«Astana» HQO qyzmetkerleri Tsınhýa ýnıversıtetinde biliktilikterin arttyrady

BEIJІŃ. QazAqparat - Búgin Beıjińde «Astana» halyqaralyq qarjy ortalyǵynyń (AHQO) basqarýshysy Qaırat Kelimbetov pen Tsınhýa ýnıversıtetiniń vıtse-prezıdenti Shı Igýn  AHQO men atalmysh qytaı ýnıversıteti arasyndaǵy ózara túsinistik pen yntymaqtastyq jaıly memorandýmǵa qol qoıdy, - deıdi Qytaıdaǵy «QazAqparat» HAA menshikti tilshisi.

Memorandým jasalýynyń basty maqsaty - qarjy ortalyǵy qyzmetkerleriniń biliktiligin arttyrý jolynda  birikken ǵylymı jobalardy júzege asyrý.

 

Shı Igýnmen kelissóz barysynda Q.Kelimbetov halyqaralyq deńgeıdegi mamandardy daıarlaý - AHQO-yn iri qarjy ortalyqtarynyń biri retinde qalyptastyrý jolyndaǵy mańyzdy qadam ekendigin atap ótti.

Búgingi tańda AHQO qyzmetkerlerdiń kadrlyq rezervin qalyptastyrý jáne qarjylyq qyzmettiń joǵary deńgeıin qamtamasyz etý maqsatynda halyqaralyq standarttarǵa sáıkes kásibı damý baǵdarlamasyn júzege asyrýda. AHQO ókilderi AQSh, Ulybrıtanııa, Japonııa elderinde bilim alady.

 

«QazAqparatqa» bergen suhbatynda ýnıversıtettiń vıtse-prezıdenti Tsınhýa Shı Igýn aldaǵy ýaqytta AHQO-men tájirıbe almasý baılanysyn nyǵaıtýdan úmittenetindigin atap ótti.

«Qazaqstan - «Bir beldeý, bir jol» baǵdarlamasyn júzege asyrý jolynda Qytaı úshin mańyzdy seriktes, sondaı-aq Jibek jolyndaǵy ekonomıkalyq beldeýdiń negizgi núktesi. Biz «Astana» halyqaralyq qarjy ortalyǵynyń álemdik deńgeıdegi iri qarjy ortalyǵyna aınalatynyna senimimz mol», - dedi ol.