlestiginiń jetekshisi Kenjeǵalı Myrjyqbaı júrgizdi.

Ákim Ysqaqtyń ánderi shyrqalyp, óleńderi oqyldy. Ákim Ábdiqaıymulynyń aqyndyq qasıetimen birge kompozıtorlyq qabileti de erekshe, onyń ánderi búginde elimizge keńinen taralyp ketti.

Sonymen qatar osy keshte qalamger stýdentterdiń jáne oqyrmandardyń suraqtaryna jaýap berdi.

Sondaı-aq osy keshte Á. Ysqaqtyń Qazaq radıosyndaǵy avtorlyq radıohabarlaryna arnalǵan «Kóńil qymbat» atty jańa kitabynyń tanystyrylymy boldy. Bul sharany Eýrazııa ulttyq ýnıversıtetiniń «Káýsar» mádenı-tanymdyq birlestigi uıymdastyrdy.

8 aqpanda «Otan Qorǵaýshylar» monýmentiniń janyndaǵy alańda 1995 jyly 7 sáýirde tájik-aýǵan shekarasynda qaza tapqan 17 qazaqstandyq jaýyngerge arnalǵan eskertkishke gúl qoıý rásimi ótti.

QR QK Joǵary Bas qolbasshysynyń 1992-2001 jj. aralyǵynda tájik-aýǵan ýchaskesinde TMD syrtqy shekarasyn qorǵaý boıynsha áskerı tapsyrmasyn oryndaǵan qazaqstandyq jeke qosyndy atqyshtar batalonynyń Tájikstan Respýblıkasynan shyǵarylǵanyna týra on bes jyl boldy.

Sharaǵa sarbazdar men ofıtserler, áskerı is-qımyldar ardagerleri, sondaı-aq, qaza tapqan jaýyngerlerdiń analary qatysty. Jınalǵandar qazaqstandyq jaýyngerlerdi bir mınýt únsizdikpen eske aldy.

«Áskerı qyzmetshiler, elorda turǵyndary, 15 jyl buryn men osy batalondy tájik-aýǵan ýchaskesinen shyǵarǵan bolatynmyn. Shekara qyzmeti, áskerı kúshter, ishki áskerler segiz jyl boıy áskerı tapsyrmalar oryndady. Olar 18-19 jasta edi. 24 batalon óz tapsyrmasyn oryndady. Biz uldarymyzdan aıyryldyq, degenmen, biz árqashan da erlik jasaı alatynymyzdy maqtan etýimiz kerek», - dedi QR UQK shekara qyzmeti bas shtabynyń basshysy Magmed Sadykov.

Aıta keteıik, tájik-aýǵan shekarasynda qaza tapqan qazaqstandyq jaýyngerlerge arnalǵan eskertkishter elimizdiń tórt qalasynda ornatyldy: Semeıde, Pavlodarda, Shymkentte jáne Atyraýda.

8 aqpan kúni Astanada «Aqyndar Táýelsizdikti jyrlaıdy» poezııalyq marafony bastaý aldy.

Oǵan eldegi aqyn-jazýshylar qatysyp, jastarǵa elimizdiń egemendigi jaıly baıandady. Qatysýshylar «Tiregimiz - táýelsizdik, tilegimiz - turaqtylyq, bilegimiz - birlik» kórmesin tamashalaýǵa múmkindik aldy. Aıta ketsek, bul shara jyl boıy ótti. Munda 500-ge jýyq biregeı kitap jınaqtalǵan. Olar Táýelsizdik, Qazaqstan halqy Assambleıasy, Astana jáne EXPO-2017 syndy 4 taraý boıynsha ornalastyryldy.

9 aqpan kúni QR Ulttyq mýzeıinde «Tarıhı tulǵalar» atty oqý-aǵartý baǵdarlamasy aıasynda aqıyq aqyn Muqaǵalı Maqataevtyń 85 jyldyǵyna arnalǵan «Poezııa, menimen egiz be ediń...» ádebı-sazdy keshi ótti.

Keshtiń basty maqsaty qazaqtyń mańdaıyna bitken uly perzentiniń týǵan kúnin eskerýsiz qaldyrmaý jáne sol arqyly mýzeıge kelýshi qonaqtarǵa ádebıetimizdiń altyn qoryna engen ónegege toly aqyn óleńderin nasıhattaý. Qanshama jyldar ótse de ómirsheńdigin joımaı kele jatqan aqynnyń shyǵarmashylyǵyn kez kelgen jastaǵy qazaqstandyq súıip oqıdy. Atalmysh keshtiń ótýi soǵan bultartpas dálel boldy. Ádebı-sazdy keshte mýzeıdiń jastar teatr stýdııasy poetıkalyq prolog jasap, mýzeı qyzmetkerleri aqynnyń óleńderin oryndady. Sharaǵa Serik Turǵynbekov, Ajar Erbolǵan syndy mádenıet jáne óner qaıratkerleri qatysty.

9 aqpanda elordadaǵy L.N.Gýmılev atyndaǵy Eýrazııa ulttyq ýnıversıtetinde «Káýsar» mádenı-tanymdyq birlestiginiń jetekshisi, Qazaqstannyń eńbek sińirgen ártisi, professor Kenjeǵalı Myrjyqpaıdyń uıymdastyrýymen aqyn, jazýshy, sazger Ákim Ysqaqtyń «Kóńil qymbat» atty kezdesý keshi ótti.

«Káýsar» birlestiginiń dástúri boıynsha Kenjeǵalı myrza kórermenderdi kesh qonaǵynyń ómirbaıanymen, shyǵarmashylyǵymen qysqasha tanystyra otyryp, kesh shymyldyǵyn ashty.

Jaqsy istiń basy Ákim Ysqaqtyń «Kóńil qymbat» atty jańa kitabynyń tusaýkeser rásimimen bastaldy. Avtordyń bastamasymen bul kitaptar ýnıversıtettiń kitap qoryna tabys etildi. Ádettegideı júzdesýdiń alǵashqy bólimi kesh qonaǵynyń jeke shyǵarmashylyǵyn tanystyrý maqsatynda Ákim Ysqaqtyń avtorlyq ánderi men óleńderi kórermenge jol tartty. Atap aıtsaq, Erqasym Zymyhan «Qazaǵym», Mereke Jalǵas «Aýylym altyn besigim», Maral Jumageldi «Janym qazaq», Nursultan Otar «Altyn anam - Otanym», Ardaq Qasymhanov «Bir kem dúnıe», Gúlzat Erýbaı «Eger adammyn deseń», Baǵdat Jaqsylyqova «Asyl Ana», Lashyn Máden «Qumyrsqanyń ıleýindeı ómir», Azamat Nurǵalıev «Seni oılap» syndy san taqyryptardy ózek etken óleńderdi oqyp, boıaý aıshyqtarymen, erekshe mánerimen tyńdarman júregine eriksiz oı saldy. Kesh barysynda Ákim Ysqaqtyń aqyndyq, qaıratkerlik qyrymen qatar sazgerlik óneri de kórermendi tánti etti. Aısáýle Beısenhan «Kóńil qymbat», Aıdar Ámire «Quttyqtaımyn qýanyshyńmen» , Saryarqa toby «Jan aǵa», Baqytjan men Aınur «Ózińe ǵana senemin», Berik Beısenbaı «Jan áke», Astana toby «Sen degende» ánderin oryndady. Osy keshte Ermahan Danııardyń «Anaǵa saǵynysh» áni tuńǵysh ret oryndalyp, tyńdarmandardyń zor yqylasyna bólendi.

Keshtiń ekinshi bóliminde Qazaqstannyń Bas redaktorlar klýbynyń vıtse-prezıdenti Muratbek Toqtaǵazın klýb atynan Ákim Ysqaqty Alǵys hatpen marapattap, «Halyqaralyq jýrnalıster odaǵynyń múshesi» tósbelgisi men kýáligin tabystady. Budan keıin sóz tizginin qolyna alǵan Ákim Ysqaq rýhty óleńderimen kórermen nazaryn salıqaly áńgimege burdy. Osyndaı tamasha keshti uıymdastyrǵan ýnıversıtet rektory, QR Ulttyq ǵylym akademııasynyń akademıgi, professor Erlan Sydyqovqa zor alǵysyn bildirdi. Memlekettik qyzmettegi atqarǵan jumystarynan bir úzik syr shertip, stýdentterdiń san túrli saýaldaryna salmaqty, salıqaly, ázil-qaljyńy aralas jaýaptar qaıyrdy. Aqynnyń ár sózi jastarǵa jastyq shabyt, pák mahabbat, ulttyq rýh syılady desek artyq bolmas. Aqynnyń mándi áńgimesine arqaý bolǵan Malaızııa ýnıversıtetiniń stýdenti Rızagúl esimdi qazaq qyzynyń erligi kópshilikti tań qaldyrdy. Aqynnyń keshine sonaý qııannan arnaıy ushyp kelgen Rızagúl júrekjardy tilegin bildirip, kórermenderdiń qoshemetine bólendi.

Kesh sońynda quttyqtaý sózderge kezek berilip, "Nur Otan" partııasy Tóraǵasynyń Birinshi orynbasarynyń Alǵys hatyn onyń keńesshisi Berik Ýalı saltanatty jaǵdaıda tapsyrdy. Sondaı-aq ýnıversıtet ujymy atynan prorektor, professor Dıhan Qamzabekuly aqynnyń shyǵarmashylyǵyna zor tabystar tileı otyryp, «Kúltegin» medalimen marapattady. «Ádemi-aı» kompanııasynyń dırektory Bahargúl Tólegenqyzy barsha qandastar atynan Ákim Ysqaqqa shynaıy yqylasyn bildire kele, estelik syılyǵyn usyndy.

10 aqpan kúni «Nur Otan» partııasy Astana qalalyq fılıalynyń kezekten tys HHІІ qalalyq konferentsııasy barysynda 2016 jyly naýryzdyń 20-nda ótken saılaýǵa máslıhat depýtattyǵyna kandıdattar usynyldy.

10 aqpanda Qazaqstan Rsepýblıkasy Ulttyq mýzeıinde qazaqtyń aqıyq aqyny Muqaǵalı Maqataevtyń 85 jyldyǵyna arnalǵan «Poezııa, menimen egiz be ediń...» ádebı-sazdy jyr keshi ótti.

Keshtiń ashylýynda sóz sóılegen mýzeı dırektory Darhan Qamzabekuly M.Maqataev muralarynyń ómirsheńdegi men óskeleń urpaqty tárbıeleýdegi róline toqtalyp ótti.

Jınalǵan qaýymǵa aqynnyń ómirin baıandaıtyn derekti fılm usynyldy. Keshke arnaıy daıyndalyp kelgen jas aqyndar, astanalyq mektep oqýshylary men JOO stýdentteri Muqaǵalıdyń, Farızanyń jyrlaryn mánerlep oqydy.

Kópshilik aldynda sóz sóılegen aqyn, Halyqaralyq «Alash» ádebı syılyǵynyń laýreaty Serik Turǵynbekuly M.Maqataev týraly estelikterimen bólisti.

10 aqpan kúni QR Qarýly Kúshteriniń «Astana» aımaqtyq qolbasshylyǵynyń júzden astam áskeri «Ómir syıla» qaıyrymdylyq aktsııasy aıasynda naýqas adamdar úshin 50 lıtrge jýyq qan tapsyrdy.

QR Qorǵanys mınıstrliginen habarlaǵandaı, sharaǵa óz erkimen «Astana» aımaqtyq qolbasshylyǵynyń 46298 jáne 85510 áskerı bólimderiniń áskerıleri qatysty. Atap ótý kerek, mundaı sharalar áskerılerdiń densaýlyǵyna da oń áserin tıgizedi - qan aınalymy jaqsarady.

Áskerıler mundaı aktsııalarǵa jyl saıyn qatysady. Tapsyrylǵan qan qan quıý ortalyǵynda saqtalady.

Eske sala keteıik, mundaı sharalar QR Qarýly Kúshterinde únemi ótip turady. QR QK áskerıleri Qazaqstandaǵy donorlyqtyń damýyna ózderiniń belsendi úlesterin qosa otyryp, donor qanyna muqtaj adamdarǵa qoldaý kórsetýde.

10 aqpanda Kongress-hollda barlyq qalalyq basqarmalardyń ókilderiniń qatysýymen Ashyq esik kúni ótti. «Belsendi azamat» aktsııasy aıasynda ótken shara barysynda elorda turǵyndary qalada turý jaılylyǵy men sapasyn arttyrý maqsatynda qalalyq ınfraqurylym jumysyn jaqsartý boıynsha usynystar men saýaldaryn joldady.

Qalalyq basqarmalardyń basshylary qoıylǵan suraqtarǵa jaýap berip, 2015 jyldyń qorytyndysyn shyǵardy, sondaı-aq 2016 jylǵa arnalǵan josparlarǵa toqtaldy. Elordalyqtar óz saýaldaryn jazbasha jáne aýyzsha túrde joldady. Negizinen, balabaqshaǵa kezek, eski úılerdi buzý, turǵyn úı kommýnaldyq sharýashylyqty jańǵyrtý, turǵyn úı salý, PIK jumysy, qalanyń kólik júıesi, aýlalardyń aýmaǵyn abattandyrý máseleleri sóz boldy.

Turǵyn úı ınspektsııasy basqarmasyna saýaldar kóp joldandy.

Qala turǵyndarynyń aıtýynsha, mundaı kezdesýler jergilikti bılik pen turǵyndardy baılanystyratyn býyn bolyp tabylady, sondaı-aq, problemalyq máselelerdi sheshýge kómektesedi. Jalpy, kezdesý aıasynda 1541 ótinish kelip tústi.

Aıta keteıik, Astana qalasynyń turǵyndarymen jáne basqa da múddeli tulǵalarmen tyǵyz baılanys ornatý úshin osyndaı kezdesýler turaqty túrde ótkizilýde. Turǵyndar óz saýaldaryn «Halyqtyq baqylaý» jáne «Vırtýaldy qabyldaý bólmesi» aıdarlary arqyly kez-kelgen ýaqytta joldaı alady.

11 aqpan kúni elorda ákimdiginde Astana qalasy ardagerler keńesiniń H eseptik-saılaý konferentsııasy ótti.

Konferentsııa jumysyna Astana qalasy ákiminiń orynbasary Ermek Amanshaev, «Qazaqstan Respýblıkasynyń ardagerler uıymy» RQB Ortalyq keńesiniń tóraǵasy Ómirzaq Ozǵanbaev qatysty. Konferentsııa qorytyndysy boıynsha delegattar qalalyq ardagerler keńesiniń jańa tóraǵasyn saılady.

Konferentsııada ótken jyly atqarylǵan jumystyń qorytyndysy shyǵarylyp, uıym prezıdıýmy men komıssııa músheleri saılandy, sonymen qatar, ardagerler uıymdarynyń respýblıkalyq sezine qatysatyndar tizimi bekitildi.

Qalalyq ardagerler keńesi elordanyń egde jastaǵy turǵyndaryna qyzmet kórsetetin barlyq basqarmalarmen jáne qurylymdarmen belsendi yntymaqtastyq ornatty. Ardagerlerge qoldaý kórsetip, uıymǵa demeýshilik kómek kórsetetin elordalyq kásipkerler men bıznesmenderge alǵys aıtyldy.

Elordalyq qart adamdar men ardagerler qalanyń tynys-tirshiligine belsendi aralasady. Olar mektep oqýshylarymen jáne stýdenttermen kezdesedi. Ardagerlerdiń demalýy úshin jyl saıyn mádenı-sporttyq sharalar uıymdastyrylady, shaǵyn ortalyqtar jumys isteıdi. Almaty aýdanynda zeınetkerlerge arnalǵan 14 shaǵyn ortalyq bar, jaqynda taǵy da bir demalys ortalyǵy Esil aýdanynda ashyldy.

Konferentsııa delegattary uıym jumysyn qanaǵattanarlyq dep baǵalady. Konferentsııa sońynda Astana qalasy ardagerler keńesiniń jańa tóraǵasy bolyp Sansyzbaı Esilov saılandy.

11 aqpan kúni Astana ákimi Ádilbek Jaqsybekov Medıtsınalyq-áleýmettik ońaltý ortalyǵynyń jańa ǵımaratynda bolyp, medıtsınalyq mekemeniń qyzmetkerlerimen kezdesti.

Jańa ortalyq ashylǵaly materıaldyq-tehnıkalyq bazasy edáýir jaqsaryp, jańa qurylymdyq bólimsheler ashyldy - psıhoterapııa bólimshesi, áleýmettik ońaltý bólimshesi. 250 kereýet-orynǵa eseptelgen jańa Medıtsınalyq-áleýmettik ońaltý ortalyǵyn paıdalanýǵa berý qazirgi zamanǵy ǵylym deńgeıinde narkologııalyq kómek kórsetýdiń jańa standarttaryn iske asyrý jolyndaǵy mańyzdy kezeń bolyp tabylady. Ortalyqta elimizde tuńǵysh ret bilikti kómek kórsetýdiń barlyq kezeńderi engizilgen.

Qala basshysy Ortalyqtyń birneshe bólimshesin aralaǵannan keıin ujymmen áńgimelesip, olarǵa jumystary úshin alǵysyn bildirip, densaýlyq saqtaý qyzmetkerlerine júktelgen jaýapkershilikti atap ótti.

Aıta keteıik, 2015 jyly Astanada Medıtsınalyq-áleýmettik ońaltý ortalyǵynan basqa taǵy da tórt densaýlyq saqtaý nysany paıdalanýǵa berildi - qalalyq balalar juqpaly aýrýlar aýrýhanasy, ambýlatorııalyq-emhana kesheni, BMSK ortalyǵy, onkodıspanserge japsarlastyra salynǵan ǵımarat. Medıtsınalyq-áleýmettik ońaltý ortalyǵy emhana jáne statsıonar korpýstarynan turady.

Qazirgi kezde Ortalyqtyń mindeti - kórsetiletin qyzmetter sektoryn aldyn alý men alkogolge táýeldi, nashaqorlar, qumar oıynǵa salynǵan, destrýktıvti tártiptiń basqa da formalaryna ushyraǵan naýqastarǵa tıimdi mamandandyrylǵan kómek kórsetýge baǵyttaý.

Ortalyqta joǵary bilikti narkolog dárigerler, psıhoterapevtter, psıhologtar jumys isteıdi. Naýqastardy emdeý barysynda dári-dármekterden basqa, zamanaýı psıhoterapevttik tehnologııalar, patsıentke ońaltýdan keıingi qoldaýmen retsıdıvke qarsy sapaly em-dom keńinen qoldanylady.

11 aqpanda Astana qalasynda alǵash ret «Bolashaq» halyqaralyq stıpendııasynyń jańa Til mektebiniń resmı túrde ashylýy bolyp ótti.

Bul jerde 2015 jyly «Memlekettik qyzmetshiler», «Ǵylymı-pedagog qyzmetkerler», «Mádenıet qyzmetkerleri», «BAQ redaktsııasynyń qyzmetkerleri» jáne «JOO túlekteri» sanattary boıynsha oqýǵa túsken alǵashqy 60 stıpendıat oqýdy bastaǵan bolatyn.

Ashylý saltanatyna «Halyqaralyq baǵdarlamalar ortalyǵy» AQ prezıdenti Ǵanı Nyǵymetov, Ulybrıtanııanyń Qazaqstan Respýblıkasyndaǵy Elshisi, doktor Kerolına Braýn, Qazaqstandaǵy Brıtandyq keńes dırektory Djım Batterı, til mektebiniń qyzmetkerleri, sondaı-aq 2015 jyly stıpendııa taǵaıyndalǵan stıpendıattar qatysty.

Osy mekteptiń negizgi seriktesi Brıtandyq keńes bolyp tabylady. Mektep jumysy aǵylshyn tilin oqytýdyń «6+6»jańa formatyn usynady, onda alǵashqy 6 aıda «Bolashaqtyń» kvotalyq stıpendıattary aǵylshyn tilin Qazaqstanda, qalǵan 6 aıda shetelde oqıdy.

Osylaısha, stıpendıattardyń aǵylshyn tilin oqý tıimdiligi aıtarlyqtaı artyp, tildik daıarlyqqa jumsalatyn qarjy qarajattaryn ońtaılandyrýǵa qol jetkizildi, - dedi «Halyqaralyq baǵdarlamalar ortalyǵy» AQ prezıdenti Ǵanı Nyǵymetov mekteptiń ashylý saltanatynda.

15 aqpanda Q.Qýanyshbaev atyndaǵy Memlekettik akademııalyq qazaq mýzykalyq drama teatry sahnasynda aktrısa Baqyt Jumaǵulovanyń somdaýynda «Ana júregi» atty monospektakldiń premerasy ótti.

Shyǵarma jazýshy Sh.Aıtmatovtyń «Qus joly» povesi negizinde «Ana júregi» ataýymen jaryq kórdi. Qıyn qystaý kezdegi Ananyń týǵan jerine, halqyna, eń bastysy jary men balalaryna degen mahabbatyn, batyldyǵyn, shydamdylyǵyn qoıylym negizine arqaý etken.

Shyǵarmany qazaq tiline aýdarǵan - Sh.Murtaza. Spektakldiń rejısseri - QR halyq artısi Tilektes Meıramov.

Baqyt Botpaıqyzy Jumaǵulova - Qaraǵandy oblysy, Buqar jyraý aýdanynda dúnıege kelgen. 1984 jyly qazaq orta mektebin bitirip, sol jyly Qaraǵandy mýzyka ýchılışesiniń dombyra synybynda oqydy.

1986-1988 jyldary M. Áýezov atyndaǵy akademııalyq drama teatrynyń janyndaǵy drama stýdııasynda Áýbákir Rahymovtyń synybyna qabyldandy.

1988-1997 jyldary Taldyqorǵan qalasynyń qazaq drama teatrynda aktrısa qyzmetin atqardy. Osy teatrdaǵy on jyl eńbeginde kóptegen rólderdi sahnaǵa beınelep shyǵardy. Olar: «Pushaıman bolǵan áýlıe» - Áıel, «Aqyn-Sara» - Sara, «Shyraǵyń sónbesin» - Sveta, «Paı-paı, jas jubaılar-aı» - Záýresh, «Eńlik-Kebek» - Eńlik t. b

1997 jyldan Astana qalasyndaǵy Q.Qýanyshbaev atyndaǵy Memlekettik akademııalyq qazaq mýzykalyq drama teatrynda eńbek etip keledi.

2002-2005 jyldary Qazaq mýzykalyq Ulttyq Akademııasynyń teatr jáne kıno bóliminiń akter mamandyǵyn bitirdi.

Teatrdaǵy rólderi: M.Hasenov «Qosh bol ardaǵym», M.Áýezov «Qandy azý», «Qaragóz»-Úsh áıel, Ǵ.Músirepov «Qyz Jibek»-Dúrııa, Sh. Aıtmatov «Ana-Jer-Ana» - Jer-Ana, «Aq keme» - kempir, Q.Baıseıitov, Q.Shańǵytbaev «Beý,qyzdar-aı» - Aısulý, B.Uzaqov«Jandaýa»-kempir, Á.Nurpeıisov «Qan men ter» - Álızá, E.Jýasbek «Úılený» - Merek, «Antıvırýs» - Fatıma, «Ázázil» - Ekinshi áıel, F.Ońǵarsynova «Dalanyń kúıshi Dınasy» - Dınanyń jeńgesi, T.Djıýdjenoglý «Kóshkin»- qaýym múshesi, M.Frısh «Don-Jýannyń dýmany» - Donna Izabella, Sh.Murtaza «Bir kem dúnıe».

15 aqpanda Qazaq ulttyq óner ýnıversıtetiniń Jambyl Jabaev atyndaǵy kontsert zalynda «Uly dala sazy» atty QR eńbek sińirgen qaıratkeri, «Parasat» ordeniniń ıegeri, professor, jyraý Almasbek Nurmahanuly Almatovtyń 60 jyldyq merekesine oraı mereıtoılyq kontserti ótti.

Baǵdarlama boıynsha, kontsertte A.N. Almatovtyń oryndaýyndaǵy halyq jyraýlarynyń shyǵarmalary, óz týyndylary oryndaldy. Sonymen qatar Almas Almatov qyzmet etetin oqý ornynyń professorlyq-oqytýshylyq quramynyń ujymy, Qazaqstannyń Respýblıkasynyń mádenıet qaıratkeri - Marat Núkeevtiń jetekshiligindegi «Syrly saz» folklorlyq ansambli óner kórsetti.

Mereıtoılyq keshke Almas Almatovtyń áriptesteri men shákirtteri jyr shashý jasady. Keshtiń qonaǵy retinde fılologııa ǵylymdarynyń doktorlary: Temirhan Tebegenov, aqyn Amanjol Áltaev qatysady. Sondaı-aq Mańǵystaý jyrshylyq mektebiniń ókili - Amandyq Kómekov, Syr boıynyń jyraýlyq dástúriniń ókili - Elmura Jańabergenova, Jetisý jyrshylyq mektebiniń ókili - Elikbaı Isa, halyqaralyq baıqaýlardyń laýreaty, ónertaný magıstranty - Kúnsulý Túrikpen, respýblıkalyq baıqaýlardyń bas júldegeri - Dına Nurabaevalar óner kórsetedi. Dástúrli mýzyka óneri fakýltetiniń ustazdary - Qazaqstannyń eńbek sińirgen qaıratkerleri - Janǵalı Júzbaev, Aıtbek Nyǵyzbaev, Ardaq Balajanova, Klara Tólenbaeva, QR eńbek sińirgen ártisi - Turar Alypbaev, QR mádenıet qaıratkeri - Raýshan Orazbaeva, Qytaı Halyq Respýblıkasynyń memlekettik syılyǵynyń ıegeri - Gúlnar Abdolla, respýblıkalyq konkýrs laýreattary - Tolǵanbaı Sembaev, Qaırat Aıtbaev qatysty.

Kontsertti júrgizýshi - Memlekettik «Daryn» jastar odaǵy syılyǵynyń laýreaty Nuraı Tanabaev boldy.

15 aqpanda elordada balabaqshany josparly bólý bastaldy. Ol kezde 8 myńnan astam oryn úlestirilgen bolatyn.

15-29 aqpan aralyǵynda Astana qalasyndaǵy Mahambet Ótemisuly atyndaǵy Oqýshylar saraıynyń kontsert zalynda QR Táýelsizdiginiń 25 jyldyq mereıtoıyna oraı qalalyq bilim basqarmasynyń uıymdastyrýymen balalar men jasóspirimder arasynda «Shattyq-2016» 10-shy ashyq shyǵarmashylyq qalalyq baıqaýy ótti.

Oǵan Astana qalasynyń mektep, lıtseı, gımnazııa, tehnıkalyq jáne kásiptik bilim berý mekemeleriniń oqýshylary qatysqan bolatyn.

«Shattyq» baıqaýy memleketimizdiń mádenı áleýeti men keń aǵartýshylyq kelesheginiń kómegimen jan-jaqty shyǵarmashylyq tulǵany qalyptastyrý jáne damytý maqsatynda ótti. Shara «Baıterek» horeografııalyq ansambliniń oryndaýyndaǵy qazaq bıleriniń sıýıtasy negizindegi bı qoıylymymen ashyldy.

15 aqpanda «Nur Otan» partııasy janyndaǵy «Jas Otan» jastar qanaty men QR Aýǵanstan jáne jergilikti soǵystar ardagerleri odaǵy Aýǵanstan soǵysynda qaza bolǵan jaýynger - ınternatsıonalıster memorıaly alańynda Keńes áskeriniń Aýǵanstan jerinen shyǵarýdyń 27 jyldyǵyna arnalǵan gúl shoǵyn qoıý rásimin ótkizdi.

Shara barysynda jınalǵan qaýym aýǵan soǵysynda qaza tapqandardy eske alyp bir mınýt únsizdik jarııalady.

Gúl shoǵyn qoıý sharasyna QR Іshki ister mınıstrligi Ulttyq gvardııasy, QR Ulttyq qaýipsizdik komıteti men «Jas Otan» jastar qanatynyń ókilderi, QR Áýe-desant áskerler keńesiniń ardagerleri, Tájik-aýǵan shekarasynda qazaqstandyq bitimgershilik batalonynyń qatysýshylary jáne Aýǵan soǵysynda qaza tapqan jaýyngerlerdiń týǵan-týystary, sondaı-aq, jastar uıym ókilderi qatysty.

Esterińizge sala keteıik, 1979 jylǵy 25 jeltoqsannan bastap 1989 jylǵy 14 aqpanǵa deıin Keńes áskerleri Aýǵanstan jerinde Otan aldyndaǵy boryshtaryn ótedi. Osy ýaqyt ishinde bul soǵysqa 22269 qazaqstandyq qatysty. Olardyń 924 qaza tapsa, 1015 múgedek boldy, al 21 jaýynger iz-túzsiz joǵaldy.

16 aqpanda «Astana Opera» teatrynda arfamen kontsert berýde teńdesi joq Aıdana Qarasheva men mýltıaspapshy ıÝrıı Tashtamırov «Erekshe dýet» atty kontsert berdi. P.Chaıkovskıı atyndaǵy Máskeý memlekettik konservatorııasynda I.P.Pashınskaıa men A.Z.Bondýrıanskıı sııaqty professorlardyń klasynan bilim alǵan daryndy jas oryndaýshylar 2013 jyly A-DUO (ıtalıansha - «ekeýara oınaý») ansamblin qurǵan. Aıdana Qarasheva - ózindik stıli bar mýzykant, al ıÝrıı Tashtamırov 10 úrmeli aspapty ıgergen tanymal óner ıesi. Ol óte sırek kezdesetin aspap, XVIII ǵasyrdyń aıaǵyndaǵy klarnettiń bir túri - bassetgornda oınaıdy. Qazirgi ýaqytta ártister jıi kontsertter qoıýda.

Dýet, shynymen de, erekshe - jas mýzykanttardyń shyǵarmashylyq odaǵy otbasylyq odaqqa aınalǵan. Kórermen aspapshylardyń mýzykalyq jaýharlarmen birge, súıgen júrekterdiń áýenin de tamashalady.

Bul - oryndaýshylardyń «Astana Opera» sahnasyndaǵy debıýti, sondyqtan kesh baǵdarlamasyna olar úlken jaýapkershilikpen daıyndaldy. Oǵan: I.Bah, E. Vılla-Lobos, M.Ravel, K.Gılman, K.Glıýk, E.Úsenov jáne basqalardyń shyǵarmalary endi.

17 aqpan kúni Astanadaǵy Qazaq ulttyq óner ýnıversıtetinde Sh. Aımanov atyndaǵy «Qazaqfılm» AQ-y túsirgen tolyqmetrajdy «Saǵadat Nurmaǵambetov. Sońǵy suhbat» atty derekti fılminiń kórsetilimi ótti.

Týyndy Keńes Odaǵynyń Batyry, Qazaqstannyń Halyq Qaharmany, Qazaqstan Respblıkasynyń tuńǵysh Qorǵanys mınıstri, armııa generalynyń ómirinen syr shertedi.

Fılm jelisinde batyrdyń taǵdyry, týǵan eline degen patrıottyǵy, áskerı salanyń asa iri mamany retinde qalyptasýy men tulǵanyń adamı qasıetterine aıryqsha mán berilgen.

Tusaýkeser rásimine QR Qorǵanys mınıstrligi, QR Іshki ister mınıstrligi, Respýblıkalyq Ardagerler keńesiniń ókilderi jáne Ekinshi dúnıejúzilik jáne Aýǵan soǵysynyń ardagerleri, tyl eńbekkerleri,stýdent jastar qatysty.

17 aqpanda Qazaq óner ýnıversıtetiniń organ zalynyń sahnasynda sımfonııalyq orkestrdiń solısteriniń, skrıpkashy Aral Baısalaqovtyń jáne fleıtıst Jibek Saparǵalıevanyń oryndaýynda tyńdaýshylar nazaryna K. Mýsın, I. Brams, E. Magalıf, P. Chaıkovskııdiń shyǵarmalary usynyldy. Kontsert dırıjeri - Ernar Nurtazın.

18 aqpanda «Astana Operanyń» Kameralyq zalynda zamanaýı qazaqstandyq kompozıtorlar shyǵarmalarynyń eń úzdik úlgileri usynyldy.

Belgili otandyq avtorlar qatysatyn «Darhan dala» kontserti Qazaqstan Táýelsizdiginiń 25 jyldyǵyna arnalǵan «Kompozıtorlar-zamandastar» jańa tsıklin ashty.

Qazaqstan kompozıtorlarynyń mýzykasy tek bizdiń respýblıka aımaǵynda ǵana emes, Italııa, Ulybrıtanııa, Frantsııa, Reseı jáne t.b. shet elderde oryndalyp júr.

Kesh baǵdarlamasyna tyńdarmandardyń súıikti ánderi: M.Tólebaev, Ǵ.Jubanova, E.Rahmadıev, S.Muhamedjanov, B.Qydyrbek, T.Muhamedjanov, S.Erkimbekov, S.Ábdinurov, A.Ábdinurov, K.Dúısekeev, J.Tursynbaev, E.Ómirov, A.Toqsanbaev, A.Alpysbaev, D.Ostankovıch, I.Jaqanov, A.Tanı sııaqty klassıkalyq jáne zamanaýı ánderi, romanstary, arııalary endi.

Kesh qonaqtary elimizge belgili aıtýly qazaqstandyq kompozıtorlar: Keńes Dúısekeev, Balnur Qydyrbek, Serikjan Ábdinurov, Jolaman Tursynbaev jáne t.b. boldy. Serik Erkimbekov, Álibı Ábdinurov jáne Dmıtrıı Ostankovıch ózderiniń shyǵarmalaryn Kameralyq zal sahnasynda oryndady. Kontsertte teatrdyń kórnekti solısteri - QR eńbek sińirgen ártisteri Jannat Baqtaı, Ǵalııa Baıǵazınova, QR eńbek sińirgen qaıratkerleri Aıgúl Nııazova, Dına Hamzına, Janat Shybyqbaev, halyqaralyq baıqaýlardyń laýreattary Aızada Qaponova, Roza Núrkeı, Ásem Sembına, Beıimbet Tańaryqov, Eskendir Ábjanov, Bolat Esimhanov sonymen qatar B.Álibekova jetekshilik etetin belgili «Eligaı» hory jáne taǵy da basqalar boldy.

Fortepıano partııasyn - kompozıtorlar: Serik Erkimbekov, Dmıtrıı Ostankovıch, Álibı Ábdinurov, sonymen qatar halyqaralyq baıqaýlardyń laýreaty Raýshan Beskempirova, Elena Sahno, Irına Kýrgýzkına, Gaýhar Tasbergenova oryndady.

18 aqpanda QR Táýelsizdiginiń 25 jyldyǵyna oraı Kongress-hollda qazaq orkestriniń «Mýzyka - tilsiz álem» kontserti ótti.

QR Eńbek sińirgen ártisi, professor Aıtqalı Jaıymovtyń jáne dırıjer Nurlan Bekenovtyń basqarýyndaǵy qazaq orkestriniń, sondaı-aq QR Eńbek sińirgen qaıratkeri, Memlekettik syılyqtyń ıegeri Shahımardan Abılovtyń oryndaýynda qazaq, eýropalyq kompozıtorlardyń mýzykalary oryndaldy.

Sımfonııalyq mýzyka tyńdarmandary «Saryarqa» halyq aspaptary ansambliniń jáne Astana qalasy Memlekettik akademııalyq fılarmonııasy solıstteriniń «Ańsaý» atty kontsertin tamashalady, onda ótken jyldardyń belgili ánderi men áýenderi, súıikti kınofılmderden saýndtrekter oryndaldy.

18 aqpan kúni Astanada et óńdeıtin jańa óndiris iske qosyldy. «Aprel» JShS et ónimderin jáne jartylaı fabrıkattar shyǵaratyn taǵy da bir tseh ashty. Óndiristik tseh óńdeý ónerkásibi salasynda jumys isteıtin shaǵyn jáne orta kásipkerlik sýbektilerin qoldaý jónindegi memlekettik baǵdarlama aıasynda iske qosyldy.

Memlekettik baǵdarlama aıasynda berilgen arzandatylǵan nesıe qarajaty esebinen jańa tseh barlyq álemdik sapa standarttaryna sáıkes keletin zamanaýı tehnologııalyq qondyrǵylarmen jabdyqtalǵan. Bul et ónimderiniń 110-nan astam túrin shyǵarýǵa múmkindik beredi. Tsehtyń óndiristik qýattylyǵy táýligine 5-7 tonna nemese aıyna 100 tonna daıyn ónimdi quraıdy. Aldaǵy ýaqytta óndiris kólemin 25%-ǵa arttyrý josparlanǵan. Tómen temperatýraly arnaıy tońazytqysh kameralarynda 200 tonna et shıkizatyn saqtaýǵa bolady.

Elorda ákimdigi qyzmetiniń basym baǵyttarynyń biri - otandyq óndirýshiler taýarlarynyń sapasyn arttyrý jáne óndirisin damytý boıynsha kásipkerlerdi qoldaý bolyp tabylady. «Bıznestiń jol kartasy - 2020» baǵdarlamasy aıasynda óndiristik bazany jáne oǵan jaqyn ornalasqan jeke kásipkerlik obektilerin elektr energııasymen úzdiksiz jabdyqtaýdy qamtamasyz etetin qýattylyǵy 2 mVt-tyq transformatorlyq aralyq stantsııa salyndy.

Tsehta 150 astam jumys orny ashyldy.

19 aqpanda elordalyq oqýshylar respýblıkalyq baıqaýda 5 altyn, 15 kúmis, 18 qola medal jeńip aldy. Astana qalasynyń qurama komandasy jalpy bilim berý jobalary boıynsha oqýshylardyń ǵylymı jobalary respýblıkalyq konkýrsynda birinshi orynǵa ıe boldy. Birneshe jyl qatarynan astanalyq komanda «altyn» ıelenip, «Úzdik komanda» ataǵyna ıe bolýda.

5 altynnyń 4-eýin №60 mektep-lıeıiniń oqýshylary, bireýin Astana qalasynyń №1 mektep-lıtseıiniń oqýshysy ıelendi. Ekinshi oryndardy №60 mektep-lıtseıiniń 5 oqýshysy men 2 oryndy «Qazaq-túrik lıtseıi» men «Nurorda» mektep-lıtseıiniń oqýshylary bólisti, bir-birden kúmis júldeni №1, 27, 54, 59, 63, 78 mektepterdiń oqýshylary aldy.

Konkýrs qorytyndysy boıynsha elimizdiń qurama komandasy óz jumystaryn bıylǵy 2016 jyly 8-13 mamyrda Fenıks qalasynda (Arızona, AQSh) ótkiziletin jyl saıynǵy Intel ISEF-2016 oqýshylardyń ǵylymı jobalar halyqaralyq baıqaýyna usynady. Intel ISEF-2016 sertıfıkatyn №60 mektep-lıtseıiniń 11 synyp oqýshysy Álibek Muqanov ıelendi.

Jas zertteýshilerdiń 600-ǵa jýyq ǵylymı jumystary Konkýrstyń qorytyndy satysyna qatysty. Onyń ishinde Astana qalasynyń 77 oqýshysy avtor bolǵan 59 astanalyq joba da bar.

Vedomstvonyń atap ótýinshe, erteń saǵat 15.40-ta konkýrs jeńimpazdaryn Bilim basqarmasynyń ókilderi, mektepterdiń basshylyǵy men ata-analar Astana vokzalynan saltanatty túrde kútip alady.

20 aqpanda Astanada Qajymuqan Muńaıtpasov atyndaǵy ortalyq stadıonda dopty hokkkeıden (bendı) eresekter arasynda Qazaqstan chempıonaty ótti.

Jańa tarıhymyzda ekinshi ret boı kóterip otyrǵan dúbirli jarysqa elimizdiń 4 komandasy qatysty. Olar: Batys Qazaqstan, Soltústik Qazaqstan, Aqtóbe oblystary jáne Astana qalasynyń dopty hokkeıshileri. Uıymdastyrýshylar - Qazaqstan Respýblıkasy Mádenıet jáne sport mınıstrligi, Astana qalasynyń ákimdigi, Qazaqstannyń dopty hokkeı (bendı) federatsııasy.

20 aqpan kúni qazaq ádebıeti aqsaqaldarynyń biri, astanalyq belgili jazýshy Nurǵoja Oraz 84 jasynda dúnıeden ótti.

Nurǵoja Narymbaıuly 1932 jyly 20 qazanda Qostanaı oblysy Ýrıtskıı (qazirgi Sarykól) aýdanyndaǵy «Maıak» keńsharynda týǵan. 1947 jyly týǵan aýylyndaǵy jetijyldyq mektepti bitirip, Gýrev (Atyraý) pedýchılışesin 1950 jyly tamamdaǵan. Munaıly jetijyldyq mektebinde bir jyl muǵalim bolǵan. 1951 jyly Qazaq memlekettik ýnıversıtetiniń fılologııa fakýltetine túsken. Alǵashqy toptamasy «Jas júrek» (1956) atty jas aqyndar jınaǵyna engen. 1956-1958 jj. mektepte ustazdyq etken. 1958-1963 jj. Qostanaı oblystyq gazetinde, 1963-1965 jj. «Tyń ólkesi» gazetinde qyzmet etken. 1965 jyly Tselınograd oblysaralyq bólimshesine jaýapty hatshy bolyp taǵaıyndalǵan. Keıinnen «Jańa Saryarqa» jýrnalynyń ashylýyna muryndyq bolyp, basylymnyń bas redaktory bolyp qyzmet atqardy, talaı jas talanttarǵa qamqorlyq kórsetti.

Qazaq poezııasynda óz úni men oryny bar aqyn Nurǵoja Oraz ádebıetimizdiń, jalpy rýhanııatymyzdyń da soltústik óńirlerdegi ilgeri- keıindi kezeńderdegi órkenine erekshe úles qosyp kele jatqan qarymdy qalamgerlerdiń biri bolatyn.

Ásirese, keshegi keńestik júıede Nurǵań bastaǵan at tóbelindeı ǵana jergilikti aqyn, jazýshylar bul ólkedegi qazaq dili men tiliniń solǵyn tartyp, tamyrynan úzilip qalmaýyna aıtýdaı eńbekterin sińirdi.

1964 jyly jaryq kórgen «Tuńǵysh kitabynan» bastap arqaly shaıyr qolynan qalamyn bir sátke de tastamaı, oqyrmandaryna «Shuǵyla», «Kóńil kóktemi» , «Tyń túlegi», «Qyrandar uıasy» , «Jaýqazyn shaq» , «Dala demi» taǵy da basqa soqtaly shyǵarmalaryn usyndy.

Toptama óleńderi ýkraın, orys, qyrǵyz tilderine aýdarylǵan.

«Qarakúıik» atty kesek romanynda qubylmaly, tolqymaly zaman ahýalyn, qazaqtyń taǵdyr-talaıyn, aqıqat bolmysty shyǵarmashylyq zerdelilikpen shynaıy sıpattady. Uly Ǵabıt Músirepovtiń, Ábdildá Tájibaevtyń, Ǵafý Qaıyrbekovtiń, Saǵı Jıenbaevtyń jaqyn dostary sapynda bolǵan Nuraǵamyzdyń aıtary da, tolǵary da ushan-teńiz bolatyn.

Nurǵoja Oraz Qazaqstan Respýblıkasynyń eńbek sińirgen mádenıet qyzmetkeri, QR Jýrnalıster odaǵynyń M.Seralın atyndaǵy syılyǵynyń laýreaty, «Astana» jáne «Táýelsizdiktiń 10 jyldyǵy» medaldarymen marapattalǵan. «Qazaqstannyń eńbek sińirgen qaıratkeri» (2006).

21 aqpanda Astana qalasynyń ákimi Ádilbek Jaqsybekov 2016 jyly 16-shy márte ótken «Qys órnegi» atty shańǵy festıvaline qatysty.

Jarys Qazaqstan táýelsizdiginiń 25 jyldyǵyna arnaldy. Al, dástúrli festıvalge qatysqan elorda ákimi Á.Jaqsybekov 1,6 shaqyrym jerdi shańǵymen 10 mınýtta júrip ótti. Bul dıstantsııany baǵyndyrǵandar arasynda qala ákiminiń orynbasary Ermek Amanshaev, Olımpıada chempıony Serik Sápıev, general-leıtenant Abaı Tasbolatovtar da boldy. Jalpy, qala turǵyndary úshin eń qyzyqty sporttyq sharaǵa aınalǵan shańǵy festıvaline bıyl úsh myńnan asa adam jınalǵan edi. Olardyń basym bóligi oqýshylar men stýdentter bolsa, arasynda kúsh quyrylymdarynyń qyzmetkerleri, memlekettik qyzmetkerler de boldy. Aıta keterligi, shańǵy festıvali aıasynda sporttyń taǵy segiz túri boıynsha jarystar uıymdastyryldy.

22 aqpanda Astana jurty belgili jazýshy Nurǵoja Orazdy aqtyq saparǵa shyǵaryp saldy. Marqummen qoshtasý rásimi Qalıbek Qýanyshbaev atyndaǵy qazaq drama teatrynda ótti.

Toptama óleńderi ýkraın, orys, qyrǵyz tilderine aýdarylǵan.

«Qarakúıik» atty kesek romanynda qubylmaly, tol¬qy¬ma¬ly zaman ahýalyn, qazaqtyń taǵdyr-ta-laıyn, aqıqat bolmysty shyǵarmashylyq zerdelilikpen shynaıy sıpattady. Uly Ǵabıt Músirepovtiń, Ábdildá Tájibaevtyń, Ǵafý Qaıyrbekovtiń, Saǵı Jıenbaevtyń jaqyn dostary sapynda bolǵan Nuraǵamyzdyń aıtary da, tolǵary da ushan-teńiz bolatyn. .

22 aqpan kúni elordalyq Ekologııa departamenti elektrondy qyzmet kórsetýge kóshti.

Astana qalasynyń Ekologııa departamenti «E-lıtsenzııalaý» jáne vedomstvodan tys keshendi saraptamanyń biryńǵaı aqparattandyrý júıesi portaldary arqyly memlekettik qyzmetter kórsetedi.

Elektrondy túrde memlekettik qyzmet kórsetýdiń basty basymdylyǵy - ekologııalyq saraptama, ekologııalyq ruqsat jáne tirkelen qaldyqtar tólqujatyn alý protsesin tezdetýge jáne jeńildetý. Budan basqa, sarapshy men tapsyrys berýshiniń arasynda tikeleı baılanystyń bolmaýy jemqorlyqqa qarsy áreketti qamtamasyz etý prıntsıpteriniń biri bolyp tabylady. Bul rette qyzmet kórsetýshi men qyzmet alýshynyń arasynda reglamenttelmegen qarym-qatynas bolmaıdy.

Búginde Ekologııa departamenti І sanattaǵy obektiler úshin memlekettik saraptama qorytyndysyn berý, І sanattaǵy obektiler úshin qorshaǵan ortaǵa emıssııalarǵa ruqsattar berý, sonymen qatar, qaýipti qaldyqtar tólqujatyn tirkeý boıynsha qyzmetter kórsetedi.

22 aqpandaAstanada «Aýyl» partııasynyń bastamasymen patrıottyq fleshmob ótti.

«Han shatyrdyń» ortalyq alańynda qatysýshylar kúıdi kúmbirletip, jınalǵan kórermen halyq myń buralyp bı bıledi.

Týǵan jermen, keń baıtaq dalany kóz aldyna keltiretin "Saryarqa" kúıinen bastap, tyńdaýshysyn baı sazymen, kerbez naqyshymen, jigerli qýatymen borandatyp, ushqyr ekpinimen baýrap əketetin qazaqtyń kúıleri birinen soń biri oryndaldy.

23 aqpanda Astanadaǵy «Dáýlet» sport kesheninde áıelder arasynda bokstan Qazaqstan chempıonaty bastaldy.

Elimizdiń túkpir-túkpirinen keletin 85 qatysýshy 10 salmaq dárejesi boıynsha júldelerdi sarapqa saldy.

Bul birinshilikte top jaryp, kózge túskender 19 mamyrda elordada ótetin álem birinshiligine joldama aldy. Úzdik ataǵyna talasatyndar qatarynda Nazym Qyzaıbaı, Jaına Shekerbekova, Mádına Nurshaeva, Móldir Bazarbaeva sekildi tanymal boksshylar bar.

23 aqpanda Astana Lıllehammer Olımpıadasynyń qatysýshylaryn qarsy aldy.

Bul kúni Lıllehammer qalasynda jasóspirimder arasynda ótken qysqy Olımpıada oıyndaryna qatysqan sportshylarymyz elge oraldy. Olardy QR Mádenıet jáne sport mınıstirliginiń uıymdastyrýymen jýrnalıster jáne sportshylardyń týys-týǵandary baryp, arnaıy kútip aldy.

Esterińizge sala keteıik, Norvegııa eliniń Lıllehammer qalasynda 12-21 aqpan aralyǵynda ótken II qysqy jasóspirimder arasyndaǵy Olımpıada oıyndaryna 9 sport túrinen, ıaǵnı bıatlon, konkı men júgirý, mánerlep syrǵanaý, short-trek, taý shańǵysy sporty, shańǵy sporty, tuǵyrdan shańǵymen sekirý, frıstaıl (skı-kross) jáne shana sporttarynan 15 pen 18 jas aralyǵyndaǵy 18 sportshymyz qatysyp qaıtty.

Olımpıada oıyndarynda dúnıe júziniń 70 memleketinen kelgen 1100 sportshy 16 sport túrinen 70 medal jıntyǵyn sarapqa saldy.

Qysqy Olımpıada oıyndarynan jerlesterimiz tórt medalǵa qol jetkizdi. Bıatlonshy Arına Pantova men mánerlep syrǵanaýshy Elızabet Tursynbava qola, konkıshi Anvar Mýhamadıev kúmis júldeni, short-trekten aralas komandalyq jarys boıynsha 6-topta synǵa túsken otandasymyz Anıta Nagaı bolgar qyzy Katrın Manoılova, latysh sportshysy Karlıs Krýsbergs jáne japonııalyq Kazýkı Ioshınagamen birge óner kórsetip, Olımpıadanyń qola júldesine qol jetkizdi.

Eske alatyn bolsaq, Insbrýk qalasynda (Avstrııa) 2012 jylda ótken I qysqy jasóspirimder arasyndaǵy Olımpıada oıyndarynda bizdiń sportshylarymyz 10 sport túrine qatysyp, úsh medalǵa qol jetkizigen bolatyn. Onda shyǵysqazaqstandyq bıatlonshy qyz Galına Vıshnevskaıa kúmis pen qola medaldardy jeńip alǵan edi. Sondaı aq, shańǵyshymyz Sergeı Malyshev qosymsha qola medalǵa da ıe boldy.

24 aqpanda QR Ulttyq akademııalyq kitaphanasynda belgili ǵalym, etnograf-jazýshy Aqseleý Seıdimbekti eske alýǵa arnalǵan «Aqseleý álemi» taqyrybynda kesh ótti.

Fılologııa ǵylymdarynyń doktory, professor, QR Memlekettik syılyǵynyń ıegeri Aqseleý Seıdimbek - qazaq ádebıeti men ónerin, mádenıeti men rýhanııatyn damytýǵa ólsheýsiz úles qosyp, tól tarıhymyzǵa jarqyn qoltańbasyn qaldyrǵan kórnekti tulǵa.

Keshke qatysýshylar Aqseleý Seıdimbektiń asqar talantynyń qyr-syryn ashyp, qalamgerdiń ómir jolynan estelikter aıtyp berdi. Sondaı-aq Aqseleý Seıdimbektiń baıandamalarynyń beınejazbasy kórsetilip, ánderi oryndaldy. Budan bólek, «Aqseleý álemi» taqyrybyndaǵy kitap kórmesinde ǵalymnyń eńbekteri usynyldy.

Keshke qoǵam qaıratkerleri men jazýshy, ǵalymdar jáne Aqseleý Seıdimbektiń jubaıy men qyzdary, jaqyn dostary qatysty.

24 aqpanda Ulttyq mýzeıde jańa jádigerlerdi qabyldaý sharasy ótti.

«Ulttyq mýzeıge syı tartý» aktsııasynyń jalǵasy retinde ótken sharada qabyldanǵan jádigerlerdiń qatarynda Ábish Kekilbaev, Roza Baǵlanova, Zeınýlla Alshynbaev, Mádına Eralıeva, Aleksandr Vınokýrov qatarly tulǵalardyń jáne taǵy da basqa tanymal adamdardyń jeke ómiri qatysty tutynǵan zattar bar.

Sonymen qatar, Tileýjan Batanov, Sembiǵalı Smaǵulov, Erlan Sahıpuly sekildi sýretshi, músinshiler óz týyndylaryn mýzeıge syı retinde tabystady.

Eske sala ketsek, «Ulttyq mýzeıge syı tartý» aktsııasy 2015 jyly naýryz aıynda bastalǵan. Aktsııa Astana, Almaty, Qyzylorda qalalarynda da uıymdastyryldy. Nátıjesinde 1300-deı qundy jádiger Ulttyq mýzeı zaldarynan oryn aldy.

24 aqpan kúni Astanada qalasy ákimi Ádilbek Jaqsybekov halyq aldynda esep berý jıynyn ótkizdi. 2016 jyly barynsha kóp halyqty qamtý úshin turǵyndarmen eseptik kezdesýdiń formaty ózgertildi. Halyqpen esep berý kezdesýiniń negizgi bóliginen keıin Astana ákimi Ádilbek Jaqsybekov adamdardy jeke ózi qabyldaýdy bastaıdy. Azamattar elorda ákimine nemese onyń orynbasarlaryna óz suraqtaryn Kongress-Holl ǵımaratynda qoıa aldy. Qabyldaý kezekpen júrgizildi.

Halyqqa esep berý kezdesýinde Astana qalasynyń ákimi Ádilbek Jaqsybekov mamyr aıynda elorda jol júrý aqysyn tóleýdiń elektrondy júıesine kóshetindigin málim etti.

Sonymen qatar Astanada 8 kóshede avtobýstarǵa qosymsha jolaqtar bólý josparlandyǵy habarlandy. Esep berý barysynda Astana ákimdigi túrli sala jumyskerlerine qyzmettik páterler salý boıynsha baǵdarlama ázirlenip jatqandyǵynan da aqparattandyryldy.

Sondaı-aq Á.Jaqsybekov Astanada qosymsha 7 ekspress-marshrýt iske qosylatyndyǵyn aıtty.

Astanada jeke sektordaǵy 22 myńnan astam turǵyn úı gazben jylytylatyndyǵy da ákimdiktiń bergen esebinde jarııa etildi. Ákim shahardyń ekologııalyq ahýaly ózin alańdatatynyn aıta kele, ásirese aýanyń tazalyǵyna aıryqsha nazar aýdarý kerektigin atap ótti. Esepteýlerge qaraǵanda, kún saıyn qala atmosferasyna 100 tonnaǵa tarta zııandy zattar shyǵarylady eken.

«Osy jaǵdaıǵa baılanysty sharalardyń keshendi jospary qabyldandy. Eki jyldyń barasynda biz avtonomdy qazandyqtar men jeke sektordy, ıaǵnı 22 myńnan astam úıdi gazben jylytýǵa tolyqtaı kóshiremiz. Qalanyń kommýnaldyq qyzmetteriniń kólikteri gazomotorlyq otyndy paıdalanatyn bolady»,-dedi Á. Jaqsybekov.

25 aqpan kúni Qazaqstan Respýblıkasynyń Ulttyq mýzeıinde Jambyl Jabaevtyń 170 jyldyǵyna arnalǵan «Álem aqyny» atty ádebı kesh ótti.

2016 jyly Qazaqstan Respýblıkasy jáne álemdik qaýymdastyq qazaqtyń uly aqyny Jambyl Jabaevtyń 170 jyldyǵyn atap ótken bolatyn. Aqyn shyǵarmashylyǵy jalǵyz maqsatqa - týǵan halqynyń múddesine qyzmet etýge arnalyp, uly aqyn halqynyń jadynda «HH ǵasyrdyń Gomeri» degen atpen máńgi qalady.

Kesh aıasynda J.Jabaev shyǵarmalaryn mánerlep oqý boıynsha qalalyq baıqaýǵa qatysqan Astana qalasy mektepteriniń oqýshylarynyń oryndaýyndaǵy J.Jabaev shyǵarmalarynan quralǵan poezııalyq kompozıtsııa, uly aqynnyń atymen atalǵan Reseı qalalaryndaǵy kósheler jaıly beınesıýjetter kórsetildi. Aıta keteıik, Reseıdiń kóptegen qalalarynda Jambyl Jabaevtyń esimi berilgen kósheler bar.

25 aqpanda Astana qalasy máslıhatynyń hatshysy, qoǵamdyq keńesti qurý jónindegi Jumys tobynyń basshysy Sansyzbaı Esilovtyń tóraǵalyǵymen Astana qalasynyń qoǵamdyq keńesiniń birinshi otyrysy ótti.

Jumys tobynyń basshysy Qazaqstan Respýblıkasynyń «Qoǵamdyq keńester týraly» Zańyna jáne Qoǵamdyq keńester týraly tıptik erejelerge sáıkes qalalyq máslıhat Astana qalasynyń qoǵamdyq keńesin qurý jáne bekitý boıynsha qajetti is-sharalardy ótkizgenin baıandady. Balama negizde Jumys toby usynylǵan 61 kandıdatýranyń 25-in qoǵamdyq keńeske múshe etip saılady.

Qoǵamdyq keńestiń qaraýyna úsh másele usynyldy. Atap aıtqanda, Astana qalasynyń Qoǵamdyq keńesiniń tóraǵasyn, hatshysyn jáne prezıdıýmyn saılaý.

26 aqpan kúni Qazaqstan Respýblıkasy Ulttyq mýzeıinde Janǵalı Júzbaıdyń dáris-kontserti ótti.

Dáris-kontsertti Qazaqstan Respýblıkasynyń Eńbek sińirgen qaıratkeri, Qazaq Ulttyq óner ýnıversıtetiniń professory, kúıshi Janǵalı Júzbaı júrgizdi. Bul is-sharaǵa Qazaq Ulttyq óner ýnıversıtetiniń «Dombyra» kafedrasynyń stýdentteri jáne óner men mádenıet ókilderi qatysty. Kúıshilik óner atadan balaǵa mıras bolyp kele jatqan qazaqtyń asyl murasy. Kıeli qobyz aspabyna jan bitirgen Qorqyt atadan bastaý alatyn, uly joldy jalǵastyrýshy Asan qaıǵy, Shyńǵys hannyń joqtaýyn kúımen jyrlaǵan Ketbuǵadan qalǵan kúıshilik joldyń sońyna túsken jalǵastyrýshylar qaı dáýirde bolsyn kóp bolǵan. Ór aqyn Mahambettiń adýyndy kúıleri, kúı atasy men anasy atanǵan Qurmanǵazy jáne Dınanyń tókpe kúıleri, han Abylaıdyń janynan tabyla bilgen Baıjigittiń sherli kúıleri, shertpe kúıdiń atasy atanǵan Táttimbettiń shoqtyǵy bıik týyndylary qazaqtyń biregeı murasyna aınala bildi.Bul Qazaqstan Respýblıkasy Ulttyq mýzeıi janynda jumys isteıtin «Halyq qazynasy» ǵylymı-zertteý ınstıtýtynyń qazaq halqynyń dástúrli mýzykalyq ónerin jańǵyrtý men nasıhattaýǵa arnalǵan «Dástúrli mýzykalyq mura» atty baǵdarlamasy aıasynda ótkizgen kezekti sharasy. Lektsııa-kontsert búgingi kúnge qaımaǵy buzylmaı jetken qazaqtyń kúıshilik ónerin, onyń ókilderi men shyǵarmalaryn qalyń kópshilikke nasıhattaý maqsatynda uıymdastyryldy.

26 aqpanda Astanada IV búkilqazaqstandyq «Choreo» qazirgi zamanǵy horeografııa baıqaýy bastaldy.

«Choreo» - Astanada eń jarqyn ári talantty bıshilerdi jyl saıyn jınaıtyn bı baıqaýy. Aýqymdy horeografııalyq shoý óziniń kólemi men mártebesi jaǵynan elimizde eń bedeldi bolyp tabylady.

Aıta keteıik, eń alǵashqy búkilqazaqstandyq baıqaý 2013 jyly uıymdastyrylǵan bolatyn jáne osy ýaqytqa deıin «Luxury Dolls» dep atalyp keldi. Sharanyń jańa deńgeıge ótýine baılanysty atalmysh baıqaýǵa tolyǵymen rebrendıng jasaý týraly sheshim jasaldy. Endi ol alǵash ret «Choreo» ataýymen ótkizildi. Úsh kún ishinde shoýdy shamamen 400-ge tarta adam tamashalaǵan.

Sharany Istina bı akademııasy men Logovo atty shyǵarmashylyq joba uıymdastyrdy.

Baıqaý maqsaty - túrli stılderde óner kórsetetin talantty ujymdar men áleýeti zor sportshylardy anyqtaý jáne qazaqstandyq bıshilerge halyqaralyq horeograftarmen tájirıbe almasýǵa múmkindik berý.

Aldynǵy jyldarda jeńiske jetken qatysýshylar úlken sahnaǵa shyǵýǵa múmkindik alǵany belgili. Mysaly, temirtaýlyq Marııa Glavatskıh Máskeý qalasyndaǵy «Girls Community» bı ujymynyń quramyna ótse, Madına Beısekeeva «TNT» telearnasynyń «Tantsy» baǵdarlamasyna qatysýǵa múmkindik aldy. Kóptegen qatysýshylar shetelde bilim alýda.

Baıqaýdyń bıylǵy júlde qory jarty mıllıon teńgeni qurady.

«Choreo» aıasynda 26 aqpan aıynda 6 men 11 jas aralyǵyndaǵy balalar jáne 12 men 15 jas aralyǵyndaǵy jasóspirimder arasynda CHOREO Champ atty chempıonat ótti. Al 27 aqpan kúni Istina bı akademııasynda Qazaqstan men Reseı horeogravtarynyń sheberlik-synyptary ótkizildi. Baıqaýdyń aqtyq syny 28 aqpanda Astana Mall saýda úıinde ótti. THE FINAL GRAND SHOW CHOREO júrgizýshileri Ivan Ernst pen Grıgorıı Hlystýn boldy. Mýzykany astanalyq tanymal dı-djeıler AST Production men DJ Lustoff qamtamasyz etti.

26 aqpan kúni Astanaǵa Mysyr Arab Respýblıkasynyń Prezıdenti Ábdel Fattah As-Sısı keldi.

Elordanyń halyqaralyq áýejaıynda Mysyr basshysyn QR Mádenıet jáne sport mınıstri Arystanbek Muhamedıuly men QR Syrtqy ister vıtse-mınıstri Asqar Mýsınov qarsy aldy.

Aqordanyń baspasóz qyzmetinen habarlaǵandaı, Mysyr Prezıdentiniń elimizge resmı sapary onyń Azııaǵa týrnesi aıasynda Qazaqstan-Mysyr yntymaqtastyǵyna serpin berýge baǵyttalǵan.

Sondaı-aq saýda-ekonomıka, aýyl sharýashylyǵy, farmatsevtıka, sondaı-aq ınfraqurylym jáne kólik-logıstıka salalaryndaǵy ózara is-qımyl sııaqty baǵyttar boıynsha shaǵyn jáne keńeıtilgen quramda kelissózder ótkizdi.

26 aqpan kúni QR Bas Prokýrory Ashat Daýylbaev Germanııanyń Qazaqstandaǵy Tótenshe jáne Ókiletti Elshisi Gıdo Hertspen kezdesti.

Taraptar ekijaqty quqyqtyq yntymaqtastyq máseleleriniń keń aýqymdy qyrlaryn talqylady, onyń ishinde, transulttyq uıymdasqan qylmysqa, ekstremızm men terrorızmge, kıberqylmysqa, zańsyz jolmen tabylǵan aqshanyń jylystaýyna qarsy áreket jasaý aıasyndaǵy árekettestik máselelerin, sondaı-aq, Qazaqstannyń qylmystyq ister boıynsha halyqaralyq quqyqtyq yntymaqtastyq máselelerindegi Eýropa keńesiniń konventsııalaryna qosylý barysy týraly talqylady.

Suhbattasý barysynda A.Daýylbaev Qazaqstan prokýratýrasy qyzmetiniń negizgi baǵyttary, sharttyq-quqyqtyq bazasyn keńeıtý men kúsheıtý boıynsha atqarylyp jatqan jumystar jóninde aıtty.

Elshini Bas prokýratýra janyndaǵy Quqyq qorǵaý organdary akademııasynyń qyzmeti týraly aqparattandyra otyryp, Germanııanyń ozyq ǵylymı-bilim berý oryndarymen ózara tıimdi baılanystar ornatýǵa múddeliligin tanytty.

Suhbattasýshylar eki eldiń terrorızmge qarsy turý, ulttyq jáne halyqaralyq qaýipsizdikti qamtamasyz etý, aqparatpen jáne jumys tájirıbesimen jedel almasý sheńberindegi quqyqtyq yntymaqtastyqtyń mańyzdy áleýetin atap ótti.

26 aqpan Astanada «Jyr alyby - Jambyl» atty ádebı-sazdy rýhanı kesh ótti.

2016 jyly elimizdiń túkpir-túkpirinde, árbir qalasy men árbir aýylynda, bilim shańyraqtary men rýhanı ortalarda qazaq halqynyń maqtanyshy, jyr alyby - Jambyl babamyzdyń 170 jyldyq torqaly toıy keńinen atap ótilgen bolatyn.

Táýelsizdigimizdiń 25 jyldyǵymen tuspa-tus kelip otyrǵan osy dúbirli mereke 26 aqpan kúni Qazaq ulttyq agrarlyq ýnıversıtetinde «Jyr alyby - Jambyl» atty ádebı-sazdy rýhanı keshke ulasty. Rýhanı sharanyń basty maqsaty - sóz máıegin kıe tutqan abyz jyraýdyń shyǵarmashylyǵyn, rýhanı baı murasyn nasıhattaý.

26 aqpanda Astanada «Aýla juldyzdary» festıvali ótti, oǵan 11 aýla klýby qatysty. «Astana jastary» jastar resýrstyq ortalyǵy atalǵan sharany oqýshylar arasynda alǵash ret ótkizgen bolatyn.

Jasóspirimder shyǵarmashylyǵy festıvali Nazarbaev Intellektýaldyq mektebinde uıymdastyryldy. Sharaǵa qatysýǵa ótinimder bir aı boıy qabyldandy. Jastar vokal, horeografııa, ınstrýmentaldy mýzyka, sporttyq-kórneki nomer jáne beıneleý-qoldanbaly óner baǵyttary boıynsha saıysqa tústi.

«Bul tájirıbemizde alǵash ret, balalardyń barlyǵy óz mashyqtaryn qoldanýy kerek dep oılaımyz. Sahna - tájirıbeni, oqytýshylyq pen bilimdi nyǵaıtý úshin laıyqty alań. Búgin balalardyń áleýetin baıqap otyrmyz. Kún saıyn ózińdi jetildirip otyrý kerek», - degen edi sol kezde «Astana Jastary» ortalyǵynyń basshysy Ánýar Nurpeıisov.

26 aqpanda «#MenElimdiSúıemin» aktsııasyna arnalǵan telekópir ótti.

Aktsııanyń maqsaty - týǵan jerge degen óziniń súıispenshiligi men qurmetin kórsetý.

Eki apta ishinde #MenElimdiSúıemin heshtegimen Qaznette elimizdiń ártúrli óńirinen 200 posttar men rolıkter jarııalanǵanyn atap ótken jón.

Aktsııaǵa júrgizýshiler Azamat Satybaldy, Dılıara Álenova, Irına Ten, «Qazaqstannnyń MMA aralas jaýyngerlik jekpe-jek federatsııasy RQB basshysy Anatolıı Kım, grek-rım stılindegi qazaqstandyq balýan, jattyqtyrýshy, Azııanyń eki dúrkin chempıony, álemniń eki dúrkin chempıony, Olımpıada oıyndarynyń chempıony ıÝrıı Melnıchenko, ǵalym-bıotehnolog Dámel Mektepbaeva, bloger Vıtalıı Perov, operator, Valerıı Zadarnovskıı, «Astana Opera» teatrynyń tanymal oryndaýshylary, Ánel Rústemova jáne Taıyr Gataýov, tanymal medıalyq tulǵalar Nurlan Qoıanbaev, Qýandyq Qystyqbaev, Búrkit qatysty.

Telekópir aıasynda aktsııany qoldaý úshin fleshmob uıymdastyrǵan Mańǵystaý, Ońtústik Qazaqstan, Shyǵys Qazaqstan oblystary jáne Almaty qalasy baılanys arqyly qosyldy.

Óńirlerdegi sharalarǵa qazaqstandyq juldyzdar, olımpıada chempıondary, belsendiler Olga Rypakova, Birjan Jaqypov, Mersıeva Dıana, Ádilbek Nııazymbetov, Musaev Islam, «All Davaı» toby, Aıdana Jumaǵulova, Murat Mutyrǵanov, Ermahan Ibraıymov, Mádına Sádýaqasova, Týral Everest, Turar Rahymberlın qatysty.

27 aqpanda Táýelsizdiginiń 55 jyldyǵyn merekeleý qarsańynda Kýveıt Memleketiniń elshiligi Astanada Rıksos - Astana qonaqúıinde saltanatty qabyldaý ótkizdi, olar qonaq retinde dıplomatııalyq korpýs ókilderi, kórnekti qazaqstandyq saıasat, ekonomıka, qoǵam qaıratkerlerin, jergilikti qoǵamdyq uıymdar, kompanııalar, BAQ ókilderin, onyń ishinde qurmetti qonaq - QR Qarjy mınıstrliginiń jaýapty hatshysy, mártebeli hanym Natalıa Korjovany qabyldady.

Qazaqstan Respýblıkasyndaǵy Kýveıt Memleketi isterinde ýaqytsha senimdi tulǵa Halıd Al-Ýazzan myrza qonaqtar aldynda kirispe sóz sóıledi. Ol Kýveıttiń qalyptasý tarıhy jaıly, ekonomıkalyq damý kózderi men túrli elderdegi kóptegen syrtqy ınvestıtsııalary týraly qysqasha aıtyp ótti. Sondaı-aq qurmetti Halıd Al-Ýazzan myrza álemniń kóptegen eline, onyń ishinde Sırııa halqyna kórsetken gýmanıtarlyq jumystary men kómekterinde el men onyń basshylyǵynyń jetekshilik rólin erekshe atap ótti. Sonymen birge, 1997 jyly Qazaqstan Prezıdenti N. Nazarbaevtyń Kýveıt Memleketine saparyna erekshe toqtalyp ótip, qazaqstandyq-kýveıttik qatynastardyń jaı-kúıi men perspektıvalaryna toqtaldy. Osyǵan oraı spıker Kýveıttiń QR Aýyl sharýashylyǵy mınıstrliginiń qazirgi ǵımaratyn salýǵa 10 mln dollar jáne Aral mańyn sýmen jabdyqtaý jobasynyń TEN ázirleýge 1,3 mln dollar bólý sııaqty túrli granttar retinde Qazaqstan ekonomıkasyna úlesin eske saldy.

QR Qarjy mınıstrliginiń jaýapty hatshysy, saýda-ekonomıkalyq yntymaqtastyq boıynsha qazaqstandyq-kýveıttik birlesken komıssııasynyń teń tóraǵasy Natalıa Korjova, óz kezeginde, Kýveıt memleketin erekshe merekesimen quttyqtap, 1997 jyly Kýveıt Memleketine resmı sapary ýaqytynda Qazaqstan men Kýveıt arasyndaǵy qatynastardy nyǵaıtýda Elbasynyń úlesin erekshe atap ótip, ekijaqty yntymaqtastyqtyń negizgi aspektileri týraly sóz etti.

Qabyldaý kezinde qonaqtar kýveıttik dámnen, merekelik torttan dám tatty, sondaı-aq kýveıt halqynyń dástúrli mýzykasyn tyńdady.

27 aqpan kúni elordada áıelder arasynda bokstan el chempıonaty óz máresine jetti. Jeńimpaz atanǵandar qatarynda Astanada ótken álem chempıonatynda el namysyn qorǵaǵan jáne Rıo Olımpıadasyna baratyn sportshylar da boldy.

Bul chempıonattyń kópten kútken jańalyǵy jańa salmaq sanatyna kóshken álem chempıony Nazym Qyzaıbaıdyń baıraqty básekede bas júldege qol jetkizý bolǵany anyq. Nazym 48 keliden Olımpıada oıyndary baǵdarlamasyna engizilgen 51 salmaqqa aýysqan bolatyn. Sol sátten beri onyń bapkerleri sportshynyń jańa salmaq sanatyna beıimdelip ketýine kúdikpen qaraǵan edi. Degenmen, chempıonattyń fınaldyq kezdesýinde elimizdiń taǵy bir myqty boksshysy Jaına Shekerbekovaǵa qarsy shyqqan Nazym óziniń babynda ekendigin dáleldeı aldy. Endigi ýaqytta N.Qyzaıbaı Olımpıadaǵa joldama alý úshin baryn salatyn bolady. Al Rıo joldamasy sarapqa salynatyn kelesi týrnır naýryz aıynda Qytaıda ótti.

Sonymen 2016 jyly áıelder bokstan Qazaqstan chempıonatynda jeńiske jetken sportshylar mynalar:

48 keli

I Alına Turlybaeva (Pavlodar oblysy)

II Alýa Balqybekova (Jambyl oblysy)

III Dınara Jamırova (Almaty oblysy)

III Áıgerim Qasenaeva (Astana)

51 keli

I Nazym Qyzaıbaı (Almaty)

II Jaına Shekerbekova (OQO)

III Balaýsa Muzdıman (Almaty oblysy)

III Sevara Tájiqulova (OQO)

54 keli

I Dına Jolaman (Aqmola oblysy)

II Rano Parhatova (Almaty)

III Aıaýlym Boranbaeva (Astana)

III Gúljan Ákimova (Almaty)

57 keli

I Sanııa Sultanqyzy (Astana)

II Oksana Koroleva (Qaraǵandy oblysy)

III Aıagóz Áben (Astana)

III Dámetken Kelimbet (Qyzylorda oblysy)

60 keli

I Nazym Işanova (Atyraý oblysy)

II Rımma Volosenko (Astana)

III Zarına Tsoloeva (Aqmola oblysy)

III Fırýza Sharıpova (Jambyl oblysy)

64 keli

I Madına Nurshaeva (OQO)

II Álııa Ábdiraıymova (Astana)

III Aıda Satybaldınova (Astana)

III Ámına Amanqul (Jambyl oblysy)

69 keli

I Valentına Halzova (Astana)

II Zýra Qusaıynova (Pavlodar oblysy)

III Ekaterına Bratýhına (Qaraǵandy oblysy)

III Lıýbov Hasıeva (OQO)

75 keli

I Darıǵa Shakımova (Almaty)

II Farıza Sholtaı (Jambyl oblysy)

III Anastasııa Rylına (Qostanaı oblysy)

III Anastasııa Zaıkına (OQO)

81 keli

I ıÝldýz Mamatqulova (Jambyl oblysy)

II Móldir Bazarbaeva (Aqmola oblysy)

III Mereke Júnisova (Astana)

III Aqbota Isaǵulova (Qaraǵandy oblysy)

+81 keli

I Lıazzat Kúngeıbaeva (Astana)

II Ýmıda Sadyqova (Almaty oblysy)

III Toǵjan Syzdyqova (Almaty)

III Meńsulý Rysova (Aqtóbe oblysy).

28 aqpanda Astanada Qazaqstannyń 25 jyldyǵyna arnalǵan «Qazaqstan - Uly dala eli» fotokórmesi ashyldy. Shara Astana qalasynyń mádenıet, muraǵattar jáne qujattama basqarmasynyń uıymdastyrýymen Táýelsizdik saraıynda ótken bolatyn.

Fotokórmege Astana men Shyǵys Qazaqstan oblysy fotograftarynyń qyryqqa jýyq eńbegi qoıyldy. Onda elimizdiń kórikti jerleri beınelengen. Barlyq týyndylar shyǵarmashylyqpen jáne kreatıvtilikpen oryndalǵan.

Qazaq dalasynyń tabıǵaty men keńdiginen shabyt alǵan qazaqstandyq fotograftar erekshe peızajdardy fotoǵa túsirip, kórermender nazaryna usyndy. Kórmede A. Baısydyqov, G. Kýprııanov jáne S. Aıazbaı syndy fotograftardyń Qazaqstan boıynsha túsirgen erekshe kadrlary qoıylǵan edi.

29 aqpan kúni 11 jasar Arýjan erligi úshin marapattaldy.

«Qazmedıa ortalyǵynyń» Kontsert zalynda 8 naýryz Halyqaralyq áıelder kúnine arnalǵan saltanatty is-shara kezinde ІІM TJ komıtetiniń ókilderi 11 jastaǵy Arýjandy marapattady.

11 aqpanda Qyzylorda qalasynda oryn alǵan órt kezinde batyl qyz Arýjan óziniń eki inisi men kishi sińlisin aman alyp qalǵan.

Jasyna qaramastan, ol baýyrlaryna tereze arqyly shyǵýǵa kómektesip, eresekterdi kómekke shaqyrdy.

Batyr qyz tótenshe jaǵdaıda adam ómirin saqtap qalýda kórsetken erligi men janqııarlyǵy úshin QR Іshki ister mınıstrliginiń buıryǵymen «Tótenshe jaǵdaıdaǵy erligi úshin» tós belgisimen marapattaldy.

Arýjanǵa marapatty QR ІІM Tótenshe jaǵdaılar komıtetiniń Tótenshe jaǵdaılardy joıý basqarmasy bastyǵynyń orynbasary polkovnık A.D. Jumanov saltanatty túrde tapsyrdy.

Sondaı-aq, kesh barysynda eldiń damýyna ózindik úlesterin qosqan áıelderge túrli atalymdarda syılyqtar tabys etildi.

29 aqpanda «Birlik» partııasynyń músheleri men Astana qalasynyń kásipkerleri birlesken kezdesý ótkizdi.

Talqylaý taqyrybynyń ózegi álemdik qarjy daǵdarysy jaǵdaıynda Qazaqstandaǵy ekonomıka men bıznesti damytý máseleleri boldy.

Daǵdarys qaýip-qaterlermen qosa, sapaly oń ózgerister úshin de qolaıly múmkindik týǵyzatyny atap ótildi. Naryqtyq ekonomıkanyń oıdaǵydaı damýy úshin Qazaqstanda saıası jańǵyrtýdy jalǵastyra berý kerek degen máselede qatysýshylardyń pikirleri bir jerden shyqty. Aldaǵy parlamenttik saılaý - osy joldaǵy mańyzdy qadam. «Birlik» partııasynyń ókilderi aıtqandaı: «ózeginde básekege qabiletti bastaý jatqan shıraq ári tabandy parlament sheneýnikterdiń ekonomıkalyq jobalardy jobalap, iske asyrý kezinde úlken jaýapkershilikke qol jetkizýine kómektesedi».

Sonymen qatar jeke bıznestiń múddelerine nuqsan keltirmeı, ony qosymsha áleýmettik tólemder, salyqtar jáne alymdar arqyly aýyrtpalyq salmaı, áleýmettik baǵdarly memleketti qalaı qurý qajet degen taqyryp kezdesýdiń ózekti taqyrybyna aınaldy.

29 aqpanda «Aq jol» partııasynyń úgit-nasıhat sharalarynyń aıasynda partııa tóraǵasy Azat Perýashev elordadaǵy Qazaq tehnologııa jáne bıznes ýnıversıtetiniń stýdentterimen kezdesti. Ýnıversıtettiń ustazdary da qatysqan jıynǵa Parlament Májilisi depýtattyǵyna úmitkerler - Maqsat Ramanqulov, Qaıyrbek Kemeńger, Áset Atabaev jáne «Aq jol» partııasynyń qalalyq fılıalynyń basshylyǵy qatysty.

A.Perýashev stýdenttermen ashyq pikir almasý úshin baıandamasyn barynsha qysqartyp, stýdentterdiń suraqtaryna jaýap berip, pikirlerin tyńdaý úshin kóp ýaqyt bóldi.

«Bilim salasynyń mindeti - stýdentke dıplom berý ǵana emes. Dıplom degenimiz ne? - Ol jaı ǵana qaǵaz. Sondyqtan, jastarymyzdyń sapaly, zamanǵa saı bilim alýyna jaǵdaı jasaýymyz kerek», - deıdi A.Perýashev.

29 aqpan. QR Táýelsizdiginiń 25 jyldyǵyna oraı «Aýyldyń órkendeýi - Qazaqstannyń órkendeýi» aktsııasy aıasynda «Dýman» oıyn-saýyq ortalyǵy aldynda (avtoturaq) aýyl sharýashylyq jármeńkesi ótti.

Jármeńkede Astana qalasynyń jáne Aqmola oblysynyń jaqyn aýdan taýar óndirýshileri men jetkizýshileri óz ónimderin usyndy. Negizgi azyq-túlik ónimderiniń túr-túri, atap aıtqanda kartop, pııaz jáne kókónisterdiń basqa túrleri, sonymen qatar qyshqyl sút ónimderi, kondıterlik jáne makaron ónimderi satyldy.

Jármeńkede usynylǵan taýarlardyń baǵasy qalalyq bazarlardaǵy bólshek saýda baǵalarynan tómen boldy.

29 aqpan kúni, elordada bilim salasyna qatysty jaqsy jańalyq oryn aldy. Memlekettik tildi damytý qory Astanadaǵy mektep kitaphanasyna 300-ge jýyq kitap syılady.

Alǵys aıtý kúni qarsańynda Memlekettik tildi damytý qory Astana qalasynyń №48 mektep-lıtseıinde aktsııa ótkizip, mektep kitaphanasyna 300-ge jýyq qazaq tilindegi ádebı shyǵarmalar men sózdikterdi tartý etti.

Sharanyń maqsaty - óskeleń urpaqtyń memlekettik tildi úırenýge, tarıh pen mádenıetti bilýge degen qyzyǵýshylyǵyn arttyrý, olardy qazaqstandyq otansúıgishtikke tárbıeleý, qazaq ádebı tilin úırenýge baýlý jáne balalardyń shyǵarmashylyq qabiletin arttyrý.

Sondaı-aq, mektep oqýshylary qordyń qyzmeti jáne jobalarymen tanysty. Olar: qazaq tilin onlaın rejıminde úıretetin Soyle.kz portaly, onyń Soyle mobıldik qosymshasy, balalarǵa arnalǵan Bala.soyle.kz saıty, Abaialemi.kz onlaın-entsıklopedııasy, Tattialma.kz atty qazaq tilindegi balalar ádebıeti saıty, «Meniń Qazaqstanym» mobıldi qosymshasy, UBT-ǵa daıyndalýǵa bolatyn qazaq jáne orys tilderindegi «Kim bilgish» mobıldi oıyny.

Osyǵan uqsas shara 1 naýryzda ótti. QR Ulttyq mýzeıinde 1 naýryzda Alǵys aıtý kúnine oraı, «Mýzeı kitaphanasyna kitap syıy» aktsııasy ótti.

Aktsııa Ulttyq mýzeıdiń Ǵylymı kitaphanasyna turaqty qoldaný úshin tarıh, arheologııa, etnografııa, mádenıettaný, qalpyna keltirý, mýzeıtaný jáne basqa baǵyttar boıynsha kitaptar, maqalalar jınaǵy, konferentsııa materıaldary, monografııalardy tabystaýǵa shaqyrdy.

Aktsııaǵa qatysýshy ár bir eriktiniń belsendiligi mýzeıdiń aǵartýshylyq, ǵylymı-zertteý, bilim berý qyzmetine qosqan úlesi bolyp sanalady. Osy ýaqytqa deıin tapsyrylǵan barlyq eńbekter mýzeıdiń Ǵylymı kitaphanasynda saqtalady.

Aıta keteıik, QR Prezıdenti N.Á.Nazarbaevtyń 2016 jylǵy 14 qańtarynda bekitken №173 Jarlyǵyna sáıkes 1 naýryz - Alǵys aıtý kúni bolyp jarııalandy. Elimizde alǵash ret toılanǵaly otyrǵan atalmysh mereke ulttar tatýlyǵyn bekemdep, turaqtylyqty nyǵaıtýǵa negizdelgen.

Sonymen qatar QR Ulttyq mýzeıinde naýryzdyń 1-inde Alǵys aıtý kúni merekesine oraı «Bir shańyraq astynda» atty Qazaqstan halqy festıvali ótti.

Іs-shara barysynda etno-mádenı dástúrde jasalǵan balalar shyǵarmashylyǵy ortalyqtary men mektep oqýshylarynyń qolóner jumystarynyń jármeńkesi uıymdastyryldy.

Sonymen qatar, atalǵan festıval aıasynda Astana qalasynyń orta jáne mýzykalyq mektepteriniń oqýshylary merekelik kontsert usyndy.

Aıta keteıik, QR Prezıdenti N.Á.Nazarbaevtyń 2016 jylǵy 14 qańtarynda bekitken №173 Jarlyǵyna sáıkes 1 naýryz - Alǵys aıtý kúni bolyp jarııalandy. Elimizde alǵash ret toılanǵaly otyrǵan bul mereke ulttar tatýlyǵyn bekemdep, el birligin saqtaý maqsatynda júzege asyrylǵan.

1 naýryzdan bastap, Astana-Şýchınsk aqyly avtojolynda tólem qabyldaý beketterindegi barlyq operatorlar mobıldi kassalyq apparattarmen jabdyqtalyp, júrgizýshilerden qolma-qol tólem qabyldaı bastady.

Tólem qabyldanǵannan keıin kólik toqtamastan ótýi úshin arnaıy jolaqqa baǵyttalady. Ol úshin paıdalanýshy operatorǵa óz kóliginiń memlekettik nómirin aıtyp, beketten bir ret nemese birneshe márte ótýge qajetti tólemdi jasaıdy.

Mamandardyń sózine qaraǵanda, jańa ádis qalaǵa baǵyt alǵan kólikter tólem qabyldaý beketterinde kóptep jınalǵan kezde avtokólikter sanyn azaıtýǵa múmkindik beredi.

Esterińizge sala keteıik, ótken jyldan beri aqyly jolda «Kassa 24» jáne«QIWI» tólem termınaldary arqyly aldyn ala tólem júıesi iske qosylǵan bolatyn. Endi beketterde kezekte turmas úshin sapar aldynda júrgizýshiler kóliktiń memlekettik nómiri boıynsha atalǵan termınaldar men «Mobıldi kassır» qyzmeti kómegimen aldyn ala balansty toltyra alady.

1 naýryzda elordada túrli etnostardan shyqqan Astana sýretshileri «Alǵys aıtý» kúnine oraı Qazaqstanǵa arnaǵan týyndylaryn ekspress-kórmege qoıdy.

«Alǵys aıtý» kúnine jáne QR Táýelsizdiginiń 25 jyldyǵyna oraı ótkizilgen kórme «Astana» Ulttyq sýret galereıasynda ashyldy. Sonymen qatar osynda «Birlik túbi - bereke» atty Astana qalasynyń sýretshileri jáne stýdentterdiń qatysýymen dóńgelek ústel ótti.

Týyndylardyń taqyryby ár túrli, qoldanǵan janrlarda san alýan: portretter, natıýrmort, músinder. Sýret óneriniń klassıkadan bastap, qazirgi zamanǵa deıingi tehnıkalary qoldanylǵan. Munda belgili bir kontseptsııa joq, ár sýretshi ózin erkin taqyrypta kórsetýge tyrysqan.

Aıta keteıik, bıyl 1 naýryzda Qazaqstan halqy alǵash ret «Alǵys aıtý» kúnin merekeledi.

2 naýryz kúni elordada Búkilálemdik azamattyq qorǵanys kúnine arnalǵan sharalar ótti.

Astanada Búkilálemdik azamattyq qorǵanys kúnine oraı ashyq esik kúni uıymdastyryldy. Qalalyq Ortalyq óńirlik aeromobıldi jedel qutqarý otrıadynyń qyzmetkerleri «Almaty», «Saryarqa», «Esil» aýdandary TJ bólimderimen birge № 19, 59, 60, 66, 73 mektep oqýshylary úshin ashyq esik kúnin ótkizdi.

Qutqarýshylar balalardy Azamattyq qorǵaýdyń Halyqaralyq mekemesiniń tarıhymen tanystyryp, Qazaqstandaǵy TJ qyzmetteriniń qurylýy jaıynda aıtty.

Sonymen qatar, ekskýrsııa sheńberinde oqýshylarǵa qutqarý tehnıkasy men qurylǵylary kórsetilip, olardy qoldaný aıasy jaıynda túsinik berildi. Balalar súńgýirshiniń sýǵa súńgýin, jedel kólikterge minip kórip, kınalogtardyń ıtterimen tanysty. Ekskýrsııa balalar úshin óte qyzyqty ótti. Olar qyzyqtyrǵan suraqtaryn qoıyp otyrdy. Іs-shara aıaqtalǵan soń, qonaqtar qutqarýshylarǵa qyzyqty is-shara úshin alǵystaryn bildirip, merekelerimen quttyqtady.

3 naýryzda QR Ulttyq mýzeıinde japon sýretshileriniń «Bes sýretshi - bes qubylys: dástúrler men jańashyldyq» kórmesi ashyldy.

Kórmede Mııata Reheı, Mıtamýra Arısýma, Saıto Norıhıko, Mızogýchı Bokýdo, Kavachı Kýnpeı sekildi sýretshilerdiń japon ultynyń bolmys-bitiminen habar beretin shyǵarmashylyq jumystary kópshilik nazaryna usynyldy.

Atap aıtsaq, nıhong sýretteri, japon kallıgrafııasy, týshpen salynǵan sýretter, shaǵyn músinder men laktalǵan týyndylar, bas-aıaǵy 37 jumys qamtylǵan. Osy týyndylar arqyly japon mádenıetinde erekshe oryn alatyn jer, sý, ot, aǵash jáne metaldyń qupııa mánderi tanystyryldy.

3 naýryzda Astana qalasynyń Jumyspen qamtý ortalyǵynda turǵyndarǵa arnalǵan bos oryndar jármeńkesi ótti. Shara barysynda 25-ke tarta jumys berýshi eki myńǵa jýyq jumys ornyn usyndy.

Bul - 2016 jyly birinshi márte ótkizilip otyrǵan bos jumys oryndar jármeńkesi. Onda «Tselıngıdromash» ÓK, «2Day Telecom» JShS, «PIK «ıÝtarııa LTD» JShS, «Monolıt» JShS, «SMEÝ Astana» JShS, «Rixos President Astana» qonaq úıi, «Tsesnabank» AQ, «Alma TV» JShS, «Astana-Zelenstroı» AQ, «Astana-Teplotranzıt» AQ, «Uniserv» JShS, QR ІІM Astana qalasynyń «Mamandandyrylǵan kúzet qyzmeti basqarmasy» jáne t.b. uıymdar bos jumys oryndaryn usyndy.

3 naýryzda qazirgi zamannyń eń úzdik japon sýretshileri ózderiniń týyndylaryn qazaqstandyq jurtshylyqtyń nazaryna usyndy. Astanadaǵy «Bes sýretshi - bes element: dástúr jáne ınnovatsııa» atty kórme QR Ulttyq mýzeıinde naýryzdyń sońyna deıin jalǵasty.

Kórmege ákelingen 35 týyndy japondardyń dástúrli «nıhonga» atty keskindeme ónerindegi, sonymen qatar «ýrýshı» sııa keskindemesi men shaǵyn nysandar músini ónerindegi qazirgi zamanǵy sýretshilerdiń jańasha maqamyn kóre aldy.

Japonııanyń eń úzdik bes sýretshisi osyndaı kórmeni alǵash ret uıymdastyrǵan bolatyn. Túrli tehnıkalarǵa qaramastan, beseýiniń de óneri óz elderiniń tereń tarıhymen astarlasyp jatyr.

Ekspozıtsııada Mızogýchı Bokýdonyń týyndylarymen qatar, ýrýshı ónerin atadan balaǵa qaldyryp kele jatqan dástúrli sýret óneriniń shyraqshylary áýletiniń urpaǵy Mıtamýra Arısýmanyń, músinshi, Tokıonyń óner ýnıversıtetiniń rektory Mııata Reheıdiń, Mádenıet ýnıversıtetiniń professory Daıto Kavachı Kýnpeı men nıhonga sýret óneriniń ókili Saıto Norıhıkonyń kartınalary men músinderi usynyldy.

Ýrýshı termıni - aǵash degen sózden shyqqan. Ýrýshı aǵashynyń sóli («lak» oryssha) qarý-jaraq, dýlyǵa, ydys-aıaq, sandyqshalar men sháı saltanatyna qajetti keselerdi árleý óndirisinde qoldanylǵan.

3 naýryzda Astanada «Kóktem-2016» respýblıkalyq komandalyq-shtabtyq oqý-jattyǵýlary ótti.

Astana qalasy TJ departamenti respýblıkalyq komandalyq-shtabtyq oqý-jattyǵýlaryn kóktemgi sý tasqynyna daıyndyq sheńberinde ótkizdi.

Oqý-jattyǵýlar Astana qalasynyń Jeleznodorojnyı kentinde ótti. Atalmysh oqý-jattyǵýlardyń Ortalyq respýblıkalyq shtaby Aqmola oblysynda ornalasqan.

Praktıkalyq jattyǵýlar «Jaǵalaý» shaǵyn aýdanynda №81 mektep-gımnazııasy aýmaǵynda uıymdastyryldy. Shara barysynda TJ departamentinde aýdan ákimderiniń ókilderimen, Astana qalasy TJ jáne AQ qyzmetteriniń basshylarymen uıymdastyrýshylyq tapsyrmalar, daıyndyq josparyn talqylaý boıynsha keńester ótkizildi.

Oqý-jattyǵýlardy ótkizý barysynda jedel áreket etetin avarııalyq-qutqarý jasaqtarynyń, Astana qalasy AQ qyzmetteriniń, TJD, ІІD bólimsheleriniń, QR Ulttyq gvardııasynyń 5573 áskerı bóliminiń daıyndyǵy qaraldy.

«Kóktem-2016» respýblıkalyq komandalyq-shtabtyq oqý-jattyǵýlary naqty sý tasqyny bolǵan qala qyzmetterimen jedel is-áreketti naqyshtaý jáne opat bolý men zardap shyǵyndaryn boldyrmaý maqsatynda ótkiziledi. 2016 jyly sharaǵa jeke quramnan 114 adam men 34 tehnıka birligi jumyldyryldy.

4 naýryz kúni QR Ulttyq mýzeıinde Halyqaralyq áıelder kúni merekesine oraı «Meniń anam» balalar kórkemsýret kórmesi ashyldy. Mýzeıdiń pedagogıka jáne balalar shyǵarmashylyǵy bóliminiń estetıkalyq tárbıe berý sektory uıymdastyryp jatqan sharanyń basty maqsaty balalardyń shyǵarmashylyq jumys nátıjelerin kórsetý jáne jasóspirimderdiń estetıkalyq tárbıesin qalyptastyrý.

«Sheber» stýdııasynyń «Keskindeme jáne grafıka» úıirmesi 2015 jyldyń maýsymynda jumys isteı bastady. Úıirmede QR sýretshiler Odaǵynyń múshesi Muhtar Baıbosynov dáris berdi.

Aıta keteıik, jarty jyl ishinde balalardyń jumystary Rotarı qaıyrymdylyq qory uıymdastyrǵan «Astana Art Festival» baıqaýynyń arnaıy sertıfıkattaryn jeńip aldy.

4 naýryzda Halyqaralyq áıelder kúni qarsańynda elordadaǵy №72 orta mektepte «Almaty» aýdanynyń kóp balaly analaryna «Altyn alqa» jáne «Kúmis alqa» tabystaldy.

«Almaty» aýdanynyń ákimi Ermaǵanbet Bólekpaev áıelderdi kele jatqan merekemen quttyqtap, olarǵa jáne balalaryna densaýlyq, baqyt pen bar jaqsylyqty tiledi.

Kóp balaly 21 ana marapattarǵa ıe boldy. Saltanatty shara barysynda jeti baladan artyq tárbıelep otyrǵan beseýine «Altyn alqa» tabystaldy. Al 16 ana kúmis alqa aldy.

5 naýryz kúni Astanada shańyraq quryp jatqan jastarǵa «Birlik» partııasynyń músheleri erekshe syı jasady.

Atap aıtqanda, partııa ókilderi «Baqyt» neke saraıyna neke qııý rásimen kelgen Edilhan Narynbaev pen Perızat Rysmaǵambetova esimdi jas jubaılardy quttyqtaýǵa kelip, aq tilekterin bildirdi. Óz kezeginde jastar ózderiniń qýanyshtarymen bólisýge kelgen partııa ókilderine alǵystaryn bildirdi.

«Birlik» partııasynyń tóraǵasy Serik Sultanǵalıevtiń aıtýynsha, partııa tarapy arnaıy bekitilgen baǵdarlama aıasynda elimizdegi jastardy qoldaý negizdelgen sharalardy júzege asyryldy.

5 naýryz kúni Astanada tek qana otandyq taýar óndirýshilerdiń azyq-túlik ónimderin satatyn alǵashqy dúken ashyldy. Bul kileń otandyq azyq ónimderin satatyn elordadaǵy ǵana emes Qazaqstandaǵy tuńǵysh dúken.

Qazaqstan saýda kásiporyndary qaýymdastyǵynyń vıtse-prezıdenti Jibek Ájibaevanyń aıtýynsha, dúkendegi azyq túlik taýarlarynyń ústeme baǵasy 15 paıyzdan aspaıdy. Al «Halyq markasy» jobasynyń jetekshisi Rımma Tájibaevanyń sózine qaraǵanda, dúkennen elimizdiń barlyq oblystarynyń azyq-túlik taýarlaryn tabýǵa bolady. «Dúkennen Qazaqstannyń barlyq aýmaqtarynan, Ońtústik Qazaqstannan bastap Mańǵystaýǵa deıingi barlyq óńirlerinen ákelingen azyq túrleri bar. Úsh júzden astam otandyq taýar brendteriniń 2 myńnan astam atalymy qoıylǵan. Tutastaı alǵanda, bular árbir óńirde halyqtyń arasynda tanymal bolǵan súıikti taýar markalary. Qazaqstandaǵy birinshi dúken Astanada ashylǵandyqtan «Astana Halyq markasy» dep atalyp otyr.

Aıta keteıik, tuńǵysh otandyq azyq-túlik dúkeni Astana qalasynda Qoshqarbaev kóshesinde (Qoshqarbaev kóshesi 41) ornalasqan.

5 naýryzda Qazaqstan Respýblıkasy Ulttyq mýzeıinde 8 naýryz Halyqaralyq áıelder merekesine arnalǵan «Shyn júrekten» atty merekelik is-shara ótti.

Ulttyq mýzeı dırektorynyń mindetin atqarýshy Jáken Taımaǵambetov ár salada úzdik dep tanylǵan áıel azamattardy quttyqtap, shyǵarmashylyq jumystaryna úlken tabystar tiledi.

Saltanatty sharada 30 jyldan astam ýaqyt mýzeı salasynda qyzmet atqaryp kele jatqan Tursynkúl Jaılaýbaeva, 40 jyl mýzeı salasynda qyzmet etken Saǵymjan Sadýaqasova, Ulttyq mýzeı dırektorynyń orynbasary Jazıra Kúlbaeva, «ıÝnýs Emre» atyndaǵy túrik mádenı ortalyǵynyń dırektory mindetin atqarýshy, f.ǵ.d., professor Almagúl Isına, «Altyn alqa» ıegerleri Uldanaı Álimbaeva, Baqyt Kúzembaeva sekildi eńbegimen elge tanylǵan jáne otbasylarynyń mereıin asyryp júrgen áıelder qaýymyna QR Ulttyq mýzeı dırektory Darhan Myńbaıdyń atynan alǵys hattar tabystaldy.

Merekelik dóńgelek ústelden keıin arnaıy kontserttik baǵdarlama usynyldy. Otandyq ánshilermen qatar Ulttyq mýzeıde qyzmet etip júrgen er azamattar óz ónerlerin kórsetti.

«Áziret Sultan» meshiti 5 naýryz kúni Astana qalasyndaǵy Qarttar úıinde «Anań seniń-jumaǵyń» atty qaıyrymdylyq sharasyn ótkizdi.

Bul shara aıasynda Qarttar úıindegi 310 janǵa arnaıy syılyqtar úlestirildi. Sondaı-aq, qamkóńil qarttarymyzǵa merekelik kóńil-kúı syılaý maqsatynda arnaıy kontserttik baǵdarlama ótkizildi.

Oǵan elimizge belgili Qaraqat pen Qydyráli, Ibragım Eskendir, Dosymjan Tańatarov, Erlan Kókeev syndy ánshiler qatysty. Sondaı-aq, «Taǵylym tamshylary» balalar teatry sahnalyq qoıylymdar kórsetti.

5 naýryzda Memleket basshysy Nursultan Nazarbaev «Makdonalds» korporatsııasynyń Qazaqstandaǵy alǵashqy kásiporny jumysymen tanysyp, eńbek ujymymen áńgimelesti.

Meıramhana aýdany 863 sharshy metr aýmaqty alyp jatyr, kelýshiler úshin otyrýǵa laıyqtalǵan 206 oryn bar. Ony bezendirýge jańa tujyrymdarǵa negizdelgen dızaındar, sondaı-aq kelýshilerge qyzmet kórsetýdegi eń zamanaýı júıeleri qoldanylǵan.

«Makdonaldstyń» Qazaqstandaǵy meıramhanalaryna azyq-túlik synnan ótken ónim jetkizýshilerden keletin bolady. Sonymen birge jergilikti óndirýshiler bazasyn damytý jumystary jalǵasýda.

Aıta keteıik, «Makdonalds» - qoǵamdyq tamaqtaný jáne jyldam qyzmet kórsetý salasyndaǵy álemdik kóshbasshynyń biri. Álemniń 120 elinde kompanııanyń 36 myń kásiporny kelýshilerge qyzmet kórsetedi.

6 naýryzda Astana qalasynyń ákimi Ádilbek Jaqsybekov áıelderdi tól merekelerimen quttyqtady.

«Kóktemniń shýaqty sáti analarymyz ben arýlarymyzdyń meıramynan bastaý alady. Іzgi nıet pen sulýlyqqa, syrbaz sezim men syılastyqqa toly osy kún jan-dúnıeni jadyratyp, júrekterge jylý beredi. Áıel baqyty - jar súıý, ana bolý, elge tutqa, urpaqqa pana bolý.

Bir qolymen besikti, ekinshi qolymen álemdi terbegen analar qaýymy el erteńine nár, tirshilikke ár beretin aıryqsha kúshke ıe. Sizderdi merekelerińizben quttyqtaı otyryp, zor densaýlyq, otbasylaryńyzǵa baq-bereke, eńbekterińizge tabys tileımin! Árdaıym jadyrap, gúldeı qulpyryp júre bergeısizder!»,- dedi ol sol quttyqtaýda.

6 naýryzda «Birlik» partııasy «Otanym meniń-Moıa strana» atty sýret baıqaýynyń bastalǵany týraly jarııalady.

Bul baıqaýdyń maqsaty óz eline degen patrıottyq sezim men súıispenshilikti nasıhattaýǵa negizdelgen.

7 naýryzda Astanada kanadalyq hokkeı keshi ótti.

Qazaqstan Respýblıkasyndaǵy Kanada Elshiligi QR shaıbaly hokkeı federatsııasynyń qoldaýymen "Barys Arena" muz aıdyny saraıynda kanadalyq hokkeı keshin ótkizdi.

Onda "Kanada-Qazaqstan" kýbogi úshin eki eldiń quramalary kúsh synasqan bolatyn. Bul match 2012 jyldan beri uıymdastyrylyp, ıgi dástúrge aınaldy. Ol ekijaqty qarym-qatynasty nyǵaıtýǵa septesedi, dep otyr uıymdastyrýshylar. Kanada komandasyn Qazaqstandaǵy Kanadanyń Tótenshe jáne Ókiletti Elshisi Shon Perrı Staıl basqardy. Jarys barysynda qaıyrymdylyq lotereıasy oınatyldy. Basty syılyq NAFA aýktsıonynyń (markasynyń) kanadalyq qarakúzen tony (quny 5500 AQSh dollary) boldy.

Ekinshi syılyq - Bauer sporttyq kompanııasynyń hokkeıshiniń kıim-keshegi, úshinshi - kanadalyq stıldegi hokkeı kúrtesi. Lotereıadan jınalǵan qarajat Qazaqstandaǵy áýesqoı hokkeıdiń damýyna baǵyttaldy.

Astanada 8 naýryz qarsańynda merekelik kontsertter ótti.

Atap aıtqanda, «Astana Opera» teatrynyń Úlken zalynda «Mahabbat áni» atty Halyqaralyq áıelder kúnine arnalǵan merekelik kontsert ótti.

Teatrdyń opera solısteri, hory men orkestri álemdik opera klassıkasynan eń jarqyn da qushtarlyqqa toly lırıkalyq ári júrekten túrli oı salar arııalardy, sonymen qatar qazaq, orys, neapolıtandyq ánder men romanstardy oryndaıdy. Kontsertke balet ártisteri de qatysty.

Súıkimdi jandarǵa mahabbat sezimi: J. Bızeniń «Karmen» operasynan Eskamılo shýmaqtary, S. Gastoldonıdiń «Tyıym salynǵan áýeni», J. Massneniń «Sevılıanasy», M. Tólebaevtiń «Birjan - Sara» operasynan Birjan men Saranyń jáne L. Delıbtiń «Lakme» operasynan Lakme men Malıkanyń dýetteri, sonymen qatar F. Legardyń «Kúlki álemi» operettasynan Sý-Chongtyń arııasy, S. Smırnovtyń «Besik jyry», Estaıdyń «Qusnı Qorlan», M. Erjanovtyń «Qýanamyn» ánderi arqyly bildiriledi.

V.A. Motsarttyń «Sıqyrly fleıta» operasynan Papageno men Papagenanyń ázilqoı dýeti, Dj. Verdıdiń «Rıgoletto» operasynan Gertsogtyń áıgili áni, kóktem ánderine jáne neapolıtandyq - «Tarantella», «Marıtanna», «Skajıte devýshkı», «Gordaıa prelest osankı», «Vlıýblennyı soldat» ánderine jasalynǵan popýrrıler kórermenderdiń kóńil-kúıin ábden kóterdi.

Kesh baǵdarlamasyn balet ártisteri de óz sheberligimen áserlendire tústi. Olardyń oryndaýyndaǵy «Baıaderka» baletinen Úndi bıi, Dj. Vılıamstyń «Joǵalǵan jumaǵy» sııaqty nómirler kórermenderdi shattyqqa bóledi.

6 naýryzda «Astana Opera» teatrynda A. Jubanov pen L. Hamıdıdiń «Abaı» operasy, «Jastar» saraıynda Máskeý operetta teatrynyń oryndaýyndaǵy «Bryzgı shampanskogo» mıýzıkli kópshilik nazaryna usynyldy, al M. Gorkıı atyndaǵy Memlekettik akademııalyq orys drama teatry «Qar patshaıymy» ertegisin kórsetti.

7 naýryzda merekelik is-sharalar aıasynda «Jastar» saraıynda JasArt balalar estrada teatrynyń tanystyrylymy ótti.

Halyqaralyq áıelder kúni Kongress-hollda «Kóktem shaqyrady» atty kontsert ótedi. Bul kúni M. Gorkıı atyndaǵy Memlekettik akademııalyq orys drama teatrynda «Smeshannye chývstva» melodramasyn jáne Qýyrshaq teatrynda «Sý perisi» ertegisin tamashalady.

8 naýryzda «Astana Opera» teatrynyń Úlken zalynda Halyqaralyq áıelder kúnine arnalǵan «Ǵashyqtyq sezimin bildirý» atty romantıkalyq merekelik kontserti ótti.

Sımfonııalyq orkestrdiń sheber mýzykanttary, erekshe hor quramy, balalar stýdııasynyń jas ártisteri, opera jáne balet óneriniń úzdik sheberleri elordanyń sahnasynan arýlarǵa degen yqylasty sazben jetkizdi.

Kórermenderdi ataqty tenor, Qazaqstannyń eńbek sińirgen qaıratkeri, Tatarstannyń eńbek sińirgen ártisi Nurlan Bekmuhambetov, sonymen qatar teatrymyzdyń opera juldyzdary: Armenııanyń halyq ártisi Barseg Týmanıan, Qazaqstannyń eńbek sińirgen qaıratkerleri: Talǵat Musabaev, Janat Shybyqbaev, Jámılá Jarqymbaeva, halyqaralyq baıqaýlardyń laýreattary: Saltanat Muratbekova, Beıimbet Tańaryqov, Bolat Esimhanov, Narul Toıkenov, Galına Cheplakova, Roza Nurkeı, Ásem Sembına, Elena Ganja, Qazbek Dosmuhambetov, Mádına Islamova sııaqty ártisterimiz ónerlerimen tańqaldyrdy.

Tyńdaýshylardyń nazaryna opera klassıkasynyń kórnekti shyǵarmalary: L.Delıbtiń «Lakme» operasynan Lakme men Malıkanyń názik «Tsvetochnyı» dýeti, J. Bızeniń «Karmen» operasynan qyzý qandy toreador Eskamılonyń shýmaqtary, P. Chaıkovskııdiń «Iolanta» operasynan Robertonyń arııasy, R. Shtraýstyń «Serenada», S.Gastoldonıdiń «Tyıym salynǵan áýen», Estaıdyń «Qusnı-Qorlan», kópshilik súıip tyńdaıtyn halyq ánderi - «Aqbaqaı», «Vdol po Pıterskoı» jáne basqalary usynyldy.

Opera nómirleriniń kezegine ulttyq naqyshta daıyndalǵan balet óneri keledi: ulttyq naqyshtaǵy bıler, zamanaýı horeografııalyq nómirler, klassıkalyq balet jaýharlarynan sahnalyq kórinister qoıyldy.

8 naýryz kúni Qazaqstan fýtbolynyń jańa maýsymy bastaldy.

8 naýryzda «Astana Arena» stadıonynda byltyrǵy maýsymnyń jeńimpazy «Astana» men kýbok ıegeri almatylyq «Qaırat» arasynda Sýperkýbok oıyny ótti.

Oıyndy tikeleı «Qazaqstan» telearnasy kórsetken bolatyn. Oǵan ózbek referıi Ravshan Irmatov qazylyq etken.

9 naýryzda Astanada tez tamaqtanýǵa arnalǵan «Makdonalds» meıramhanasy ashyldy.

Astana ákimi Ádilbek Jaqsybekov Qazaqstandaǵy alǵashqy tez tamaqtanýǵa arnalǵan «Makdonalds» meıramhanasynyń ashylýyna qatysty. Bul oqıǵadan keıin belgili korporatsııa álemdik naryqta 120-shy orynǵa shyqty.

Elorda ákimi birinshi kezekte názik jandylardy Halyqaralyq áıelder kúnimen quttyqtady. Á. Jaqsybekov kásiporynnyń ashylýy qalaǵa jańa ınvestıtsııalar tartyp, jańa jumys oryndaryn qurǵanyn atap ótti. Astanada taǵy da bir álemge áıgili brendtiń ashylýy óńirdegi bıznes klımattyń qolaıly ekendiginiń belgisi, bul halyqaralyq ınvestorlar úshin jaqsy sıgnal bolmaq.

Saltanatty sharaǵa «Makdonalds» korporatsııasynyń prezıdenti jáne basqarý dırektory Stıv Isterbrýk ta qatysty. «Biz jergilikti mádenıettiń bir bólshegine aınalý jáne meıramhana bıznesin júrgizýdiń ozyq tájirıbesin Qazaqstanǵa úıretý úshin qolymyzdan kelgenniń bárin jasaımyz. Bul bizdiń brendtiń halyqaralyq damýyndaǵy mańyzdy qadam bolmaq», - dedi S. Isterbrýk.

«Makdonalds» qazaqstandyq franshızasynyń ıesi Q. Boranbaevtyń aıtýynsha, meıramhanalar jelisi jergilikti kadrlardy damytý perspektıvasyn beredi, sondaı-aq, qalalyq bıýdjetke turaqty salyq aýdarymdaryn jasaıdy. Aıta keteıik, Qazaqstanda meıramhanalar jelisin damytý kózdelgen - aldaǵy bes jylda 15-ke jýyq meıramhana ashylmaq.

Meıramhananyń jalpy aýdany 863 sharshy metr. Oryndar sany - 206. Kásiporynda 200 astam jumys orny quryldy. Qazaqstandyq meıramhanalarǵa ónimder maquldanǵan jetkizýshilerden ǵana alynady. Bolashaqta ony jergilikti azyq-túlikterden jasaý josparlanǵan. Qazirgi kezde jergilikti óndirýshilerdiń bazasyn damytý jumystary júrgizilýde.

Jeke menshikti balalar úıiniń tárbıelenýshileri meıramhanada birinshi bolyp dám tatty.

10 naýryzda elordalyq ýnıversıtetterde fýtzaldan Stýdenttik lıga oıyndary bastaldy. Stýdenttik lıganyń alǵashqy maýsymy 12 mamyrǵa deıin jalǵasty. Týrnır L.N. Gýmılev atyndaǵy Eýrazııa ulttyq ýnıversıtetiniń sportzalynda bastaý aldy, al aqtyq kezdesýlerdi Nazarbaev ýnıversıtetinde ótkizildi. Jarysqa «Astana» medıtsına ýnıversıtetiniń, Qazaq ekonomıka, qarjy jáne halyqaralyq saýda ýnıversıtetiniń, «Turan-Astana» ýnıversıtetiniń, Qarjy akademııasynyń komandalary, sondaı-aq, L.N. Gýmılev atyndaǵy Eýrazııa ulttyq ýnıversıteti men Nazarbaev ýnıversıtetinen eki-eki komandadan qatysty. Ár komandada 18 jýyq stýdent oınady.

10 naýryzda tanymal shokolate Nikolya-nyń biregeı jyljymaly shokolad mýzeıi alǵash ret Astanaǵa keldi. Ol kórmege arnap Qazaqstanǵa arnalǵan týyndylar toptamasyn daıyndap ákeldi.

Bul - kóne zergerlik buıymdar, sondaı-aq Qazaqstan aýmaǵynda turyp jatqan halyqtardyń bas kıimderi. Olardyń barlyǵy Almatyda qazaqstandyq shokoladtan jasalǵan. Túpnusqalary QR Ortalyq memlekettik murajaıynyń qorynda saqtalǵan.

Budan basqa, tanymal shokolate kishkentaı astanalyqtar úshin kádesyılar daıyndaýdan sheberlik sabaǵyn ótkizdi.

Atap óteıik, elorda - respýblıkamyzda «Nikolya shokolad murajaıy» kelip otyrǵan tórtinshi qala. Álemdik týr aıasynda avtorlyq kórme tórt eldiń 40-tan astam qalasyna, sonyń ishinde Almaty, Shymkent, Atyraýǵa baryp, 500 myńnan astam adamdy tartty.

Astanadaǵy kórme 2016 jyldyń 18 naýryzy men 13 sáýir kúnderi aralyǵynda Táýelsizdik saraıynda ótedi. Ekspozıtsııada arasynda jańa eksponattar da bolatyn jalpy salmaǵy 700 kelini quraıtyn 300 týyndy usynyldy.

10 naýryzda elordalyq bes oqýshy halyqaralyq konkýrsta birinshi oryn aldy.

Almatyda Ó. Joldasbekov atyndaǵy matematıka jáne mehanıkadan oqýshylardyń zertteý jumystarynyń VІ halyqaralyq konkýrsy aıaqtaldy. Baıqaý nátıjesi boıynsha elordalyq 5 oqýshy birinshi, 8 oqýshy ekinshi jáne beseýi úshinshi oryn aldy.

Halyqaralyq bilim dodasynda № 66 mektep-lıtseıiniń, «Kógildir jelken», Daryndy balalarǵa arnalǵan qazaq-túrik lıtseı-ınternatynyń, «Mıras» halyqaralyq mektebiniń, № 17, № 75, № 51, № 4 mektep-gımnazııalarynyń jáne t.b. mektepterden 22 oqýshy baq synasty. Daryndy balalar aldymen qalalyq irikteý kezeńinde óz jobalaryn usyndy. Sodan keıin Ó. Joldasbekov atyndaǵy jyl saıynǵy konkýrsta júldeli oryndarǵa talasty.Konkýrstyń basty mindeti - oqýshylar arasynda zertteý qyzmetin uıymdastyrý júıesin jetildirý, sondaı-aq matematıka ǵylymdary salasyndaǵy zertteýlerge qyzyǵýshylyq pen qabilettilik tanytatyn oqýshylardy anyqtaý.- Týrnır halyqaralyq deńgeıde ótkiziledi, oǵan Qazaqstannyń 16 óńirinen, Astana men Almaty qalalarynan, Ázerbaıjan men Qyrǵyzstan elderinen kelgen joǵary synyp oqýshylary qatysady. Úzdik oqýshylar aldymen zertteý jumystaryn oblystyq jáne qalalyq deńgeıde tanystyrady, sodan keıin myqtylary konkýrsqa qatysady, - dedi «Astana daryny» respýblıkalyq ǵylymı-praktıkalyq ortalyǵynyń ádiskeri Rash Ermaǵanbetova. Týrnır qorytyndysy boıynsha konkýrs jeńimpazdaryna dıplomdar tabystaldy.

10 naýryzda Astanada qyryqtan astam dızaınerdiń ónimin biriktirgen otandyq kıimder dúkeni ashyldy. Fashion Park dúkeni «Atameken» ulttyq kásipkerler palatasynyń qoldaýymen ashylyp otyr.

Atalǵan saýda núktesin qurýdyń basty maqsaty - otandyq ónim shyǵarýshylardy qoldaý jáne qazaqstandyq taýarlardyń naryqtaǵy úlesin arttyrý. Fashion Park - zamanaýı jabdyqtarda tigilgen joǵary sapaly qazaqstandyq kıim men aksessýarlardyń keń kólemin usynatyn mýltıbrendtik dúken. Dúken aýmaǵy boıynsha Astanada eń úlken saýda ornyna bolmaq. Onyń jalpy aýmaǵy 400 sharshy metrdi quraıdy. Taýarlardyń baǵa saıasaty da ıkemdi, bul jerde qalyń buqaraǵa arnalǵan kıimderden bastap, eksklıýzıvti qymbat kıimder de satylady. «Fashion Park» dúkeni otandyq taýar óndirýshilerge onlaın-satylym jasaýǵa da úlken múmkindikter ashyp otyr. «fashionpark.kz» saıtynda barlyq kıimder ınternet arqyly satylymǵa shyǵarylady. Dúkenniń ashylý qurmetine oraı, Quralaı Nurqadilova sheberlik synybyn ótkizdi.

11 naýryzda Astanada 2016 jylǵy bıýdjetti naqtylaý jóninde otyrys ótti.

Elordada 2016 jylǵa arnalǵan bıýdjetti naqtylaý máselesi boıynsha Qoǵamdyq keńes otyrysy ótti. QR Bıýdjet kodeksiniń 104-babyna sáıkes naqtylaý jyl basyndaǵy bıýdjet qarajatynyń qaldyqtaryn úlestirýge baılanysty júrgiziledi. Jergilikti bıýdjet qarjysyn ıgerýdiń monıtorıngi nátıjeleriniń negizinde ishteı qaıta úlestirý arqyly jekelegen bıýdjettik baǵdarlamalar boıynsha josparly taǵaıyndaýlar qaıta qaraldy, olardy áleýmettik saladaǵy - bilim, densaýlyq saqtaý, áleýmettik qorǵaý jáne qalany damytýdaǵy tyǵyz máselelerdi sheshýge baǵyttaý usynyldy. Atap aıtqanda, qaıta tapsyrylǵan bilim nysandaryn ustaýǵa, muqtaj azamattardyń jekelegen sanattaryna áleýmettik kómek kórsetýge, joldardy orta jáne aǵymdyq jóndeý jumystaryna, sondaı-aq sý tasqynyna qarsy is-sharalarǵa jumsalatyn qarjy qarastyryldy.Otyrys barysynda Ekonomıka jáne bıýdjettik josparlaý basqarmasy basshysynyń mindetin atqarýshy Gúlnar Júsipova, Densaýlyq saqtaý basqarmasynyń basshysy Erik Baıjúnisov, Sáýlet jáne qala qurylysy basqarmasynyń basshysy Vıtalıı Sıletskıı, Bilim basqarmasy basshysynyń orynbasary Gúljan Aıtjanova jáne t.b. baıandama jasady.Eske salaıyq, azamattardyń quqyqtaryna, bostandyǵy men mindetterine qatysty jobalar talqylaý jáne usynystar jasaý úshin tıisti ortalyq memlekettik organdarmen nemese oblystyq, respýblıkalyq mańyzdaǵy qalalyq jáne elordalyq máslıhattarmen birlesip qurylǵan Qoǵamdyq keńesterge joldandy.

11-12 naýryzda Kásiptik-tehnıkalyq kolledjde WorldSkills Kazakhstan qalalyq chempıonaty ótti. Konkýrsqa 18-22 jas aralyǵyndaǵy 64 kolledj stýdenti men kásiporynnyń jas mamandary qatysqan bolatyn.

Konkýrsqa qatysýshylar aspaz isi, jelilik jáne júıelik ákimshilik etý, veb-ázirleme, shashtaraz óneri, kıim dızaıny, meıramhana servısi, dánekerleý tehnologııasy, kondıter isi, mektepke deıingi tárbıe boıynsha ózara saıysqa tústi.

Chempıonattyń maqsaty - mamandyq mártebesin, stýdentterdiń jáne jas mamandardyń kásibı sheberligin arttyrý, bilim alýshylardyń shyǵarmashylyq qabiletteri men qyzyǵýshylyǵyn qoldaý, jumys daǵdysy men tásilderin jańǵyrtý jáne respýblıkalyq konkýrsqa qatysýshyny anyqtaý.

Eske salaıyq, Qazaqstan WorldSkills International halyqaralyq qozǵalysyna 2014 jyly qosyldy. Astanada qalalyq chempıonat alǵash ret 2015 jyly ótkizildi.

12 naýryzda ulttyq premer-lıga komandalary arasyndaǵy Qazaqstan chempıonatynyń birinshi týry aıasynda elordalyq stadıonda «Astana» FK men qaraǵandylyq «Shahter» FK sheberlik baıqasty. Oıyn nátıjesinde alań ıeleri 2:1 esebimen qarsylastarynan basym tústi.

Kezdesý jaǵymdy jańalyqtardan bastaldy. Aldymen qazaqstandyq Premer-Lıga-2015 úzdik bapkerdiń esimi belgili boldy. «Astana» FK jattyqtyrýshysyna marapatty QR Kásipqoı fýtbol lıgasynyń prezıdenti Oljas Abraev tabystady.

Kezdesý tartysty bastaldy, segizinshi mınýtta-aq qaraǵandylyqtar mergendik tanytyp, esep ashty. Goldy oryndaǵan - Desleı Ýbbınk. Birinshi bólimniń sońyna deıin negizinen «Shahter» fýtbolshylary basymdyqqa ıe boldy, úziliske deıin esep ózgergen joq.

Al ekinshi taım bastalǵanda «Astana» komandasynyń jańa oıynshysy Djordje Despotovıch esepti teńestire aldy. Qazirgi el chempıony shabýyldy toqtatpady, alaıda elordalyq komanda kapıtany Tanat Nóserbaev oıynnyń 65-shi mınýtynda ǵana gol soǵa aldy, esep - 2:1.

13 naýryz. Bul kúni kórnekti qazaq kompozıtory Muqan Tólebaevtyń aıaqtalmaǵan «Qozy Kórpesh pen Baıan sulý» shyǵarmasynyń tusaýkeseri «Astana Opera» teatrynyń Úlken zalynda ótti.

Qazaqstan Respýblıkasy Táýelsizdiginiń 25 jyldyǵyna arnalǵan «Klassıkter men zamandastar» atty kontsertte otandyq klassıkter E.Rahmadıevtiń, T.Qajyǵalıevtiń sımfonııalyq mýzykalary jáne qazirgi zamanǵy qazaqstandyq avtorlardyń shyǵarmalary oryndaldy.

Ǵ.Músirepovtiń lıbrettosyna jazylǵan M.Tólebaevtyń aıaqtalmaǵan «Qozy Kórpesh pen Baıan sulý» operasy jas ǵashyqtardyń tragedııalyq mahabbaty týraly kóne ańyz jelisinen alynǵan XIII-XIV ǵasyrlardaǵy lıro-epostyq poemasynyń jelisinde jazyldy. Mýzykalyq keshtiń birinshi bóliminde kontserttik oryndalýdaǵy opera usynyldy.

Ónertaný ǵylymdarynyń kandıdaty, Qazaqstan kompozıtorlar odaǵynyń múshesi, professor, mýzykatanýshy, tólebaevtanýshy Altyn Ketegenova kóptegen jyldar boıy kórnekti qazaq kompozıtory Muqan Tólebaevtyń shyǵarmashylyǵyn zerttedi. Ol aıaqtalmaǵan «Qozy Kórpesh pen Baıan sulý» operasyn taýyp, búgingi tańda osy mýzykanyń oryndalýyna bar kúshin saldy. Altyn Sálimqyzy notalardy saqtap, túzetýlerin jasap, kompozıtorlardyń shyǵarmanyń sımfonıkalyq aspaptyq oryndalýyna bastamashylyq etti. Qazaqstan Respýblıkasynyń Eńbek sińirgen qaıratkeri, professor, kompozıtor Serik Erkimbekov osy bir qıyn dúnıeni qolǵa aldy. Ol týyndyny orkestrlik oryndaýda avtordyń anyq, ádemi, úılesimdi stılin ustandy.

«Biz Altyn Sálimqyzyna qazaq óneriniń damýyna úles qosqany úshin rızashylyǵymyzdy bildiremiz. A.Ketegenovanyń bastamasy boıynsha osy bir ǵajaıyp týyndy «Astana Opera» teatry Úlken Zalynyń sahnasynda oryndalatyn bolady», - deıdi mýzykatanýshy Marjan Jákenova.

Budan basqa, kontserttiń birinshi bóliminde úlken ónerdi baǵalaýshylarǵa «Astana Opera» sımfonııalyq orkestriniń asqan sheberligimen oryndalatyn, jaqynda ǵana Marıın teatrynda gastroldik saparda bolyp, peterbýrgtik qaýymnyń zor yqylasyna ıe bolǵan «Dala ańyzy» aıaqtalmaǵan baletinen sıýıta kórsetiledi.

Keshtiń ekinshi bóliminde qazirgi zamandastarymyzdyń shyǵarmalary shyrqalatyn bolady: Balnur Qydyrbek, Aqtoty Raıymqulova, Serik Erkimbekov, Serikjan Ábdinurov, Abzal Muhıtdınov, Rahat-Bı Ábdisaǵın jáne t.b.

«Qozy Kórpesh pen Baıan Sulý» operasyndaǵy partııalardy daryndy vokalıster - Qazaqstannyń eńbek sińirgen qaıratkerleri Janat Shybyqbaev jáne Jan Tapın, halyqaralyq baıqaýlardyń laýreaty Mádına Islamova, Bolat Esimhanov, Ramzat Balakıshıev, «Astana Opera» sımfonııalyq orkestri jáne hory oryndady, dırıjeri - Qazaqstannyń eńbek sińirgen qaıratkeri Abzal Muhıtdınov.

13 naýryzda elordada Maslenıtsa merekesi atalyp ótildi.

Apta boıy qazaqstandyq slavıandar halyq merekesi Maslenıtsany toılaýǵa kirisken bolatyn. Osylaısha, «Jastar» saraıynyń aldyndaǵy alańda elorda turǵyndary qysty shyǵaryp saldy.

Merekelik serýenge «Lad» respýblıkalyq slavıandar qozǵalysynyń elordalyq fılıaly, qalalyq Qazaqstan halqy Assambleıasynyń músheleri, etnomádenı birlestikterdiń ókilderi, Astana qalasynyń turǵyndary men qonaqtary qatysty.

Jınalǵan qaýym halyqtyq merekeni kóńildi ótkizip, oıyndarǵa, konkýrstarǵa qatysty, sporttyq jarystarda kúsh synasty. Alańda uıymdastyrylatyn sheberlik dáristeri barysynda quımaq jasaýdyń qupııalarymen tanysý múmkindigi týdy.

Munymen qosa, Maslenıtsa merekesi elordada Ýspensk kafedraldy sobory aýmaǵynda da atalyp ótildi.

14 naýryz kúni, sonymen qatar, Qazaqstan Respýblıkasynyń Ulttyq mýzeıinde Ulystyń uly kúnin atap ótýge arnalǵan «Naýryz-Dýman» merekelik is-sharasy bastaldy.

Іs-sharanyń basty maqsaty - Amal meıramyn atap ótý arqyly dástúrli rýhanı qundylyqtarymyzdy keńinen nasıhattaý, ata saltyn ardaqtaı otyryp, ult mártebesin kóterý.

Merekelik is-shara aıasynda áz-Naýryz merekesiniń atrıbýty retinde jasalǵan «Jolterek» jobasynyń tanystyrylymy ótken bolatyn. Asyq atýdan, arqan tartýdan jarys uıymdastyrylady. Arnaıy tigilgen kıiz úıde dastarhan jaıylyp, qonaqtar naýryz kójeden dám tata aldy.

Merekelik is-sharaǵa QR Parlamentiniń senatorlary, ǵalymdar, qoǵam qaıratkerleri qatysty.

Sonymen qatar, mýzeı qyzmetkerleriniń ónerpazdary kontserttik baǵdarlama usyndy.

14 naýryzda Astanada Garderob A1 atty qazaqstandyq kıim tigýshilerdiń ónimi satylatyn áıelder kıimi dúkeni ashyldy.

Munda áıelge tán náziktikti, sulýlyq pen symbatty, sándi baǵalaıtyn jandarǵa kıimder, aıaq kıimder, aksessýarlar, sándi áshekeı buıymdar jáne óner men sánge qatysty basylymdar usynylýda.

Sondaı-aq, jańa dúkende turaqty túrde sánge qatysty túrli sheberlik synyptary men trenıngter uıymdastyrylyp turmaq.

14 naýryzda stýdentter arasyndaǵy «WorldSkills Kazakhstan» chempıonatynyń jeńimpazdary anyqtaldy.

Eki kún boıy elordalyq kolledjderde jumysshy mamandyqtardy meńgerip júrgen daryndy stýdentter men kásiporyndardyń jas jumysshylary konkýrs aıasynda on baǵyt boıynsha sheberlik baıqasty. Konkýrs qorytyndysy boıynsha árbir sanatta mamyr aıynda ótetin respýblıkalyq jarysta Astananyń namysyn qorǵaıtyn úzdikterdiń esimderi belgili boldy.

Chempıonat Kásiptik-tehnıkalyq jáne Polıtehnıkalyq kolledjderde ótti. Jalpy, konkýrsqa jumysshy mamandyq ıeleri arasynan 72 adam qatysty. Elordalyq stýdentter úshin bul týrnır óz mashyqtary men daryndylyǵyn kórsetýdiń birden-bir múmkindigi. Qazylar alqasy daýys berý arqyly jeńiske laıyqty tulǵalardy anyqtady. Olar aldymen respýblıkalyq jarysqa, al onda sátti óner kórsetken jaǵdaıda TMD elderi arasyndaǵy WorldSkills konkýrsynda baǵyn synaıtyn bolady. Chempıonat qorytyndysy boıynsha Ekonomıka, tehnologııa jáne taǵam ónimderin standarttaý kolledjiniń stýdenti Baýyrjan Aýsaq úzdik aspazshy atandy, Kásiptik-tehnıkalyq kolledj stýdenti Azamat Sabyrqulov eń dámdi kondıterlik ónimder ázirlegen. «Meıramhana servısi» sanatynda Qoǵamdyq tamaqtaný jáne servıs kolledjiniń stýdenti Oljas Júsipnazar top jardy.Konkýrsta jańa bastap jatqan qurylysshylar da saıysqa tústi. «Qurǵaq qurylys jáne sylaý jumystary» biliktiligi boıynsha Polıtehnıkalyq kolledjdiń ókilderi Ámirjan Qyzdarbekov pen Konstantın Novıkov birinshi oryn aldy.Dánekerleýshiler arasynda da jarys tartysty ótti. Qazylar alqasynyń pikirinshe, bul salada «Týran-profı» kolledjiniń stýdenti Almas Mataev jeńiske laıyq boldy.Jelilik jáne júıelik ákimshilendirý salasynda Vladıslav Shlager jeńimpaz atandy, ıÝrıı Apretov - eń daryndy veb-ázirleýshi. Bul ekeýi de Polıtehnıkalyq kolledjde oqıdy.Menedjment jáne bıznes kolledjiniń stýdenti Zarına Nýrhalıeva shashtarazdar arasynda erekshe kózge tústi, osy kolledjdiń taǵy da bir ókili Gúlmıra Rýzmatova úzdik modeler atandy. Jarys balabaqsha tárbıeshileriniń arasynda da ótti. Bul sanatta Gýmanıtarlyq kolledj stýdenti Almıra Tuıaqova jeńiske jetti.Aıta keteıik, altyn, kúmis jáne qola júlde ıegerlerine chempıonat demeýshilerinen baǵaly syılyqtar tabystaldy.

14 naýryzda Qazaqstan Respýblıkasy Ulttyq mýzeıinde Ulystyń uly kúnine oraı bastaýysh jáne orta synyp oqýshylaryna arnalǵan «Armysyń, áz Naýryz!» atty merekelik is-sharasy bastaldy.

Shara aıasynda mektep oqýshylary teatrlandyrylǵan qoıylym tamashalady. Ańyz keıipkerleri Qydyr ata men Umaı ana balalarǵa bata berdi, Aldar kóse merekemen quttyqtady. Sonymen qatar, ájelerden quralǵan top ánnen shashý shashty.

Merekelik jıynda qol kúresinen, asyq atýdan, arqan tartýdan jarys ótkizilip, jeńimpazdarǵa syılyqtar úlestirildi.

«Armysyń, áz Naýryz» merekelik is-sharasyn ótkizýdegi basty maqsat - Ulystyń uly kúnin tárbıe tetigi retinde paıdalana otyryp, jas urpaqqa qazaq halqynyń baı mádenı murasyn tanytýǵa, salt-dástúrin qurmetteýge baýlý.

Aıta keteıik, Ulttyq mýzeıde Ulystyń uly kúnine oraı balalarǵa arnalǵan erteńgilikter 14-24 naýryz aralyǵynda ótti.

15 naýryzda Astana qalasynyń ákimdiginde Dúnıjúzilik tutynýshylardyń quqyǵyn qorǵaý kúnine arnalǵan kezdesý ótti.

Kezdesý barysynda «Ádilet» tutynýshylar quqyǵyn qorǵaý qoǵamynyń tóraǵasy Qabyken Zakarıanov qozǵalystyń sońǵy jyldary atqarǵan jumystarynyń qorytyndysyn shyǵaryp, astanalyqtardyń pikirinshe úzdik dep tanylǵan dárigerlerdi, kondýktorlardy, kólik qyzmetkerlerin, slesar jáne t.b. maman ıelerin marapattady.- Biz tutynýshylardyń quqyqtaryn qorǵap, úlken is atqaramyz, adamdardyń alǵysy - biz úshin eń joǵary marapat. 1991 jyly KSRO-da Tutynýshylardyń quqyǵyn qorǵaý jónindegi qoǵamdyq qozǵalys quryldy, al ydyraǵannan keıin biz Qazaqstanda alǵash ret «Ádilet» qoǵamdyq qozǵalysyn uıymdastyrdyq, ol 23 jyldan beri jumys istep keledi. Osy ýaqyttyń ishinde biz tutynýshylardyń naǵyz quqyq qorǵaýshylaryna aınaldyq, elordada túrli máseleler boıynsha 100 myńnan astam adamǵa kómek kórsettik, - dedi K. Zakarıanov.Onyń aıtýynsha, sońǵy jyly kómek suraǵan azamattar sany aıtarlyqtaı azaıdy. 2014 jyly shaǵym bildirgender sany 4 myńnan assa, ótken jyly 2 myńǵa jýyq bolǵan. Bul rette buzýshylyqtar sanynyń azaımaǵanyn aıta ketkenimiz jón. Halyqtyń saýattylyǵy artyp, adamdardyń kóbi óz quqyqtaryn biledi, kóp jaǵdaıda máseleler sol jerde sheshiledi.Jyl saıyn kásipqoılar azamattardyń oń pikirleriniń nátıjesinde irikteledi. Kezdesý sońynda eń úzdik mamandar marapattaldy. Belsendiler arasynda dárigerler, avtobýs júrgizýshileri, kondýktorlar, kásipkerler, slesarlar bar. Sonymen qatar, eń úlgili kásiporyndar - aýrýhanalar, PIK jáne t.b. marapattarǵa ıe boldy.

15 naýryzda Ulttyq mýzeıde ata-anasynyń qamqorlyǵynsyz qalǵan sábılerdiń tusaýyn kesý rásimi ótti.

Sábılerdiń tusaýyn kesýge Qazaqstannyń Eńbek sińirgen ártisi, birneshe halyqaralyq baıqaýlardyń jeńimpazy Maıra Muhamedqyzy, «Astana aqshamy» JShS dırektorynyń orynbasary, belgili jýrnalıst Zeıin Álipbek, halyqaralyq baıqaýlardyń jeńimpazy, aqyn Qalqaman Sarın, «Balapan» telearnasynyń dırektory, telejúrgizýshi Láılá Sultanqyzy, belgili saıasattanýshy-jýrnalıst Jarqyn Túsipbekuly tárizdi tanymal tulǵalar shaqyryldy.

«Tusaýkeser» rásimi» jobasynyń jetekshisi, mýzeıtanýshy Nurserik Jolbarys jýrnalısterge bergen suhbatynda atalǵan sharanyń mańyzyna toqtalyp ótti.

«Qarııasyn «qazynam», ulyn «urpaq jalǵastyrarym», qyzyn «órisimdi keńeıterim» dep bilgen halqymyz úshin ár salt-dástúrdiń orny erekshe bolǵan. Dúnıege kelgen sátinen bastap sábıin eli men jerin súıýge, halqynyń murasyn qasterleýge tárbıeleıtin asyl dástúrlerimiz Ulttyq mýzeıdiń qaıyrymdylyq jobasynda óz jalǵasyn taýyp otyr. Bul joba memlekettik deńgeıde bastalǵan «Jaqsylyq Jasa» atty halyqtyq jobasynyń aıasynda ótkizildi. Osydan biraz ýaqyt buryn bastalǵan bul jobaǵa búkil qazaqstandyqtar atsalysty. Joba óz jalǵasyn taýyp keledi. Ulttyq mýzeı ujymy da bul jobadan qalys qalmaı ata-anasynyń qamqorlyǵynsyz qalǵan balalar úshin «Tusaýkeser» rásimi» jobasyn qolǵa aldy. Joba aldaǵy ýaqytta dástúrli túrde ótip turatyn bolady. Jetimin jylatpaǵan babalarymyzdyń asyl qasıetiniń osyndaı joba arqyly kórinis tapqanyna qýanyshtymyz, - dedi N.Jolbarys.

Qazaqstannyń Eńbek sińirgen ártisiMaıra Muhamedqyzybalalardyń bolashaǵyna aq jol tilep, óziniń analyq lebizin bildirdi.

«Ózim ana bolǵan soń, osy is-sharaǵa arnaıy keldim. Naýryz merekesine oraı ótkizilip jatqan «Tusaýkeser» rásimine qatysqanym úshin de óte qýanyshtymyn. Mundaı is-sharalar dástúrli túrde jolǵa qoıylsa nur ústine nur bolar edi. Biraq bizdiń qazaq jastary bala máselesine jeńil qaramasa eken deımin. Ol úlken jaýapkershilikti qajet etetin dúnıe. Sonymen qatar, jetimder úıi bolmasa eken deımin. Bul búldirshinder mahabbatqa, meıirimge zárý keledi. Sondyqtan da olardy súıispenshilikke bóleý bárimizdiń adamdyq boryshymyz», - dedi M.Muhamedqyzy.

Sonymen qatar, Qalqaman Sarın, Láılá Sultanqyzy, Zeıin Álipbek, Jarqyn Túsipbekuly balalardyń tusaýyn kesip, aq tilekterin arnady. Joba aıasynda Astanadaǵy sábıler úıiniń 5 tárbıelenýshisiniń tusaýy kesildi. Tusaýkeser rásimindegi fotosýretter men tapsyrylatyn sertıfıkattar balalardyń jeke is-paraǵyna tigilip, bolashaqta ózderiniń tusaýyn kesken tulǵalardy bilip júrýi úshin saqtalatyn bolady.

15 naýryz. Bul kúni Dedjon qalasynda ótken «Jas ǵalym» halyqaralyq baıqaýyna qatysqan joǵary synyptardyń 32 oqýshysy elordaǵa oraldy. Týrnır qorytyndysy boıynsha eki oqýshy birinshi oryn, jeteýi ekinshi, segiz oqýshy úshinshi oryn aldy.

Konkýrsqa bes sektsııa boıynsha 16 qalalyq mektep oqýshylary qatysty. Olar matematıka, fızıka, hımııa, bıologııa, geografııa, tarıh, til bilimi, ekonomıkadan óz jobalaryn orys jáne aǵylshyn tilderinde usyndy.

№17 mektep-gımnazııasynyń oqýshysy Aıda Qasymova hımııadan «Qorshaǵan ortany qorǵaý jáne adam densaýlyǵy» sanaty boıynsha jáne № 51 mektep-gımnazııasynyń oqýshysy Dana Ismaǵulova fızıkadan «Jańartylatyn energetıka - bolashaq energııasy» sektsııasynda birinshi oryn aldy.

«Fýndamentaldy matematıka jáne qazirgi zamanǵy ekonomıkadaǵy matematıkalyq ádister» sanatynda Daryndy balalarǵa arnalǵan qazaq-túrik lıtseıiniń ókili Abylaı Aqylbek, №17 mektep-gımnazııasynyń oqýshysy Adelaıda Allahverdıeva men №75 mektep-gımnazııasynyń oqýshysy Mıra Shaýalı kúmis júlde ıelendi. Daryndy balalarǵa arnalǵan QTL oqýshysy Aqyl Zaıdilbek qola júldege qol jetkizdi.

Oqýshylar hımııa men bıologııadan jobalardy «Qorshaǵan ortany qorǵaý jáne adam densaýlyǵy» sektsııasynda qorǵady. Bul salada «kúmis» № 60 mektep-lıtseıiniń oqýshysy Janııa Baımaǵambetova jáne Daryndy balalarǵa arnalǵan QTL oqýshysy Álibek Darkembaevqa buıyrdy. № 73 mektep-lıtseıiniń oqýshysy Sanjar Ahmetov pen Daryndy balalarǵa arnalǵan QTL oqýshysy Іlıas Ahmýrzın úshinshi oryn aldy.

«HHІ ǵasyrdaǵy til, mádenıet jáne quqyq: taný satylary» sanatynda tarıhtan № 3 mektep-gımnazııasynyń oqýshysy Ádil Zeınelǵabı jáne №1 mektep-lıtseıiniń ókili Toty Nurtaı «kúmis» oljalady, «qola» №59 mektep-lıtseıiniń oqýshysy Aıala Orazbaevanyń enshisinde. Daryndy qyzdarǵa arnalǵan QTL ókili Danelııa Musabekova til bilimi boıynsha jobasyn qorǵap úshinshi oryn aldy, №60 mektep-lıtseıiniń oqýshysy Ańsar Rahmetov aǵylshyn tilinen qola aldy. №60 mektep-lıtseıiniń oqýshysy Asan Sovetqalıev pen №38 mektep-lıtseıiniń oqýshysy Saıan Kemeńger de úshinshi oryn aldy. Bul ekeýi de «Jańartylatyn energetıka - bolashaq energııasy» sektsııasynda fızıkadan óz jobalaryn qorǵady.

17 naýryz «Qazaq arýy-2016» baıqaýynda atyraýlyq boıjetken jeńiske jetti. Qazylar alqasynyń sheshimimen bas júldeni atyraýlyq Almıra Ahatova ıelendi.

Ol Astanadaǵy medıtsınalyq ýnıversıtettiń ІІІ kýrs stýdenti. Jalpy, baıqaýǵa 21 úmitker qatysyp, baq synaǵan edi. Úmitkerlerge qoıylǵan basty talap ana tili men tarıhyn jetik bilýi bolatyn.

Sondaı-aq syrtqy sulýlyq pen ishki ádemiliktiń úılesimdiligi de negizgi qaǵıdanyń biri. Jalpy, bastapqyda baıqaýǵa 600-ge jýyq arý qatysýǵa nıet bildirgen.

17 naýryzda Nazarbaev Ýnıversıtetinde AQSh-tyń jetekshi kompanııalarynyń kóshbasshy áıelderimen kezdesý ótti.

Qazaqstandaǵy AQSh Elshiligi bizdiń elimizge ǵylym, tehnologılar, ınjenerııa jáne matematıka salasyndaǵy kóshbasshy áıelderdiń úlken delegatsııasyn uıymdastyrdy.

TechWomen delegatsııasyna qatysýshylar Astana jáne Almaty qalalarynda mektepterdiń oqýshy qyzdary úshin sheberlik sabaqtaryn ótkizedi, jas kásipker áıelder úshin «speed geek» netvorkıng kezdesýlerine, stýdentter men áıelderge arnalǵan beıresmı netvorkıng kezdesýleri úshin bos oryndar jármeńkesine qatysty.

Olarda mansap retinde joǵary tehnologııalar salasy qaraldy.

TechWomen maqsaty - STEM salasynda qol jetimdilik pen múmkindikter usyný arqyly kóshbasshy-áıelderdiń kelesi urpaǵyna qoldaý kórsetý, baılanys ornatyp, olardy jigerlendirý.

Búgin Astanada TechWoman delegattarynyń «Nazarbaev Ýnıversıtetiniń» stýdentterimen jáne oqytýshylarmen kezdesýi ótti. Áıelder AQSh-tyń kóshbasshy tech kompanııalarynda: Apple, LinkedIn, Mozilla, Symantec jáne Yahoo kásiporyndarynda jumys jasaıtyndyqtaryn aıtty. Delegatsııa quramynda Ortalyq Azııadan, sonyń ishinde Qazaqstannan aqparattyq tehologııalar salasyndaǵy jeke kompanııalardan jáne tehnıkalyq ýnıversıtetterden tórt qyz bar. Olar AQSh-taǵy 2015 jylǵy TechWomen almasý jáne mentorlyq baǵdarlamalarynyń túlekteri. Bular osy kompanııalarda taǵylymdamalyq jobalarǵa jáne kásibı damý semınarlaryna qatysty.

Oǵan qatysqan qazaqstandyqtardyń biri Dıana Tsoı baǵdarlama Qazaqstannyń jas qyzdarynyń ártúrli salalarda mansaptyq ósýine jol ashýǵa jigerlendiretinin aıtty.

18-20 naýryzda Astana qalasynda «Dáýlet» SK-de grek-rım, erkin jáne áıelder kúresi boıynsha Azııalyq Olımpıadalyq irikteý týrnıri ótti.

Týrnırge qatysqan Azııanyń 168 balýany Rıo Olımpıadasyna 36 joldamany sarapqa saldy.

18 naýryzda elordada jumyssyz júrgen jastarǵa, JOO stýdentteri men túlekterine arnalǵan alǵashqy salalyq bos oryndar jármeńkesi ótkizildi. Jumys berýshiler tehnıkalyq saladaǵy 200 artyq mamandyq boıynsha bos jumys oryndaryn usyndy.

Elordalyq jumyssyz júrgen jastar men tehnıkalyq mamandyqtar boıynsha bitirgen túlekter «Teplotranzıt» JShS, «Transtelekom» AQ, «Bazıs-A» JShS, «KazTransGaz» AQ, «AstanaEnergoSbyt» JShS, «ArabTec» JShS jáne t.b. kompanııalardyń ókilderimen kezdesti. Jumys berýshiler jumys izdeýshilerdi usynylǵan bos oryndar tizimimen tanystyryp, óz uıymdary men kásiporyndary týraly tolyq aqparat usyndy.

Jármeńke qorytyndysy boıynsha 200 astam adam áńgimelesýge shaqyryldy.

18 naýryzda TúrkPA saılaýdy baqylaýshylar mıssııasy Qazaqstanǵa keldi.

Mıssııa quramyna Ázerbaıjan Mıllı Májlısiniń depýtaty Nızamı Jafarov, Qyrǵyzstan Joǵorký Keńeshiniń depýtaty Ábilqaıyr Uzaqpaev, Túrkııa Uly ulttyq májilisiniń depýtaty, TúrkPA Quqyqtyq ister men halyqaralyq qatynastar komıssııasynyń tóraǵasy, Túrkııa-Qazaqstan parlamenttik dostyq tobynyń tóraǵasy Halúk Ipek jáne Túrkııa Uly ulttyq májilisiniń depýtaty Erkan Aıdyn endi.

18 naýryzda kóktemniń Naýryz meıramy qarsańynda Astanadaǵy «Kongress-Holl» saraıynda Astana memlekettik akademııalyq fılormonııasynyń qazaq halyq aspaptary orkestriniń «Ǵasyrlar úni» atty kontserti ótti. Eń bastysy, bul kontsert birneshe jańa týyndylardyń alǵash ret oryndalýymen erekshe boldy.

Atap aıtqanda, Maǵjan Jumabaıulynyń «Batyr Baıan» poemasy boıynsha jazylǵan kompozıtor Dýlat Ábildınovtyń «Batyr Baıan» mýzykalyq shyǵarmasy alǵash ret kórermender nazaryna usynyldy.

Sol sekildi kompozıtor Toǵjan Jahınniń «Edil patsha», «Jańa zaman» atty mýzykalyq poemalaryn elordalyqtar jyly qabyl aldy.

Kompozıtor Mádına Tursynbaevanyń «Samǵa, Astana» áni de halyqaralyq baıqaýlardyń laýreaty Kúnsulý Turlybekovanyń oryndaýynda alǵash ret shyrqaldy. Budan keıin orkestr kompozıtor Ardaq Táńirbergenulynyń «Joryqta» shyǵarmasyn da alǵash ret tyńdarmandarǵa tanystyrdy. Dırıjerlik jasaǵan Mádenıet qaıratkeri Nurlan Bekenov.

Budan bir-eki jyl buryn kompozıtor Nurlan Bekenov qazaqtyń ór rýhty aqyny, batyry Mahambet Ótemisulyna arnap «Qyzǵysh qus» degen kúı shyǵarǵan bolatyn. Mine, osy kúıdi atalǵan orkestr alǵash ret kórermenderge tartý etti. Jeke dombyrada Memlekettik «Daryn» jastar syılyǵynyń ıegeri Anar Muzdahanova oryndady. Orkestr men jeke oryndaýshy arasyndaǵy úılesim kúrdeli kúıdiń kórkin asha tústi.

Ánshi, respýblıkalyq baıqaýlardyń laýreaty Danııar Muqan kompozıtor Bazaraly Túsipjanovtyń «Dombyra» ánin naqyshyna keltire shyrqap, án súıer qaýymnyń qoshemetine bólendi.

Sonymen qatar kompozıtor Janar Júsipovanyń «Gúlsim hanymǵa» áni tuńǵysh ret shyrqaldy. Bul án Maǵjan Jumabaıulynyń sózine jazylǵan.

Kelesi kezekte kompozıtor Arman Jaıymnyń «Áz-Táýke», Tóle bı kantatasynan «Qarlyǵashtyń áni», Bıbarys operasynan «Aıdananyń arııasy» sııaqty birqatar mýzykalyq shyǵarmalary oryndaldy. Bul shyǵarmalardaǵy tereń tebireniske toly ánderdiń sózderin orkestrdiń súıemeldeýimen ánshi, respýblıkalyq baıqaýlardyń laýreaty Shahrızada Tynyshtyq kórermenderge jetkizdi.

Orkestrdiń kórkemdik jetekshisi jáne bas dırıjeri, Qazaqstannyń eńbek sińirgen qaıratkeri, professor Aıtqalı Jaıymovtyń dırıjerlik etýimen birneshe shyǵarmalar oryndaldy. Sonyń biri - Arman Jaıymnyń fortepıano men orkestrge arnalǵan «Mahambet» atty № 2 kontsertten fınal. Bul týyndyny orkestrdiń qoldaýymen avtor Arman Jaıymnyń ózi oryndap berdi. Osy shyǵarma da kórermender nazaryna alǵash ret usynylǵanyn aıta ketkenimiz jón.

Ár kórermenniń janyna shabyt berip, kóńilin kúıge bólegen kontsertte basqa da ánder shyrqaldy, kúıler tartyldy.

18 naýryzda Astanada Qazaqstan Respýblıkasynyń Syrtqy ister mınıstri Erlan Ydyrysov QR Parlamenti Májilisi depýtattarynyń kezekten tys saılaýyn baqylaý jónindegi Eýropa Keńesiniń Parlamenttik Assambleıasy (EKPA) mıssııasynyń basshysy, ıspan parlamentiniń depýtaty Jordı Chýklamen kezdesti.

Kezdesý barysynda E. Ydyrysov 2004 jyly qol qoıylǵan Yntymaqtastyq týraly kelisimge negizdelgen, Qazaqstan Respýblıkasy men Eýropa Keńesiniń Parlamenttik Assambleıasy arasyndaǵy tabysty jáne jemisti yntymaqtastyqty atady.

Mınıstr Qazaqstannyń saılaýdy halyqaralyq úlgilerge saı ashyq, aıqyn jáne shyn ótetinine úlken nazar aýdarytynyn jarııalaı otyryp, elimizdegi kezekten tys parlamenttik saılaýdy baqylaýda Eýropa parlamenti depýtattarynyń qatysýynyń mańyzdylyǵyn atap ótti.

EKPA mıssııasynyń basshysy, óz kezeginde Qazaqstanda ótetin aldaǵy saılaýdy baqylaýǵa shaqyrǵany úshin alǵysyn aıtyp, aldaǵy mezgilde ózara tyǵyz jáne úılesimdi árekettesýge daıyndyǵyn bildirdi.

Sonymen qatar, taraptar Qazaqstan men EKPA jáne Eýropa Keńesi arasyndaǵy yntymaqtastyq jónindegi máselelerdi talqylady. J. Chýkla EKPA men qazaqstandyq zań shyǵarýshylarmen tabysty jumysyn atap, 20 naýryzdaǵy saılaý nátıjesinde saılanatyn QR Parlamenti Májilisiniń jańa shaqyrylymynyń depýtattarymen úılesimdi yntymaqtastyqty ornatýǵa daıyn ekenin bildirdi.

Eske sala ketsek, Qazaqstan Respýblıkasy men Eýropa Keńesiniń Parlamenttik Assambleıasy arasyndaǵy yntymaqtastyq týraly kelisim negizinde Qazaqstan parlamenttik delegatsııalary Strasbýrgtaǵy EKPA plenarlyq sessııalaryna turaqty túrde (jylyna 4 ret) qatysady. EKPA ókilderi, óz kezeginde turaqty túrde Qazaqstanǵa kelip, saılaý mıssııalaryna jáne Astanada ótetin Álemdik jáne dástúrli dinder lıderleri seziniń jumysyna qatysady.

18 naýryzda «Baldáýren» respýblıkalyq oqý-saýyqtyrý ortalyǵynda 1-7 synyp oqýshylarynyń arasynda HІ «Zerde» respýblıkalyq konkýrsy ótti.

Elordalyq 40 oqýshy 8 sektsııa boıynsha óz jobalaryn qorǵady. Balalar taǵy da jalpy komandalyq esepte birinshi oryn alyp «Úzdik komanda» atandy.

Konkýrs nátıjesinde, 19 astanalyq oqýshy altyn, 13-i kúmis, jeteýi qola aldy.

Konkýrs qazaq tili jáne ádebıeti, orys tili jáne ádebıeti, matematıka-ınformatıka, fızıka-tehnıka, medıtsına, psıhologııa, tarıh, ólketaný, etnomádenıettaný; bıologııa, hımııa; valeologııa, ekologııa pánderinen ótti.

18 naýryzda álemdik týr aıasynda elordada «Nikolya» shokolad mýzeıi» tanymal avtorlyq kórmesiniń ashylýy ótti. Qala turǵyndary men qonaqtary shokolad tarıhymen jáne tanymal sheber-shokolate Nıkolaı Popovtyń shokoladtan jasalǵan zattarymen tanysyp, óz qoldarymen shokoladtan túrli biregeı zattar jasaý múmkindigine ıe boldy.

Áıgili kórme álemniń 40-tan astam qalasynda bolyp, ony jarty mıllıonǵa jýyq adam tamashalaǵan.Astanada óte joǵary sapadaǵy shokoladtan jasalǵan 300 astam óner týyndysy kópshilik nazaryna usynyldy. Jalpy salmaǵy 700 kg artyq shokolad pen martsıpan músinder, shokolad bagettermen jıektelgen kartınalar, shokolad mınıatıýralar, ınstallıatsııalar, kompozıtsııalar jáne t.b. buıymdar boldy. Basty erekshelik - Qazaqstanǵa, sonyń ishinde Astanaǵa arnalǵan shokolad zattardyń arnaıy serııasy jasaldy. Sondaı-aq, kelýshiler sheberlik dáristerine qatysyp, óz qolymen tátti-dámdiler ázirleýdi úırendi. Shokolad tarıhy týraly qyzyqty fılm kórsetildi.

18 naýryzda Astanadaǵy «Áziret Sultan» meshitinde Dinı birlestikter ókilderi jınalysynyń kezekti otyrysy ótti.

Іs-sharaǵa Qazaqstanda tirkelgen dinı birlestikterdiń, Qazaqstan dintanýshylar Kongresiniń, Mádenıetter men dinderdiń halyqaralyq ortalyǵy jáne QR MSM Din isteri komıtetiniń basshylary men ókilderi qatysty.

Jınalys jumysynyń aıasynda memleket pen dinı birlestikter arasyndaǵy yntymaqtastyqtyń, rýhanı kelisimdi nyǵaıtýdyń ózekti máseleleri talqylandy, sonymen qatar Qazaqstannyń dinı birlestik ókilderiniń atynan Naýryz meıramyna baılanysty Qazaqstan halqyna quttyqtaý haty bekitildi.

Resmı baǵdarlama aıaqtalǵannan keıin Jınalystyń músheleri men qonaqtary úshin «Áziret Sultan» meshitine ekskýrsııa uıymdastyryldy. Іs-sharanyń resmı bóliginen keıin oǵan qatysýshylarǵa ystyq sháı, «Naýryz kóje» dástúrli taǵamy, shyǵys tamaqtary usynyldy.

Sondaı-aq túrli konfessııa ókilderi «Asyq atý», «Arqan tartý» ulttyq oıyndaryna belsene qatysty.

19 naýryzda Astanada Ulystyń Uly kúni - Áz-Naýryz meıramyna arnalǵan merekelik sharalar ótti.

Atap aıtqanda, Internatsıonalnyı eldimekeni buqaralyq shara, M.Gorkıı atyndaǵy memlekettik akademııalyq orys drama teatrynda E.Shvartstyń «Qyzyl telpek» ertegisi,

«Jastar» teatrynda S.Qasymbektiń «Naýryz arý» ertegisi, Astana qalasynyń qýyrshaqtar teatrynda A.Salaeva «Armysyń, áz-Naýryz!» atty qoıylym, Astanalyq tsırkte «Jyrtqyshtar ımperııasy» baǵdarlamasy, M.Gorkıı atyndaǵy memlekettik akademııalyq orys drama teatrynda N.Gogol «Munda bárimiz de ózimiz», «Revızor» pesasy boıynsha ımprovızatsııa, Kongress-hollda QR eńbek sińirgen qaıratkeri Ramazan Stamǵazıevtiń «Aıttym sálem, saǵynyp!» kontserti, «Qobyz» saraıynda «Armysyń, Áz Naýryz!» baıqaýynyń gala kontserti

ótti.

19 naýryzda Astana «Jer saǵaty» dúnıejúzilik ekologııalyq aktsııasyna qatysty.

‪

Barsha álemde mıllıardtaǵan adam planetamyzdyń bolashaǵyna nemquraıly qaramaýdyń belgisi retinde óz úıleri men páterlerinde jaryq pen elektr quraldaryn bir saǵatqa óshirdi. Sonymen qatar, basty obektiler men týrıstik kórikti jerlerde de jaryq sóndirildi.Astanada saǵat 20.30 - 21.30 aralyǵynda 300 astam ǵımarattyń syrtqy jaryqtandyrylýy toqtatyldy, sonyń ishinde «Báıterek» monýmentinde, «Han Shatyr» oıyn-saýyq ortalyǵynda, Beıbitshilik jáne kelisim saraıynda, «Astana Opera» memlekettik opera jáne balet teatrynda. Sharaǵa «Qazaqstan» sport kesheni, «Astana Arena» stadıony, «Alaý» muz aıdyn saraıy, «Barys Arena» sııaqty sporttyq nysandar da qosyldy. M. Gorkıı atyndaǵy memlekettik akademııalyq orys drama teatry, Elordalyq tsırk, Q. Qýanyshbaev atyndaǵy qazaq mýzykalyq drama teatry, «Jastar» saraıy, Qýyrshaq teatry men «Naz» bı teatry da aktsııaǵa qoldaý kórsetti.«Jer saǵaty» - Dúnıejúzilik jabaıy tabıǵat qorynyń (WWF) barsha álemde júzdegen memleketti qamtyǵan jáne tabıǵatty saqtaýdyń, planetamyzdyń shekteýli resýrstaryna qamqor bolýdyń belgisi bolyp tabylatyn aýqymdy aktsııasy. Ótken jyly aktsııaǵa 172 memleket pen 2 mıllıardtan astam adam qatysqan. 2016 jyly elimizde «Jer saǵaty» 16 sáýir - 16 mamyr aralyǵynda ótken «Ulttyq orman otyrǵyzý kúni» respýblıkalyq aktsııasynyń qamqorlyǵymen uıymdastyryldy. Aktsııaǵa Qazaqstannan 80 qala qatysty. Elorda atalǵan halyqaralyq sharany birneshe jyldan beri qoldap keledi.Aktsııa qoǵam nazary balamaly energııa kózderin paıdalanýǵa baǵyttalǵan «EKSPO-2017» halyqaralyq kórmesi qarsańynda asa mańyzdy bolyp tabylady. Memleket energııa únemdegish tehnologııalardy paıdalanyp, «jasyl ekonomıkany» damytýda, osy maqsatta jasalǵan alǵashqy qadam - resýrstardy paıdalanýdy ońtaılandyrý jáne tabıǵat qorǵaý qyzmetiniń tıimdiligin arttyrý, sondaı-aq, «jasyl» ınfraqurylymdy qurý.

20 naýryz. Astana qalasynda «Naýryz meıramy - 2016» toıy aıasynda M.Gorkıı atyndaǵy Memlekettik akademııalyq orys drama teatrynda O.Rozým «Marǵaýdyń jańa jyldy qutqarý hıkaıasy, Astana qalasynyń Qýyrshaqtar teatrynda A.Salamovanyń «Armysyń, áz-Naýryz!» qoıylymy, Astanalyq tsırkte «Jyrtqyshtar ımperııasy» baǵdarlamasy ótken bolatyn.

20 naýryzda Astana ákimi Ádilbek Jaqsybekov QR Parlamenti Májilisiniń jáne Astana qalasy máslıhaty depýtattaryn saılaýǵa qatysty. Qala basshysy Oqýshylar saraıynda ornalasqan №81 saılaý ýchaskesinde daýys berdi.

21 naýryzda Elbasy Nursultan Nazarbaev elordada Naýryz toılanyp jatqan alańǵa kelip, halyqpen birge osynda meıramdyq kórinisterdi tamashalady.

«Astana Arena» mańyndaǵy alańda ornalasqan etnoaýylda elorda turǵyndary men qala qonaqtary nazaryna kontserttik baǵdarlama usynylyp, sporttyq jarystar ótken edi. Taıqazan janynda teatrlandyrylǵan qoıylym kórsetilip, jınalǵan jurtshylyq «Naýryz kójeniń» dámin tatty.

Osynda «Tusaý keser», «Besikke salý», «Syrǵa salý», «Qyz uzatý», «Quda túsý» salt-dástúri kórsetildi, sondaı-aq «Toǵyz qumalaq» jáne basqa ulttyq oıyndardan saıys ótti.

Sport alańynda jınalǵan qaýym qazaqsha kúresten, arqan tartý, gir sporty jáne armrestlıng jarystaryna qatysty.

Munymen qosa, Shyǵys bazarynda sheberler qyshtan jasalǵan buıymdardy, zergerlik, kıizden, aǵashtan jasalǵan ónimderin kópshilik nazaryna usyndy. Ornatylǵan altybaqandarda qyz-jigitter arasynda án-aıtys uıymdastyryldy.

21 naýryzda Nursultan Nazarbaev Qazaqstan halqyn Ulystyń Uly kúnimen quttyqtady.

«Áz-Naýryz barsha halqymyzǵa qutty bolsyn! Osy jerge jınalǵan halyqqa, barlyq qazaqstandyqtarǵa shyn júregimmen baq-bereke tileımin. Ulystyń Uly kúni keshegi saılaýdaǵy uly jeńisimizben qatar keldi. Sondyqtan Qazaqstan halqy bir úıdiń balasyndaı aman-esen júrip jatqan jaǵdaıymyz bar. Osy birlikten Jaratqan bizdi ár ýaqytta ajyratpasyn. Barlyq istep jatqan jumys - keler urpaqtyń qamy. Keler urpaqqa beretin amanatymyz eldiń birligin saqtap, Táýelsizdigimizdi kózdiń qarashyǵyndaı qorǵap, bolashaqqa jol salatyn bolsyn», - dedi Prezıdent.

Osy oraıda Elbasy Qazaqstan tynyshtyq jaǵdaıynda órkendep ósip jatqandyǵyn atap ótti.

«Osy kúni adamdar bir-birine qandaı da bir renishterin keshirip, kóshet otyrǵyzyp, bulaqtardyń kózin ashqan, muqtajdar men kedeılerge kómek kórsetken. Sonymen qatar meıirimdilikke shaqyryp, jaqsy tilekter aıtqan. Men barshamyzǵa amandyq, ár otbasyǵa, ár adamǵa baqyt pen barlyq jaqsylyqty tileımin», - dedi Memleket basshysy.

21 naýryzda Astanada Naýryz merekesinde jedel járdem dárigerleri baspanaly boldy.

Astana qalasy ákiminiń orynbasary Ermek Amanshaev Jedel medıtsınalyq járdemniń 30 dárigerine páter kiltin tabystady. Saltanatty shara Naýryz meıramyn merekeleý aıasynda ótti.

Merekelik shara jedel medıtsınalyq járdem stansasy aýmaǵynda uıymdastyryldy.

21 naýryzda elordada merekelik halyqtyq serýen ótti.

Basty sharalardyń biri «Qazaq eli» monýmenti aldyndaǵy alańda ótti. Ádettegideı, kıiz úıler tigilip, sport jarystary uıymdastyryldy, altybaqan ornatylyp, kontserttik baǵdarlama kópshilik nazaryna usynyldy.

22 naýryz kúni «Astana Opera» teatrynda Qazaqstannyń eńbek sińirgen ártisi, P. Chaıkovskıı atyndaǵy HI halyqaralyq baıqaýdyń laýreaty, Memlekettik syılyqtyń laýreaty Maıra Muhamedqyzynyń «Shyrqar ánim - Astana kóktemi» atty jeke kontserti ótti.

Naýryzǵa arnalǵan kontsert «Astana Opera» teatrynyń balet ártisteri, sımfonııalyq orkestri men horynyń qatysýymen ótken edi.

Kontsertti júrgizýshiler - Dana Nurjigit, Evgenıı Chaınıkov.

Baǵdarlamanyń birinshi bóliminde - Dj. Verdı, J. Massne, G. Donıtsettı, S. Frank, I. Kalman, J. Offenbahtyń klassıkalyq opera jáne operettalarynan arııalar men dýetter oryndaldy.

Ekinshi bólimde qazaq halyq ánderi men zamanaýı ánder, sondaı-aq A. Jubanov pen L. Hamıdı, E. Rahmadıev, S. Muhamedjanov, A. Muhıtdınovtyń operalarynan arııalar men dýetter oryndaldy.

Dırıjer - Qazaqstannyń eńbek sińirgen qaıratkeri Abzal Muhıtdınov. Bas hormeıster - Qazaqstannyń eńbek sińirgen qaıratkeri Erjan Dáýitov.

22 naýryzda elorda turǵyndary men qonaqtary Naýryz meıramyn halyqtyq serýenmen, án aıtyp, bı bılep dástúrli taǵamdarmen qarsy aldy.

Qalanyń birneshe alańdarynda merekelik sharalar ótti. Basty sharalardyń biri «Qazaq eli» monýmenti aldyndaǵy alańda boldy. Munda ádettegideı, kıiz úıler tigilip, sport jarystary uıymdastyryldy, altybaqan ornatylyp, kontserttik baǵdarlama kópshilik nazaryna usynyldy.

Halyq arasynda kúres, gir sporty, armrestlıng, arqan tartý, asyq atý jarystary ótkizildi. Qalalyq mádenıet mekemeleri bolsa, adamdarǵa kóterińki kóńil-kúı syılaýda. Ashyq aspan aıasynda ótip jatqan merekege elimizdiń basqa óńirlerinen jáne shet elderden kelgen qonaqtar da qatysýda.

Aıta keter jaıt, merekelik sharalar «Báıterek» monýmentiniń aldyndaǵy alańda, sondaı-aq qalalyq alańda da óttken bolatyn.

22 naýryzda Astana qalalyq sotynda «Eń úzdik kıiz úı» básekesi uıymdastyryldy.

Sot mańyna Tóle bı, Qazybek bı, Áıteke bı, Máńgilik Alash eli jáne Esil aýyly atanǵan 5 kıiz úı qurylyp, dýmandy kesh ásem sazdy án men kúmbirlegen tátti kúıge ulasty.

Saltanatty sharany QR Joǵarǵy sotynyń tóraǵasy Qaırat Mámı ashyp, Ulystyń Uly kúni áz Naýryz meıramymen quttyqtady.

Astana qalalyq sotynyń tóraǵasy Tilektes Bárpibaev Naýryz bereke men birliktiń, tazalyq pen tatýlyqtyń, rııasyz shattyqtyń, kóterińki kóńildiń bastaýy bolyp, elge qut-bereke darytatyn, rýhanı tazartatyn, adamzatty baqytqa, qýanyshqa bóleıtin tamasha mereke ekenin aıtyp, barsha qaýymdy Ulys meıramymen quttyqtady.

Shara aıasynda «Eń úzdik kıi úı» saıysynan jarys uıymdastyrylyp, birinshi oryn «Máńgilik el», ekinshini Áıteke bı, al úshinshi oryndy Esil aýyly enshiledi. «Arqan tartýdan» Astana qalasy mamandandyrylǵan aýdanaralyq ákimshilik soty úzdik shyqty.

Dýmandy sharaǵa qatysqan Joǵarǵy Sot tóraǵasy qyzmetin atqarǵan, ardager sýdıa Mıhaıl Fedorovıch, Parlament Senatynyń depýtaty B.Beknazarov ózderiniń júrekjardy tilekterin arnady.

22 naýryzda elorda ákimi Á. Jaqsybekov qala turǵyndary men qonaqtaryn Naýryz meıramymen quttyqtady.

«Qurmetti astanalyqtar jáne qala qonaqtary!

Sizderdi Ulystyń uly kúni - Naýryz merekesimen shyn júrekten quttyqtaımyn!

Áz Naýryz halqymyzda jańa jyldyń bastaýyn, tabıǵat ananyń qaıta jańǵyrýyn bildiredi. Kóktemniń osynaý ǵajaıyp merekesi ejelden yrys pen berekeniń, molshylyq pen jańashyldyqtyń jarshysy sanalǵan. Kún men túnniń teńesip, dúnıeniń jaınaıtyn sáti Qazaq eline jaqsylyǵyn ala kelsin. Ulys oń, aq mol bolsyn! Naýryz meıramy barshamyzǵa qutty bolsyn!

Sizderge zor densaýlyq, shańyraqtaryńyzǵa yrys pen bereke, eńbekterińizge mol tabys tileımin!», delingen qala ákiminiń quttyqtaýynda.

24 naýryzda QR Ulttyq mýzeıinde «Daryn-2008» memlekettik jastar syılyǵynyń laýreaty Aıdar Jamhan men Astana qalasy Qazaq sýretshiler qaýymdastyǵynyń múshesi Shahmardan Aıdostyń «Jambyl Jabaev» kartınasynyń tusaýkeseri ótti.

Kartınada qolynda dombyrasy bar, basyna qara-qońyr tústi bórik, ústine ulttyq shapan kıgen aqyn beınelengen. Sonymen qatar, týyndydan qyzyl jolbarystyń beınesin jáne basqur, kilem, túskıizdiń elementterin kórýge bolady. Kompozıtsııanyń oń jaǵynda qazaqtyń keń dalasy men aspany, asqar taýdyń beınesi bar.

24 naýryzda elordada KSRO jáne Qazaq KSR halyq ártisi, Qazaqstan Memlekettik syılyǵynyń laýreaty, professor erkeǵalı Rahmadıev atyndaǵy І halyqaralyq baıqaýy ótti.

Bul sharany QR Mádeneıet jáne sport mınıstrligi men «Qazaq ulttyq óner ýnıversıteti uıymdastyrǵan bolatyn.

Baıqaý vokaldyq óner jáne hordy dırıjerleý degen eki atalym boıynsha júrgizildi.

25 naýryzda Qazaqstan Respýblıkasynyń Ulttyq mýzeıinde memlekettik «Daryn-2008» jastar syılyǵynyń laýreaty Aıdar Jamhan men Astana qalasy Qazaq sýretshiler qaýymdastyǵynyń múshesi Shahmardan Aıdostyń «Jambyl Jabaev» kartınasynyń tusaýkeseri ótti.

25 naýryz kúni Astanada kórkem gımnastıkadan Qazaqstan Kýbogy ótti. Jarysqa elimizdiń 13 óńirinen 230 sportshy qatysty. Elordalyq sportshylar 39 medal enshiledi: 18 altyn, 12 kúmis jáne 9 qola.

27 naýryzda elordadaǵy Jastar teatrynda Halyqaralyq teatr kúnine oraı merekelik sharalar uıymdastyryldy.

Oǵan Jastar teatry, Q.Qýanyshbaev atyndaǵy Qazaq akademııalyq mýzykalyq-drama teatry, M.Gorkıı atyndaǵy orys akademııalyq teatry, Astana qalasy Kóńildi tapqyrlar teatry, Qýyrshaq teatry jáne «Naz» memlekettik bı teatrlary qatysty.

Teatr kúnin toılaý - bas qalanyń mádenı ómirinde dástúrge aınalǵan. Bul kúni Astana qalasynyń teatrlary sahna men sahna syrtyndaǵy qyzyqty sátter, ádemi áýen men kóńildi mınıatıýralar kórsetedi.

26 naýryzda Astanada Oqýshylar saraıy ǵımaratynda Qazaqstan Respýblıkasy Táýelsizdiginiń 25 jyldyǵyna oraı ótkizilgen «Naýryz meıramy - 2016» qalalyq baıqaýynyń jeńimpazdary marapattaldy.

Astana qalasy ákimdiginiń uıymdastyrýymen Naýryz meıramyn merekelegen kúnderi memlekettik organdar, kásiporyndar men uıymdar arasynda, jalpy 40-tan astam mekeme arasynda qalalyq baıqaý ótkizildi.

27 naýryzda Dúnıejúzilik teatr kúnine oraı elordanyń úzdik ártisteri «Jastar» teatrynda bas qosty. Atalǵan sharany ótkizý dástúrge aınalǵan.

27 naýryzda Elordalyq aspazdar Daýn sındromyna shaldyqqan balalarǵa sheberlik sabaǵyn ótkizdi.

Aıta keterligi, sheberlik sabaqtary balalarǵa tegin ótkizildi. Munan bólek, olar biregeı taǵamnan dám tatyp, tort jasaýdyń qyr-syryn da úırendi.

Búginde elordada Daýn sındromyna shaldyqqan shamamen 300 bala bar. Jyl saıyn Astanada dál osyndaı dıagnozben 30 sábı dúnıege keledi. 2015 jyldyń jeltoqsanynda ata-analardyń kúshimen «Solnechnyı mır» qoǵamdyq qory quryldy. Onyń basty maqsaty - Daýn sındromyna shaldyqqan balalardy ońaltý jáne olarǵa kómek kórsetý.

27 naýryzda Qazaq Ulttyq óner ýnıversıtetiniń kúıshileri kúı aptalyǵyn ótkizýdi bastady. Aıta ketý kerek, úsh kúnde alty birdeı kúı keshi ótti.

28 naýryzda The Exchange zamanaýı amerıkandyq akapella toby sáýirdiń 3-ine deıin Qazaqstannyń 3 qalasyna - Astana, Qyzylorda, Almatyǵa gastroldik sapar jasady.

2012 jyly jigitterden quralǵan top erekshe qaıtalanbas stılimen jáne rok, opera, R&B, hıp-hop baǵytynda akapella repertýarlarymen kózge tústi. Toptyń bes múshesiniń árqaısysy - Aaron Sperber, Alfredo Ostın, Krıstofer Dıaz, Djamal Mýr, Rıchard Shtaıner - ózderine tán anyq tústi daýystarymen mýzykany árlendire túsedi. The Exchange toby bir sahnada tanymal Olly Murs, Flo Rida, Sara Bareilles, Wynton Marsalis, Boyz II Menmen birge óner kórsetti; McDonalds, Kraft, jáne NY Giantspen birigip jumys jasady; sondaı-aq, The Daily Show, Rolling Stone, Ryan Seacrest, Perez Hilton, jáne Entertainment Weekly atty tanymal túsirilimderge qatysty. Kóp uzamaı the Backstreet Boys tobymen álemniń 32 qalasyn sharlap, birge ónerlerin somdady.

28 naýryzda Astanada áıelder men erler arasynda konkımen júgirý kópsaıysy boıynsha Qazaqstan Respýblıkasynyń chempıonaty jáne jasóspirimder arasynda jeke qashyqtyq boıynsha QR-nyń chempıonaty bastaldy. Jarys 30 naýryzǵa deıin jalǵasty.

Chempıonattyń nátıjesi boıynsha, ulttyq quramaǵa jeńiske jetken 10-ǵa tarta sportshy alynady. Tanymal sportshylardan búgingi jarysqa Aleksandr Jıgın, Denıs Kýzın, Fedor Mezentsev, Ekaterına Aıdova qatysyp jatqandyǵyn da aıta ketken jón.

28 naýryzda Astanada M.Ótemisuly atyndaǵy Oqýshylar saraıynda Qazaqstan Respýblıkasy Táýelsizdiginiń 25 jyldyǵyna arnalǵan balalar shyǵarmashylyǵy men beıneleý óneriniń «Tumar-2016» qalalyq kórmesiniń qorytyndysy shyǵaryldy. Kórmege 250 oqýshy qatysqan bolatyn. Jas sheberler kollajdar, applıkatsııalar, oıý-órnekter, músinder, as úı zattaryn jáne t.b. jasaǵan.

Baıqaý qorytyndysy boıynsha «Art-ınstallıatsııa» nomınatsııasynda «Nur Orda» mektebiniń ókili segiz jasar Ahmet Qabdolla úzdik atandy. «Sándik-qoldanbaly óner» sanatynda №2 mektep-gımnazııasynyń oqýshysy Aıym Qaıorǵazınova kósh bastady. «Maketter, kollajdar, qaǵazbastylyq» nomınatsııasynda №27 mektep-lıtseıiniń shákirti Kamıll Kamalovtyń jáne Elena Kırpıchevanyń eńbekteri erekshe dep tanyldy. Eń kreatıvti músinniń avtory №1 matematıkalyq-ekonomıkalyq lıtseıdiń oqýshysy on alty jasar Ermek Turǵymbaev bolyp shyqty.

29 naýryzda Astanada «Ónerkásipqurylys - Astana» jáne «EkspoJyljymaıtyn múlik - 2016» atty qurylys salasyndaǵy eki halyqaralyq kórme ashyldy. Kórmege qatysý úshin Qazaqstanǵa 10 eldiń kompanııalary keldi.

«Ónerkásipqurylys - Astana» kórmesinde jurtshylyq nazaryna qurylys materıaldaryn, taý-ken óndiris ónerkásibine arnalǵan tehnıkany jáne basqa da ónimder usyndy. Iran kompanııalary kórmege alǵash ret qatysty.

Kóp jyldar boıy osy kórme barysynda kóptegen iskerlik baǵdarlamalar iske asyrylyp keledi.

«EkspoJyljymaıtyn múlik - 2016» kórmesine toqtalatyn bolsaq, bul shara Qazaqstan men sheteldiń jyljymaıtyn múligi naryǵy jaıynda aqparat usynýdyń biregeı múmkindigi. Kórmege kelýshiler turǵyn úı jáne kommertsııalyq jyljymaıtyn múlikti, jer telimderin satyp alý, bıznesti shetelde júrgizý máseleleri boıynsha keńes aldy.

29 naýryzda Astanada «Jas ulan» respýblıkalyq mektebinde QR QK Qurlyq áskerleriniń boksynan ІІІ ashyq týrnır bastaldy. Týrnırge ofıtserler, kelisimshart boıynsha áskerı qyzmetshiler, merzimdi qyzmettegi áskerı qyzmetshiler qatysty.

Týrnır AIBA halyqaralyq boks federatsııasynyń halyqaralyq erejeleri boıynsha ótkizildi. Komandanyń quramy - 10 adam (8 sportshy, 1 ókil jáne 1 tóreshi). Saıysqa 56, 60, 64, 69, 75, 81, 91 kelige deıingi jáne 91 keliden joǵary salmaqtaǵy qatysýshylar qatysa aldy.

29 naýryz kúni RF Penza oblysynyń gýbernatory Ivan Belozertsev bastaǵan delegatsııa Astanaǵa úsh kúndik resmı saparmen keldi.

Sapardyń basty maqsaty - ekonomıkalyq jáne gýmanıtarlyq ekijaqty qarym-qatynasty nyǵaıtý.

Búgin reseılik delegatsııa Astana qalasynyń ákimi Ádilbek Jaqsybekovpen kezdesti. Elorda basshysy aımaqtar arasyndaǵy saýda-ekonomıkalyq jáne áleýmettik-mádenı ózara qarym-qatynastyń negizi dástúrli tarıhı baılanystar ǵana emes, sondaı-aq, naqty is júzindegi baılanysta bolatynyn atap ótti.

«Biz Penza oblysymen seriktestik qarym-qatynasty tereńdetýge jáne júıeli túrde keńeıtýge kóp mán beremiz», - dedi Á. Jaqsybekov. Elorda ákimi aımaq basshysynyń sapary kórshi memleketterdiń aımaqtary arasyndaǵy dostyqty nyǵaıtýǵa jáne ony odan ári damytýǵa qosymsha serpin beretinine senim bildirdi.

Tórt jyldan beri Astana men Penza oblysynyń arasynda saýda-ekonomıkalyq, ǵylymı-tehnıkalyq jáne mádenı yntymaqtastyq týraly eki jaqty kelisim áreket etýde. Atap aıtqanda, aımaqtar arasynda azyq-túliktik jáne aýyl sharýashylyq salalarda belsendi saýda júrgiziledi.

Penza oblysynyń gýbernatoryAstana qalasynyń ákimine qonaqjaılylyǵy men Qazaqstannyń jas astanasynyń damýymen tanysýǵa múmkindik bergeni úshin alǵys aıtty.

«Búginde Astana jetistikke qol jetkizdi. Qazirgi zamanǵy turǵyn úı, mádenıet jáne sport nysandary qurylysynyń qarqyny tań qaldyrady. Buǵan keshe qalany aralaǵan kezde taǵy da kóz jetkizdik. Bul qonaqjaı jer, adam kapıtalyn tartatyn ortalyq, qarqyndy ekonomıkalyq damý aýmaǵy bolyp tabylatyny sózsiz», - dedi I. Belozertsev. Gýbernator Penza oblysy úshin aımaqtar arasyndaǵy yntymaqtastyqty nyǵaıtý mańyzdy ekendigin atap ótti.

Búgin Astana ákimdigi men Penza oblysy Úkimetiniń densaýlyq saqtaý, bilim, mádenıet jáne týrızm salalaryndaǵy profıldi qurylymdarynyń ókilderi jumys kezdsýlerin ótkizedi. Sonymen qatar, delegatsııa EXPO-2017 kórme kesheniniń aýmaǵynda bolady.

Penza oblysynyń gýbernatoryAstana qalasy ákiminiń keler jyly keńeıtilgen delegatsııamen Astanaǵa kelýge shaqyrýyn qabyl aldy. I.Belozertsev aımaq turǵyndarynyń aldaǵy jyly ótetin kórmege qýana keletinin jetkizdi. Sondaı-aq, taraptar EHRO-2017 halyqaralyq mamandandyrylǵan kórmesi barysynda Penza oblysynyń Astanadaǵy kúnderin ótkizý týraly ýaǵdalasty.

30 naýryzda QR Ulttyq mýzeıinde «National Geographic Qazaqstan» jýrnalynyń jaryq kórýine oraı Qazaqstan jáne AQSh ǵalymdarynyń qatysýymen kezdesý ótti.

Kezdesýge eki dúrkin Pýlıtser syılyǵynyń ıegeri Pol Salopek pen tanymal AQSh ǵalymy Aleksandr Moen qatysty. P.Salopek - búkil álemdi jeti jyl ishinde jaıaý sharlap ótýdi maqsat etip kele jatqan zertteýshi, jıhangez-jazýshy. Sol sapary aıasynda ol qazir Qazaqstanǵa kelip jetti. Al, A.Moen «Out of Eden Walk», ıaǵnı «Edennen bastalǵan saıahat» nemese «Álemdik serýen» jáne «Genography» jobalaryna jetekshilik etip kele jatqan ǵalym.

30 naýryzda Astanada konkımen júgirý kópsaıysy boıynsha Qazaqstan chempıonaty aıaqtaldy. Jarys qorytyndysy boıynsha erler arasynda Denıs Kýzın, áıelder arasynda - Ekaterına Aıdova chempıon atandy.

Úsh kún boıy «Alaý» muzaıdyny saraıynda ótken chempıonatqa segiz aımaqtan kelgen sportshylar qatysty. Jarystar eresekter arasynda da, jasóspirimder arasynda da uıymdastyryldy. Jalpy, 13 medal jıyntyǵy sarapqa salyndy. 500, 1500, 1000 jáne 3000 metrge júgirýde jınalǵan upaı sany boıynsha Ekaterına Aıdova kósh bastady, Tatıana Klımchýk ekinshi, Marııa Sızova úshinshi orynda.Erler arasynda barlyq qashyqtyqtar boıynsha jarystarda Denıs Kýzın úzdik boldy, Dmıtrıı Morozov kúmis, Aleksandr Klenko qola medal enshiledi.Jasóspirimder arasynda klassıkalyq kópsaıystan Demıan Gavrılov, qyzdar arasynda Aleksandra Prımak top jardy.

30 naýryz kúni Amerıkandyq «The Exchange» tobynyń Astanadaǵy shoýy asa áserli boldy.

Qazaqstandaǵy AQSh elshiligi Qazaqstan men AQSh arasyndaǵy dıplomatııalyq qatynastardyń ornaýyna 25 jyl tolýyna arnalǵan sharalar ótkizilgen bolatyn.

Bul sharalar negizinen: ınnovatsııa, dostyq jáne áriptestik taqyryptaryn qamtydy. Osynaý ataýly kúnge oraı Astanada AQSh elshiliginiń American Music Abroad» baǵdarlamasy boıynsha qarjylaı qoldaýymen amerıkandyq «The Exchange» toby óner kórsetti. Sondaı-aq bul kontsertke qazaqstandyq ártister: «Akapello Aprıorı» toby, qobyzshy Láılá Tájıbaeva jáne ánshi Ardana ( Artemıs toby) qatysty.

31 naýryzda QR Ulttyq akademııalyq kitaphanasynda memleket jáne qoǵam qaıratkeri, «Alash» ult-azattyq qozǵalysynyń negizin qalaýshy ári kósemi Álıhan Bókeıhanovtyń 150 jasqa tolǵan mereıtoıyna baılanysty «Álıhan Bókeıhanov jáne ult rýhanııaty» taqyrybynda dóńgelek ústel ótti.

ıÝNESKO Bas konferentsııasynyń 38-shi sessııasynyń sheshimine sáıkes, Álıhan Bókeıhanovtyń mereıtoıy 2016 jylǵy ıÝNESKO-nyń Ataýly kúnder kúntizbesine engizildi.

Dóńgelek ústel barysynda L. N. Gýmılev atyndaǵy EUÝ janyndaǵy «Alash» ǵylymı-zertteý ınstıtýty (dırektory Sultan Han Aqqululy). tarapynan qazaq, aǵylshyn jáne orys tilderinde daıyndalǵan «Álıhan Bókeıhan. Alikhan Bukeikhan. Alıhan Býkeıhan» atty zertteýler, pýblıtsıstıkalyq maqalalar, suhbattar jáne dóńgelek ústel materıaldarynyń jınaǵy kitaphanaǵa syıǵa tartyldy. Dóńgelek ústel jumysyna «Otyrar kitaphanasy» ǵylymı-zertteý ortalyǵynyń dırektory, alashtanýshy ǵalym Tursyn Jurtbaı, Memlekettik tarıh ınstıtýtynyń dırektory, tarıh ǵylymdarynyń doktory, professor Búrkit Aıaǵan, QR Parlamenti Májilisiniń depýtaty Saýytbek Abdrahmanov, L. N. Gýmılev atyndaǵy EUÝ professorlary Zııabek Qabyldınov, Danagúl Mahat qatysty.

«Alash qozǵalysynyń kósemi» atty kitap kórmesi Álıhan Bókeıhanovtyń qoǵamdyq-saıası, memlekettik, ǵylymı, pýblıtsıstıkalyq jáne jýrnalıstik qyzmeti jáne onyń baı murasyna arnaldy.

31 naýryzda QR Ulttyq mýzeıine japondyq bes sýretshi ózderiniń toǵyz kartınasyn syıǵa tartty.

Bul syı-sııapat 3-31 naýryz aralyǵynda «Bes sýretshi - bes qubylys: dástúrler men jańashyldyq» kórmesi uıymdastyrylýyna oraı, japondyq taraptyń rızashylyǵymen tabystaldy.

Mııata Reheı, Mıtamýra Arısýma, Saıto Norıhıko, Mızogýchı Bodýko jáne Kavachı Kýnpeı sekildi sýretshiler elordanyń óner súıer qaýymynyń nazaryna 35 týyndysyn usyndy.

Bul kórmede kallıgrafııa, nıhong kórkem sýretterin, týshpen salynǵan týyndylardy, shaǵyn músinderdi, sondaı-aq ózge de japondyq ónerdiń jetistikterin baıqaýǵa bolady.

QR Ulttyq mýzeıiniń dırektory Darhan Myńbaı kórmege Japonııanyń ónerdegi úzdik sheberleriniń týyndylary usynylǵan atap ótti.

Syıǵa tartylǵan 9 kartınanyń arasynda japondyq JOO rektory Mııata Reheıdiń de eńbegi bar. Aıta keteıik, bul kórmeni uıymdastyrýǵa Japon qory, Sýretshilerdiń Azııa-Tynyq muhıttyq qaýymdastyǵy, Japonııanyń Qazaqstandaǵy Elshiligi qoldaý jasady.

1 sáýirde Kongress-hollda qazaq eliniń birtýar perzenti, halqymyzdyń mádenıeti, mýzyka ónerinde kompozıtor, dırıjer retinde óshpes iz qaldyrǵan, kúıshi, Nurǵısa Tilendıevtiń shyǵarmashylyǵyna arnalǵan «Nur aǵa» gala-kontserti ótti.

Nurǵısa Tilendıev kóziniń tirisinde-aq qazaq mýzykasynyń saıypqyrany atanǵan edi. Onyń talaı sazy tyńdarmannyń júreginen oryn taýyp, qazaq kınosyn ásem áýenmen árlegen bolatyn. Ol 500-den astam mýzykalyq tól týyndynyń avtory. Onyń «Aqqý», «Ańsaý», «Arman», «Kósh kerýen», «Mahambet», «Sarjaılaý» sııaqty ánderi men kúıleri halqynyń súıip tyńdaıtyn rýhanı qazynasyna aınalǵan.

Nurǵısa Tilendıevke arnalǵan kontserttiń ereksheligi - avtordyń halyq ujymdaryna arnap jazǵan shyǵarmalaryn Astana qalasy ákimdigi Memlekettik akademııalyq fılarmonııasynyń sımfonııalyq orkestriniń oryndaıtynynda. Dırıjeri - Ernar Nurtazın jáne Berik Batyrhan.

Án-jyr keshine KSRO halyq ártisi Bıbigúl Tólegenova, QR halyq ártisi Nurǵalı Núsipjanov pen Maıra Muhamedqyzy, QR eńbek sińirgen qaıratkerleri Aıgúl Úlkenbaeva, Altynaı Jorabaeva, Aıgúl Qosanova, Azamat Jyltyrkózov, Bıbigúl Januzaq, Qazaqstannyń jastar syılyǵynyń ıegeri Nurǵalı Turlybekov, sondaı-aq, respýblıkalyq jáne halyqaralyq baıqaýlardyń laýreattary Aızada Kaponova, Nurbol Balapanov, Shahrızada Tynyshtyq qatysty.

***

Elordamyzda túrli salaǵa qatysty, túrli deńgeıdegi san-alýan sharalar ótedi. Bul 1 qańtar men 1 sáýir aralyǵyndaǵy Astana jylnamasyna engen oqıǵalardyń bir bóligi ǵana. «QazAqparat» aldaǵy ýaqytta da Astananyń tynys-tirshiligine qatysty jańalyqtarmen bólisip otyratyn bolady.

Astana

bez avtora

Avtory