«Astana» hokkeı klýby alǵashqy jeńisine qol jetkizdi
TANA. 27 shilde. QazAqparat - «Barys» sport kesheniniń muz aıdynynda seısenbi kúni «Astana» jáne «Barys-2» hokkeı komandalary kezdesti.
Bul týraly Astana qalasynyń týrızm, dene shynyqtyrý jáne sport basqarmasynyń baspasóz qyzmetinen habarlady.
Komandalar 30 mınýttan eki kezeń oınady. Oıynnyń joldastyq kezdesý bolǵandyǵyna qaramastan, muz ústindegi shaıqas qyzý boldy. Birinshi bolyp esepti «Astana» hokkeıshileri ashty: shaıbany 14-shi nómirdegi Rýslan Vasın soqty. Biraq qarsylastar da qarap qalǵan joq, Anton Sagadeev uzaqqa sozbaı esepti teńestirdi.
Jeńis shaıbasyn «astanalyq» Alekseı Kýznetsov soqty, sóıtip óz komandasynyń esesin qaıtardy. Esterińizge sala keteıik, osydan eki apta buryn ótken joldastyq kezdesýde Vladımır Belıaevtiń tárbıelenýshileri «Qar barystarynan» 0:1 esebimen jeńilip qalǵan edi.
Jańa komandanyń bas jattyqtyrýshysy Vladımır Belıaev bul kezdesýlerdiń basty maqsaty - jeńis emes, jattyǵý jáne maýsymda oınaıtyn quramany anyqtaý ekenin aıtyp otyr.
27 shildeden bastap «Astana» klýby aldaǵy maýsymda oınaıtyn óz quramyn resmı tanystyra bastaıdy. Klýb basshylyǵy elordalyq hokkeı klýbymen birinshi bolyp kelisimshartqa otyratyn toǵyz oıynshynyń esimin búgin, 27 shilde kúni jarııa etpek.
