«Astana» HQO óńirlik bıznes-habqa aınalady - Qaırat Kelimbetov
BEIJІŃ. QazAqparat - «Astana» halyqaralyq qarjy ortalyǵy (AHQO) «Bir beldeý, bir jol» baǵdarlamasy aıasynda óńirlik bıznes-habqa aınalady.
Bul jaıly búgin AHQO basqarýshysy Qaırat Kelimbetov málimdedi, deıdi «QazAqparat» HAA Qytaıdaǵy menshikti tilshisi.
Búgin AHQO men Beıjińdegi Tsınhýa ýnıversıteti arasynda ózara túsinistik jáne yntymaqtastyq boıynsha memorandým jasalǵandyǵyn esterińizge salamyz.
2017 jyldyń 14-15 mamyry kúnderi Beıjińde «Bir beldeý, bir jol» baǵdarlamasy aıasynda halyqaralyq yntymaqtastyqty nyǵaıtý maqsatymen joǵary deńgeıdegi forým ótkizilmek. Bul forýmǵa 29 memlekettiń prezıdentteri men premerleri qatysady, olardyń qatarynda Qazaqstan Prezıdenti Nursultan Nazarbaev ta bar.
Búgin Qazaqstan Respýblıkasynyń Prezıdenti Nursultan Nazarbaev Qytaı Halyq Respýblıkasyna resmı saparmen keldi .
