Astana HQO-da tólqujat pen jeke kýálik rásimdeıtin termınaldar ornatyldy
Іshki ister mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, Qazaqstanda alǵash ret «Qujattaý termınaly» arqyly azamattarǵa pasport pen jeke kýálikti rásimdeıtin pılottyq jobany iske qosýda. Endi kez kelgen azamat tólqujat nemese jeke kýálik alýǵa ótinimdi derbes jasaı alady.
«Termınal QR ІІM derekqoryndaǵy fotosýret boıynsha jeke tulǵany bıometrııalyq sáıkestendirý kameralarymen, qoltańbany oqý úshin skanermen jáne memlekettik bajdy tóleý úshin QR-kodpen jabdyqtalǵan. Ony paıdalaný úshin klıent barlyq derekterdi toltyryp, bıometrııalyq sáıkestendirýden ótip, sýretke túsip, qol qoıyp, QR kody boıynsha qyzmetke aqy tóleýi kerek», - dedi Іshki ister mınıstrliginiń onlaın-brıfınginde vedomstvo ókili Shuǵyla Turlybek.
Termınal arqyly ótinim bergen soń, qyzmet alýshy kóshi-qon qyzmetkerine júginýi qajet. Ol ótinishtiń, fotosýrettiń jáne qoltańbanyń sáıkestigin tekseredi. Protsess birneshe mınýtqa sozylady.
«Bul yńǵaıly jáne jyldam. HQKO-da daıyn qujattardy berýdiń avtomattandyrylǵan pýnkti jumys isteıdi. Tutastaı alǵanda, bul tehnologııa memleket usynatyn qyzmetterdiń sapasy men jyldamdyǵyn arttyrady, qujat rásimdeý merzimin edáýir qysqartady, sybaılas jemqorlyq táýekelderin azaıtady, óıtkeni barlyq protsester ashyq bolady», - dedi Sh. Turlybek.