Astana halyqaralyq marafonynda 75 jastaǵy aqsaqal 21 km eńserdi
NUR-SULTAN. QazAqparat - Jeksenbi kúni elordada ótken Nur-Sultan Half Marathon birinshi jartylaı marafonyna 24 elden 4 myń áýesqoı sportshy qatysty, dep habarlaıdy QazAqparat.
Marafonshylar EXPO aýmaǵynan bastap astananyń eń kórikti jerlerimen júgirip ótti.
Jarys dıstantsııalary – 21.1 km, 10 km jáne 10 km skandınavııalyq júris.
Eń uzaq qashyqtyqty baǵyndyrǵandar arasynda 75 jastaǵy Marat Baltabaev bar. Aqsaqal úshin bul birinshi marafon emes. Júgirý – onyń hobbıi.
«Men 75 jastamyn...Jaqsy júgirip shyqtym, biraq óte ystyq boldy. Almatyda sáýir aıynda 1 saǵat 49 mınýt, al búgin 1 saǵat 50 mınýt júgirdim. 21 shaqyrymdy eńserdim», - deıdi M.Baltabaev.
Marafon jeńimpazdary
Erler arasynda 21 km júgirgen Rınas Ahmadeev jeńimpaz atandy. Onyń máredegi ýaqyty – 1 saǵat 2 mınýt 54 sekýnd. Bul Nur-Sultan Half Marathon trassasynyń 21.1 km-degi jańa absolıýtti rekordy.
Osy dıstantsııada áıelder arasynda Evgenııa Prokofeva jeńimpaz boldy. Onyń ýaqyty 1 saǵat 14 mınýt 15 sekýnd.
21 shaqyrymnyń absolıýtti kóshbasshylaryna aqshalaı júldeler berildi: birinshi oryn – 450 myń teńgeden, ekinshi oryn – 400 myń teńgeden, úshinshi oryn – 350 myń teńgeden. Jas sanattary boıynsha jeńimpazdar (10 km jáne 21,1 km) seriktesterden syılyqtar aldy.
