«Astana» HQO krıptovalıýtany zerdeleýge kiristi
«Astana» HQO tsıfrlyq tehnologııalar jónindegi dırektory Ásel Jıenbaevanyń aıtýynsha, krıptovalıýtany zerdeleý jumysy eki baǵytta júrgiziledi.
«Negizi, krıptovalıýtany valıýta, aktıv nemese tólem retinde paıdalanýǵa bolady. Biz valıýta retinde qarastyrmaımyz. Ol Ulttyq banktiń quziretine jatady. «Astana» Halyqaralyq qarjy ortalyǵy bolsa, krıptovalıýtany aktıv sııaqty, ıa bolmasa, tólem júrgizý tehnologııasy retinde qarastyra alady. Osyǵan baılanysty bizde blokcheın ortalyǵy ashyldy», - dedi Á.Jıenbaeva QazAqparat tilshisine bergen suhbatynda.
Onyń sózine qaraǵanda, blokcheın ortalyǵy úsh platformamen jumys isteıtin bolady. Birinshisi - «Corda» blokcheın platformasy. Atalǵan júıe R3 Halyqaralyq konsortsıýmyna tıesili.
«Bul - tikeleı qarjy salasynda qoldanalatyn blokcheın-platfoma. Onymen aqshany bir-birimizge jibere alamyz. Sony biz banktermen birge qoldanyp kóremiz. Ekinshi tehnologııa «Mastercheın» dep atalady. Bul - Reseıdiń arnaıy jasaǵan qarjy salasyndaǵy tehnologııasy. Úshinshisi - IBM-niń tehnologııasy. Osy úsh tehnologııany qarastyryp, birneshe jobany jasaımyz. Sońynda naqty qaı baǵytta engizý kerektigin sheshemiz. Qandaı nátıje beredi? Durys pa? Joq pa? Bunyń barlyǵyn jan-jaqty zerdeleımiz», - dep atap kórsetti Á.Jıenbaeva.
Aıta keteıik, «Astana» HQO tsıfrlyq tehnologııalar jónindegi dırektory Ulttyq bankke krıptovalıýtalar naryǵyn tezdetip baqylaýǵa alýǵa keńes berdi.