«Astana - HHІ ǵasyrdyń qalasy» - respýblıkalyq basylymdarǵa sholý
***
Keshe Elbasy Nursultan Nazarbaev Astana qalasyn ári qaraı damytý máselelerine arnalǵan keńeıtilgen keńes ótkizdi. Keńeske jekelegen mınıstrlikter men ulttyq kompanııalardyń basshylary, Astana qalasy ákimdiginiń jáne aýdandyq ákimdikterdiń basshylyq quramy, sondaı-aq Astana qalalyq máslıhatynyń depýtattary qatysty. Osyǵan oraı «Egemen Qazaqstan» gazetinde «Astana - HHІ ǵasyrdyń qalasy» degen taqyryppen maqala jaryq kórdi. Basylymnyń atap ótýinshe, alqaly jıyndy qorytyndylaǵan Memleket basshysy Úkimet pen elorda ákimdigi aldyna qalany jylýmen qamtamasyz etý, qurylysy júrip jatqan barlyq nysandardyń sapasy baqylaýǵa alý, azyq-túlikpen qamtamasyz etý, kórsetý oryndarynyń sapasyn jaqsartý syndy máselelerdi sheshýdi tapsyrdy.
«Keshe Astana tórinde Qazaqstan quramasy Ázirbaıjan komandasyn qabyldap, 2012 jylǵy Eýropa chempıonatynyń irikteý týrnırindegi alǵashqy jeńisine jetti. Esep - 2:1. Osy kezge deıin Eýropa chempıonatynyń irikteý týrnırine ekinshi ret qatysyp, sonyń ekeýinde jeńisti toılaǵan ulttyq qurama úshin keshegi Ázirbaıjanmen bolǵan jıyrmasynshy oıyn jeńisti kúnderimizdiń jalǵasy bolsa degimiz keledi», - dep jazady «Egemen Qazaqstan» gazeti senbilik nómirindegi «Jeńdik! Gol! Jankúıerlerge rahmet!» degen maqalasynda.
***
BUU-nyń sársenbi kúni jasaǵan málimdemesi álem halqyn ári-sári oıǵa qaldyryp otyr. Munyń sebebi de bar. Óıtkeni dúnıejúziniń jurtshylyǵy esirtkige qarsy kúresti kúsheıtip jatqanda álemniń júzden astam eliniń basyn biriktirip otyrǵan Birikken Ulttar Uıymynyń ǵalamdyq komıssııasy tosyn baılamǵa keldi. Biraq bul málimdeme jurtshylyqtyń kóńiline jaǵyp otyrǵan joq. «Aıqyn» gazetiniń jazýynsha, BUU-nyń ǵalamdyq komıssııasynyń músheleri: «Esirtkige qarsy ǵalamdyq kúres óz nátıjesin bermedi. Sondyqtan nashaqorlardy qýdalap, jazalaǵannyń ornyna olardy zańdastyrý kerek. Sonda ǵana nashaqorlar azaıyp, qylmys tómendeıdi. Bul bir. Ekinshiden, esirtkiqumarlardy qýdalaǵandy toqtatý kerek. Nashaqorlar zańdastyrylǵanda ǵana bul saladaǵy bylyqtar azaıady», - dep otyrǵan kórinedi. Maqala «Nashaqorlyqty zańdastyrý kerek pe?» degen taqyryppen berilgen.
Osy basylymnyń jazýynsha, Almatynyń tórindegi «Medeý» muz aıdynynda Tótenshe jaǵdaılar mınıstri Vladımır Bojko, Almaty qalasynyń ákimi Ahmetjan Esimovtiń qatysýymen ótken jıynda tótenshe jaǵdaılar jónindegi qalalyq departament, «Qazseldenqorǵaý» jáne orman sharýashylyǵy qyzmetkerleri osy aýmaqtaǵy tabıǵı qaýip kózi bolyp tabylatyn eki máseleni talqylady. Sonymen qatar jıynda múddeli organdardyń qyzmetkerleri taý betkeılerinde qýrap jatqan aǵashtardy kim jınaıdy, oǵan qajetti quraldardy, mamandandyrylǵan qol kúshin qaıdan tartý kerek, qarjyny kim bólýi kerek degen suraqtarǵa jaýap izdedi. Jazylǵan jaıt týraly tolyq maǵlumat alǵyńyz kelse, «Qulaǵan shyrshylar qaýipti bolyp tur» degen maqalaǵa kóz júgirtińiz.
***
«Alash aınasy» gazetiniń turaqty «Dat!» aıdarynda aqyn, Halyqaralyq «Alash» ádebı syılyǵynyń laýreaty Aqushtap Baqtygereevamen aradaǵy suhbat «Men - qazaqpyn» degen rýh keýdemizdi kerip turmaǵan soń, ózge tilde saıraǵannan ne paıda?!» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Aqyn degen atty estigennen oryndarynan turyp qoshemet kórsetetin bul qazaq qazir aqyn dese, at-tonyn ala qashatyn bolǵan. Sebebi aqynnyń tili ótkir, kemshilikterdi aıtady ǵoı. Aqyn adamzatqa qarsy sııaqty uǵym qalyptasqan. Al aqyn qaı kezde adamǵa qarsy bolyp edi?», - deıdi.
Búgingi tańda ıpotekamen páter alyp, 15-20 jylǵa tynysh uıqysynan aırylǵan boryshkerlerdiń máselesi órship turǵany jasyryn emes. Páteraqysyn tóleı almaı, bankke qaryzǵa belshesinen batqan halyqtyń zaryn estiseń, júregiń qars aırylady. «Kótere almaıtyn shoqpardy beline baılap nesi bar» degiń de keledi. Degenmen, qaıtsin endi, ómir boıy úı jaldap, ózgege aqsha berip kelgenshe, óziniń páteri úshin tólegeni jaqsy ǵoı. Biraq, bunyń arty qaıǵyly oqıǵaǵa ulasaryn adam boljap bilsin ba? Qaryzyn óteı almaı úıinen shyǵarylǵan boryshkerlerdiń bireýi - órtendi, endi bireýi kópqabatty úıden sekirip ketti. Bul jaıynda «Alash aınasy» gazetiniń senbilik sanyndaǵy «Boryshkerlerdiń zary áli de jalǵasýy múmkin» degen maqaladan bile alasyzdar.
***
«Keshe Premer-Mınıstr Kárim Másimov Ázirbaıjan, Grýzııa, Qazaqstan, Reseı jáne Túrkııadaǵy «Shevron» korporatsııasynyń Eýrazııalyq qurylymdyq bóliminiń Basqarýshy Dırektory Skott E. Devıspen kezdesti», dep jazady «Kazahstanskaıa pravda» gazeti. Basylymnyń atap ótýinshe, kezdesý barysynda qazaqstandyq ken oryndaryn ıgerý sheńberinde ekijaqty qarym-qatynas máseleleri, sondaı-aq korporatsııanyń munaı-gaz salasynyń ınfraqurylymdyq jobalaryna qatysýy talqylandy.
