«Astana» HQO-ǵa bıýdjetten qansha qarjy bólinedi
ASTANA. QazAqparat - Úsh jylda «Astana» Halyqaralyq qarjy ortalyǵynyń qyzmetin uıymdastyrý men júrgizý sharalaryna 60 mlrd teńge bólinedi, dep xabarlaıdy QazAqparat tilshisi.
«Astana» HQO basqarýshysy Qaırat Kelimbetovtiń aıtýynsha, ázirshe ortalyq úsh jyldaı bıýdjettiń esebinen qarjylandyrylady degen jospar bar.
«Jalpy, úsh jylda barlyq qarjy ınstıtýttarynyń jumysyna jyl saıyn shamamen 20 mıllıard teńge bólinedi. Bıylǵy bıýdjette de sondaı soma qarastyrylǵan. Halyqaralyq qarjy ortalyǵynyń bırjasy úsh-bes jyldyń ishinde ózin-ózi aqtaıtyn dárejege jetedi degen jospar bar. Sodan bastap bıýdjetten bólinetin aqsha birtindep azaıady», - dedi Q.Kelimbetov Úkimet úıinde ótken baspasóz máslıxatynda.
Onyń sózine qaraǵanda, bes jyldyń ishinde «Astana» Halyqaralyq qarjy ortalyǵy, kem degende, 3-5 mlrd AQSh dollaryn tartýy tıis.
«Jalpy, on jyldan keıin qarjy ortalyǵy arqyly Qazaqstanǵa 40 mlrd dollarǵa deıin aqsha tartylady. Árıne, oǵan jekeshelendirý sharalary da óz septigin tıgizedi», - dep atap kórsetti Q.Kelimbetov.
Aıta keteıik, búgingi baspasóz máslıxatynda Q.Kelimbetov krıptovalıýtaǵa qatysty keńes berdi.
Budan bólek, qarjy ortalyǵynyń basqarýshysy shtat týraly aıtyp berdi.
