«Astana hanymy» - XXI ǵasyrdyń isker áıeli, aıaýly jar, meıirimdi ana bolýy shart
STANA. Tamyzdyń 24-i. QazAqparat /Erkegúl Qaıratqyzy/ - «Astana hanymy» - XXI ǵasyrdyń isker áıeli, sonymen qatar aıaýly jar, meıirimdi ana bolyp tabylatyn kelinshekter bolýy kerek. Elordada «Astana hanymy» baıqaýyna qatysatyn kelinshekterge qoıylatyn basty talap osy.
Búgin elordada ótken baspasóz máslıhatynda «Astana hanymy» baıqaýynyń dırektory Dınara Satjanova konkýrs jaıynda aqparat berdi, dep habarlaıdy QazAqparat.
Qazaqstanda eń alǵash ret bul konkýrs 2008 jyly uıymdastyrylǵan bolatyn. Bıyl 2-shi ret uıymdastyrǵaly otyrǵan konkýrs 2 kúnnen keıin, tamyzdyń 26-da elordadaǵy «RIXOS» qonaq úıinde ótedi.
«Barlyǵy 16 qatysýshy, olardyń ishinde eń jas qatysýshy - 24-te, eń eresegi 39 jasta», deıdi D. Satjanova.
«Bul konkýrsqa qatysýshylar arasynda 2 telejúrgiýshi, 3 jýrnalıst, 2 isker áıel, Bas prokýratýra, bank qyzmetkeri bar. Bıylǵy konkýrsymyz qyzyqty ótkeli otyr. Óıtkeni, eń alǵashqy konkýrsta qatysýshylardyń jumys isteý- istemeýi mańyzdy emes edi. Al, bıyl kerisinshe, kelinshekterimiz mindetti túrde qyzmette bolýy kerek», dep atap kórsetti ol.
«Astana hanymy» baıqaýynda jeńiske jetken qatysýshy tamyzdyń 16-sy kúni Almatyda Qazaqstan hanymy baıqaýynda elorda atynan synǵa túsedi. Onda eldiń aımaqtarynan iriktelgen arýlar arasynan 3 jeńimpaz anyqtalady jáne olar Seýlde ótetin «Álem hanymy» baıqaýyna attanady.
Baıqaý barysynda qatysýshy lar 10 mınýt ishinde tamaq daıyndap, balalaryna, kúıeýine kóńil men kútim kórsete bilýi shart. Sonymen qatar onyń ónerge degen beıimi erekshe nazarǵa alynady.
Konkýrstyń maqsaty - qoǵamda otbasy men áıelderdiń mártebesin kóterý.
