Astana HQO jasyl qarjylandyrýdy damytpaq

ASTANA. QazAqparat - «Astana» halyqaralyq qarjy ortalyǵy (HQO) jasyl qarjylandyrý tetikterin damytatyn bolady. Bul jaıynda Astana ekonomıkalyq forýmy aıasynda ótken Qazaq jýrnalısteri birlestiginiń «Ǵalamdyq ekonomıkadaǵy qazaq BAQ-nyń róli» atty sessııada «Astana» HQO-nyń basqarýshy dırektory Saıasat Nurbek málim etti, dep habarlaıdy QazAqparat. 

Onyń sózinshe, Astana ekonomıkalyq forýmynda Astana halyqaralyq qarjy ortalyǵy eki sharanyń uıymdastyrýshysy. Sonyń biri - jasyl qarjylandyrý.

«Osy taqyryp týraly aıtyp ketińizshi, qyzyq taqyryp. Termınniń ózi jańa», -dep atap ótti sessııanyń moderatory, jýrnalıst Móldir Baqyt.
Óz kezeginde Saıasat Nurbek qazirgi tańda dúnıejúzinde energetıkanyń ishki tabıǵaty, qurylymy, qarjylandyrý tetikteri aýysyp jatqandyǵyn basa aıtty.

«Ásirese, Eýropa elderinde, AQSh-ta úlken revolıýtsııa bolyp jatyr. Eń sońǵy jańalyqqa toqtalsaq, Danııa eli 2015 jyly óz ózin 130 paıyz elektr qýatymen qamtamasyz etken. ıAǵnı, balamaly energııa kózderimen, ol - jeldiń qýaty, kúnniń qýaty. Osy balamaly qýat kózderin ishki tutyný 130 paıyzdan asyp ketken. 100 paıyzyn ózi ıgeredi, qalǵan 30 paıyzyn satyp otyr. Danııa - sýyq memleket, Skandıvanııa elderine jaqyn. Olar jel men teńizdiń qýatyn paıdalanady kóbine. Ekinshi mysal - Germanııa. Germanııa qazir balamaly, taza energııa kózderin tutynýshylarǵa tegin beredi. Al, AQSh-ta Maıkl Blýmberg, Apple-diń ózi osy turǵydaǵy tehnologııalardy taýyp jatyr. 2015 jyly qol qoıylǵan Parıj kelisimsharty boıynsha 2020 jylǵa deıin 192 el osy salaǵa 7,2 trln dollar ınvestıtsııa quıýǵa kelisti. AQSh-ta eń kóp jumys oryndaryn beretin sala - balamaly energııa bóletin sala. AQSh Energetıka mınıstriniń málimetine súıensek, jarty mıllıonnan astam jańa jumys oryndaryn berip otyr. Taǵy bir qyzyqty faktor - eń kóp patent, eń kóp ıntelektýaldy patentter osy salada berilip jatyr. Sondyqtan, osy salada shyqqan qarjylandyrý - «jasyl qarjylandyrý» dep atalady», - dedi ol.

Onyń dereginshe, Norvegııa munaı qoryna baı bolǵanymen qazirgi ýaqytta qarjysynyń 30-40 paıyzyn tek qana «jasyl» energetıkaǵa salýda.
«Al Qazaqstanda osy salany damytý úshin óndiriletin energııa baǵasynyń tym arzan bolýy tejeýish faktor bolyp otyr. Pavlodarda jylý elektr stantsııalary tur, Pavlodarda óte arzan kómir shyǵyp jatyr. Sondyqtan, kómir jaǵylady da energııanyń baǵasy 10 tsentten aspaıdy. Al balamaly energııanyń tıimdiligi - 10-11 dollarǵa teń bolady eken. Sondyqtan, qazirgi tańda Astana halyqaralyq qarjy ortalyǵynyń bir basymdyǵy - «jasyl» qarjylandyrý.

Onyń negizgi maqsaty - jańa, kúrdeli quraldar arqyly osy salany damytý. Bul óte úlken naryq. Sonymen qatar, AQSh pen Eýropadan basqa, Qytaı da osy naryqqa qosylyp jatyr. Qytaıdyń eń birinshi problemasy - qorshaǵan ortany qorǵaý. Olardyń úlken josparlary bar. Úlken zaýyttar men fabrıkalardy iske qosyp jatyr. Ekinshiden, osy naryqqa kóp qarjy daıyndap, quıaıyn dep otyr», - dedi ol.